Зейнуллина Айгерим Сейткалиевна

Қостанай қаласы

МКҚК № 51 бөбекжай бақшасы

тәрбиеші

Еңбек-тіршілік негізі

Бүгінгі бала, ертеңгі қоғам иесі. Қоғамдағы экономикалық, саяси, мәдени жаңалықтардың жаршысы бола алатындай парасатты азамат тәрбиелеу ата-ана, тәрбиеші , мұғалім алдына үлкен міндеттер жүктеп отыр. Оқу-тәрбие орындарының басты міндерінің бірі – баланың дербес әрекеттерін дамыту, әртүрлі шығармашылық белсенділікке баулу болып табылады. Ал еліміздің көркеюі осы еңбек пен шығармашылыққа байланысты. Еңбекпен ләззат ала алмаған жастарымыз рухани құндылықтарын түсінбеуі мүмкін. Демек еңбек- адам тіршілігінің ең негізгі қажеттілігі.

Баланың дүниеге келген күнінен бастап бағып күтетін табиғи тәрбиешісі ата-ана, отбасы. Отбасындағы тұрмыстық шаруашылық еңбектерге араласуын баланың ес біле бастаған кезінен-ақ күнделікті әдетіне айналдырған дұрыс. Бұл баланы еңбекке баулудың басты шарттарының бірі. Бірақ еңбек әрекетін балаға күштеу жолымен атқару қателіктің басы болмақ. Тек саналы түрде түсіндіріп, тәртіппен жүргізілген еңбектің нәтиже берері анық. А.С.Выготский, Р.Б. Эльконин ғалымдар мектеп жасына дейінгі балалардың өз бетімен еңбек дағдысына икемі келетінін дәлелдейді. В.В. Мухина тәрбие процесінде бала іс-әрекетітің сан алуан түрін меңгеретінін атап көрсетеді. Ал Мағжан Жұмабаев: бала ешуақытта іссіз тұра алмайтын болғандықтан, балаға ылғи пайдалы іс беріп отыру керек. Сол уақытта бала өмір бойы пайдалы іске әдеттеніп кетеді. Егер балаға пайдалы іс берілмесе, бала өз бетімен қайдағы нашар, зиянды істерге әдеттеніп кетеді деп жазған.

Бала өмірі түрлі іс-әрекеттерге толы болуы баланың дамуына жағымды әсері және бақытты балалық шақтың кепілі- дейді. Баланы кішкентай жасынан-ақ еңбекке тәрбиелеудің маңызы тек оның келешегі үшін ғана емес, оның дұрыс дамуы үшін –дене, ақыл-ой, эстетикалық тәрбиенің, сондай-ақ адамгершілік сапаларының ең қажеттілерінен бастап тәрбиелеуде аса бағалы құралы.

Болашаққа, өркениетке ұмтылудың бастамасын мектеп жасына дейінгі тәрбиеден бастау, іздеу, әрбір ата-ананың, тәрбиеші мен көзі ашық қоғам мүшелерінің міндеті болуы тиіс.