Ы. Алтынсарин атындағы ЖОББМ2017-2018 оқу жылы
Өткізген Кітапхана меңгерушісі: Сисенгалиева А.Т.
Тақырыбы: «Жайығын жырлайды ақын жүрек»Мақсаты: Өз өлкемізден шыққан Ақұштап Бақтыгерееваның өлеңдері мен өмір жолдары мен таныстыру. Өлеңдері арқылы туған жердің ой қырын, тал терегін, нуы мен суын, малы мен жанын жырлаған ақын екенін таныту. Оқушылардың өз өлкемізді, туған жерімізді, өз өлкемізден шыққан ұлы адамдарды тани білуіне үйрету.Көрнекілігі: Ақын суреті, шығармалары, өлеңдерінен үзінділер, ағалар айтқан лебіздер, слайд. Кітапханашы. Құрметті оқушылар Жайық өңірінен шыққан жерлес ақын, атанған Ақұштап Бақтыгерееваға арналған «Жайығын жырлайды ақын жүрек» атты поэтикалық кешімізге қош келдіңіздер. Батыс өңірінен шыққан тағы қандай ақын-жазушыларды білесіңдер? (Ж. Молдағалиев, Т. Жороков, Х. Есенжанов, С. Сейтов, Қ. Жұмағалиев, Қ. Марза Әлі) Өз өлкемізден шыққан ақын – жазушылар туралы білу біздің парызымыз. Ақұштап ақынның басты екі ерекшелігі бар. Біріншісі – шөпті де, шөңгені де өлең етпейтіндігі. Жеке бас күйбіңінен, пендешілік пәруайсыздықтан тыс, баршамызға ортақ жүрек қылын шертіп қана қоймай, алашқа, жалпы адамзатқа ортақ мәселелерді көтерді. Екінші ерекшелік – Ақұштаптың мол талант, білім-білік, зерде парасат иесі екендігінің басы ашық: ол не жазса да ғашық болып жазады. Қастерлі қазақ қызы – Ару, нәзік Әйел, нар Ана болып жатады. І. Ақын Ақұштап туралы өмір дерек. Слайд арқылы таныстыратын Наурызғалиева Гауһар. Ақұштап Бақтыгереева 23.08.1944 жылы БҚО Ақжайық ауданы, Еңбек ауылында дүниеге келген. Орал қаласындағы С. Сейфуллин атындағы 11 орта мектепті бітіргеннен кейін Қазақтың қыздар педагогикалық институтында филология факультетінде оқып білім алады. Еңбек жолын облыстық «Орал өңірі» газетінен бастайды. Қазақстан жазушылар одағының мүшесі. Алғашқы өлеңдер жинағы «Өрімтал» деп аталады. Кітапханашы: Жазушы Сәбит Мұқанов ақын Ақұштап Бақтыгерееваның алғаш өлеңін оқып арнайы «Қазақ әдебиеті» газетіне соғып, Ақұштап деген есімнің төркіні қайдан шыққанын түсіндіріп кетеді. «Ескі сөздікте Жібек жолында сауда керуені таситын, Батыс өңірінде көп қолданылған бедерлі жылтыр матаның атын саған кім қойған?» - деп сұрайды. Ақынның есімін әжесі қойған екен. ІІ. Әр жылдары жазылған өлеңдер топтамасы. Балдәурен – балғын кезің бірЖастықшақ – алау сезім бұлАсылың Анаң – сырласыңМазасыз жүрек – жырласынАқылшы - абзал ағаларҚалдырған мұра – бабаларТасиды Жайық – көктемдеЖазу бар – қойын дәптердеӘнге сөз жазған - сәттердеОқушылар өлеңдерін мәнерлеп оқиды. Алмашева Д, Құрманғазы М, Қазмуханбетова Л, Қайырболатова М Төрәлі Рахман Ән: «Оралдың ерке самалы» орындайтын Сейтонова АқботаАңыздар. мәнерлеп оқуға ортаға оқушыларды шақырымыз«Ақсақ құлан» Социалов Талғат«Ақсақ қыз» Сұлтанов Нұрберген«Ана махаббаты» Сисенгалиева АйнагулІІІ. Ақын күнделігі сыр шертеді. Оқушыларға сөз кезегін береміз.IV Ағалар айтқан лебіздер «Қыз дегенің – болмысынан ана. Ал Ақұштап оған қоса болмысынан ақын. Осылай жаратылғанымен, екі қасиеттің басын қосу да оңай шаруа емес. Ақұштап оған әуре болмайды. Ол өзін әрі ана, әрі ақын сезінеді. Өйткені осынау екі қасиетті құдірет Бақтыгерееваның басында біртұтас дүниеге айналған. Оның маңдайындағы екі көздің бірі – ананың көзі болса, бірі – ақынның көзі». Қадыр Мырза Әлі, Қазақстанның халық жазушысы, ақын.
«Мен ақын қарындасым Ақұштап Бақтыгерееваны нәзік лирик деп жүрген едім, оның ауыл жайлы тебіренісін оқып, кей жігіттерге кездеспейтін азаматтың үні мен намыс оятар ойларына қатты риза болдым. Ол – өмірге ұлт мүддесімен қарайтын батыл ақын». Әзілхан Нұршайықов, Қазақстанның халық жазушысы, мемлекеттік сыйлықтың лауреаты.
«Мен ақын қарындасым Ақұштап Бақтыгерееваны нәзік лирик деп жүрген едім, оның ауыл жайлы тебіренісін оқып, кей жігіттерге кездеспейтін азаматтың үні мен намыс оятар ойларына қатты риза болдым. Ол – өмірге ұлт мүддесімен қарайтын батыл ақын». Әзілхан Нұршайықов, Қазақстанның халық жазушысы, мемлекеттік сыйлықтың лауреаты.
V Қорытынды. Ақын Ақұштап шығармашылығының да күн мен түндей, от пен мұздай, жақсылық пен жамандықтай екі беті бар. Сондықтан да Ақұштап ақынның жақсылықты мақтап, жамандықты кейде «ақтауы» да, сұлулықты сақтап, зұлымдықты қақтауы да заңды. Ақынның марапаттары.2005 жылы мемлекеттiк наградасы "Құрмет" орденiмен марапатталды,2008 жылы «Астанаға – 10 жыл» медалімен марапатталды,2009 жылы «Орал қаласының құрметті азаматы» атағы берілді.2012 жылы "Қазақстанның еңбек сіңірген қайраткері" құрметті атағына ие болды, Халықаралық «Алаш» сыйлығының иегері
11 Маусым 2018
383
0 рет жүктелген
Дайын ҚМЖ. Барлық пәндерден 2022-2023 оқу жылына, жаңа бұйрыққа сай жасалған