Дәрумендер және денсаулық

Ашық ұйымдастырылған оқу іс-әрекеті

Тақырыбы: «Дәрумендер және денсаулық»

Мақсаты: Бау-бақшада өсетін көкөністер мен жемістер туралы түсініктерін кеңейту. Олардың құрамында кездесетін дәрумендердің адам денсаулығына маңызы туралы мәлімет беру. Салауатты өмір сүруге тәрбиелеу.

Көрнекіліктер:

1.Жемістер мен көкөністер

2.Магнитті тақтайша, адам бейнесі.

3.Муляждар

4.Буклеттер

Дәрігер: Дәрумендер - ағзаның зат алмасуының және жұмыс істеу қабілетінің болуы үшін үлкен маңызы бар органикалық қоспалар. Дәрумендер көкөністер мен жемістерде көп болады. Қәнеки балалар, біздің дәрумендерімізбен танысайық.

Шие: Шиемін, мен шиемін, Күннің көзін сүйемін. Қышқыл шырын менде бар, Төмен басты иемін.

Жүзім:Мен жүзіммін,жүзіммін, Моншақ болып түзілдім. Сары күзде үзіліп, Себетке кеп түзілдім.

Алмұрт: Мен алмұртпын,алмұртпын, Аузындамын бар жұрттың. Мені татқан адамның, Таңдайынан бал тамар.

Алша: Көзін тартқан баршаның, Қызыл күрең алшамын. Тәтті екен деп тамсанар, Аузына салған адамның.

Алма: Пісіп тұрған алмамын, Тамсандырар бар дәмін. Жерге сілкіп түсірме, Ісіп кетер маңдайым.

Пияз: Асханадан шықпаймыз, Атым- пияз, бұқпаймыз. Көзден жасты шығарып, Тұмаудан бірақ сақтаймыз.

Қызанақ:Тал шыбығым бұралып, Бақшаларда қызарып. Тұрған ол мен қызанақ, Күнге қарап ұялып.

Сәбіз:Өсірген бойыңды, Дамытатын ойыңды. Қояндарға азықпыз,

Сәбіздерміз жазықсыз.

Картоп:Картоп біздің атымыз, Жер астында жатырмыз. Бір тамырдан тараған, Ағайынбыз бәріміз.

Қияр: Кім білмейді қиярды, Дәмім тілді үйірген. Жаңа піскен кезімде, Жейді бәрі сүйсіне!

Дәрігер: Жарайсыңдар балалар енді мына тақтайшада адам ағзасының суреті бейнеленген. Адам ағзасына дәруменнің артықшылығы жоқ. Соны біздер жеміс пен көкөністің суреттерін жабыстыра отырып дәлелдейік.

Балалар сурет жабыстырып болған соң.

Дәрігер: Біздің денсаулығымызды сақтауға жеміс-жидектердің тигізер көмегі көп екен балалар.

Сол кезде көкөністер мен жемістер дауы басталады.

Қияр: Жиналып қаппыз бәріміз Қайссымыз ең дәмдіміз? Ішімізден адамға Тиеді көп пайдамыз?

Қызанақ: Піскен кезде қызанақ, Көз тартар қызыл түсімен. Бар ма адам сүйсінбей, Томат шырынын ішпеген?

Алма: А-сы қажет көзіңе, В-сы жүйке нығайтар. С-дан микроп безінер,

Д-сүйекті нығайтар.

Картоп: Мен ұялшақ картоппын, Мен емеспін мақтанар. Мені жақсы көреді, Үлкендер мен балалар. Бос айтысты қояйық,

Дауласуды тоқтатайық.

Осы уақытта Вирус кіреді.

Вирус:Тоқтатыңдар дауды. Мына мен тұрғанда сендердің ешбіреуің іске аспайсыңдар. Мен сендерге жақындасам сендер жарамсыз боп қаласыңдар.

Дәрігер: Балалар біздер ағзамызды әлсіретпеу үшін, вирус жұқтырмау үшін не істейміз?

Балалар: Тамақты қолымызбен жуып жейміз. Ертеңгісін денемізді шынықтырамыз.

Осы кезде музыка ойнап, жаттығу жасайды

Балаларға қарап қалған вирус.

Вирус: Жарайды мен сендерге зиянымды тигізбейін, сендер өте тамаша екенсіңдер.Мен кетейін,өзіме басқа жерден азық іздейін.

Вирус шығып кетеді.

Дәрігер: Денсаулықты сақтауға, Денсаулықты жақтауға,

Дәрумендер пайдалы...

Түрлі тағам құралы , -дей келе, біздің денсаулығымызды сақтауға дәруменнің маңызы зор екенін білдік. Сендерге көп-көп рахмет!

Заллдан балалар шығады.