Дулат Исабеков «Әпке» драмасы (үзінді) ҚМЖ

Пән: Қазақ тілі

Ұзақ мерзімді жоспар бөлімі: 3-бөлім. Қазақ киносы мен театрының қазіргі келбеті

Сынып: 10

Мектеп: Ақсай қаласының №3ЖББМ КММ

Мұғалімнің аты-жөні: Арыстанова А.М.

Қатысқандар саны:

Қатыспағандар саны:

Сабақ тақырыбы

Дулат Исабеков «Әпке» драмасы (үзінді)

Осы сабақта қол жеткізілетін оқу мақсаттары (оқу бағдарламасына сілтеме)

10.3.3.1 әдеби шығармада көтерілген әлеуметтік-қоғамдық мәселені талдау және кейіпкерлерді шынайы өмірмен салыстырып бағалау

Бағалау критерийлері

• Әдеби шығармада көтерілген әлеуметтік-қоғамдық мәселені талдау

• Кейіпкерлерді шынайы өмірмен салыстырып бағалау

Тілдік мақсаттар

Лексикалық минимум: қарапайым, бауырмал,шыншыл, табандылық, азап

Ойлау дағдыларының деңгейі

Қолдану, талдау ,бағалау

Сабақ барысы

1-слайд:

-Сәлеметсіздер ме, жас достар! Бүгінгі сабағымызды «Дулат Исабеков «Әпке» драмасы» тақырыбының екінші сағатына арнаймыз. Бұл бізде «Қазақ киносы мен театрының қазіргі келбеті » бөлімінің 10-сабағы болып табылады.

2-слайд:

-Бүгінгі сабақтың мақсатына сай сіздің меңгеретініңіз: әдеби шығармада көтерілген әлеуметтік-қоғамдық мәселені талдау және кейіпкерлерді шынайы өмірмен салыстырып бағалау

3-слайд:

-Оқушылар, өткен сабақтың өзіндік жұмыс тапсырмасы бойынша сіздер «Дулат Исабеков «Әпке» драмасын оқып, танысып шықтыңыздар. Қане, білгенімізбен бөлісейік. Драманың басты кейіпкері кім? Қамажай қандай адам?

4-слайд:

Сонымен бұл драманың басты кейіпкері:

-Қамажай

-Қамажай -өте сыпайы, қамқор, қарапайым, бауырмал,мейірімді әрі алдынан шыққан қиыншылықтарды көтере білген, өмірге құштар кейіпкер.

5-слайд:

Қазір сіздерге оқылым мәтіні ұсынылады.

-Қанеки, бәріміз бірге оқиық.

- ...Қамажай тамақ әкеліп столға қояды. Камила сөйлеп отыр.

Камила: Біздің өз пікіріміз болуы керек. Өз пікірі, өз ойы болмаса, адам алдына ешқашан мақсат қоя алмайды. Демек, ол өз бақыты үшін күресуді білмейді.

Сұлтан: Ал сен өзің білесің бе?

Камила: Иә, мен өз бақытым үшін күресе аламын.

Сұлтан: Ал сен өзің «бақыт»дегеннің не екенін білесің бе?

Камила: Бақыт деген...-ылғи қуаныш, ылғи сәттілік емес. Бақыт деген - азап.

Темірбек: Аз -зап?... (күледі)

Камила: Иә. Бірақ ол үлкен мақсатқа барар жолдағы азап. Циолковский, Достоевский, Королев... Қалай ойлайсыңдар, «солардың бәрі рақат өмір сүрді», - дейсіңдер ме? Олардың бүкіл өмірі азаппен өтті. Адамзат үшін, ғылым үшін азап шекті, күресті. Міне, бақыт деген - сол. Сол күрес пен жеңістің жемісі - мына біз. Біз қалауымызша өмір сүруге тиіспіз.

Светлана: Менің атам, 18-жылы Ақтөбеде ақтармен шайқаста қаза тапты. Әкем Отан соғысында Сталинград түбінде қаза тауыпты. Балалардың бақыты үшін қаза тауыпты. Енді... Енді біз неге бақытты өмір сүрмейміз? Екі ұрпақ өмірі қаза тапқанда келмейтін ол - не деген бақыт?!

6-слайд:

- Ал енді жұмыстану кезеңіне көшейік. Сіздерге берілетін 1-тапсырма: «Бақыт- мақсатқа жету» қағидасына сай жағдаяттық сұраққа жауап беру. (өз өміріңмен байланыстыр) Мақсатқа жету үшін қандай қабілеттер керек? Өз көзқарасыңды екі-үш сөйлеммен жеткізіп көр.

7-слайд:

Ықтимал жауап

Мақсатқа жету үшін қажетті қасиеттің бірі - табандылық. Табандылықтың арқасында сізде ерік күші жиналады. Ал ерік күші арқылы мақсатыңызға жетуге қажетті құлшыныс туындайды. Онсыз мақсатыңызға жете алмайсыз.

8-слайд:

2-тапсырмада Бақыт туралы кейіпкерлердің көзқарасына келісетініңді, не келіспейтініңді өзіндік пікірмен салыстырып, дәлелдеп жазып көр. Бұл тапсырманы орындау арқылы бүгінгі сабақтың мақсатына қол жеткіземіз. Ал, ендеше, сәттілік! Мәтінді тағы да бір мұқият шолып шығыңыз.

Дескрипторды басшылыққа аламыз:

- Бақыт туралы кейіпкердің көзқарасын табады;

- Кейіпкердің көзқарасымен келісетінін, не келіспейтінін анықтайды

- Өзіндік пікірін дәлелдейді.

9-слайд: Өз ойларыңызды ұсынған үлгімен салыстырыңыз.

Камиланың ойынша: -Бақыт- азап Келісемін. Себебі адам бақытқа жету үшін көптеген қиындықтардан өту керек.

Келіспеймін. Мен үшін, бақыт - бұл азапсыз, тыныш өмір сүру.

Шығармада көтерілген әлеуметтік мәселені пысықтау мақсатында төмендегі сұрақтарға жауап беріп көріңіз.

Қамажай неге жалғыз қалады?

Жеке өмірін ойламай, бауырларын өсірген адамның жалғыз қалғаны әділдік пе?

10-слайд:

-Сонымен, достар, біз бүгін Дулат Исабековтың «Әпке» драмасының бақыт туралы ойды пысықтап, тақырып бойынша өз өмірімізбен байланыстырып, жағдаяттық сұраққа жауап беруге тырыстық, кейіпкерлердің көзқарасын талқылап, өз ойымызбен салыстырып көрдік.

- Олай болса, экрандағы сөйлемдерді толықтыра отырып, өзімізді бүгінгі сабақ бойынша бағалайық. Өзіңді бағалауда шыншыл бол!

- Маған .... қиын болды.

- Мен ... жасай алдым.

- Мен ... екенін түсіндім.

- Өмірім үшін сабақ маған ... берді

11-слайд:

-Жарайды, өзіндік жұмыс тапсырмасын жазып алайық. «Адамның бақыты дегеніміз не?» тақырыбында шағын эссе жазыңыз. Дескрипторды басшылыққа алуды ұмытпаңыздар.

Дескриптор:

-Көтерілген мәселеден ауытқымайды

-Жұмыстың негізгі құрылымын сақтайды(кіріспе, негізгі, қорытынды)

-Дәлелді ақпараттарды келтіреді

-Білім алушылар, зейін қойып тыңдағандарыңызға рахмет. Сау болыңыздар!