Жас маманға тәлімгерлік көмек

Тәлімгер Дуйсенбаева Асем Аманжановнаның тәліпі Шаратбеков Таңат Төлеуұлымен жүргізген жұмыстарының есебі

08.10.2018 жыл

Тәлімгерлік үдеріс

Тәлімгерлік - ұзақ  уақытқа созылатын, тәлімгер мен тәліп  арасында,  сенімді,  жеке тұлғаға бағытталған  қарым – қатынаc  құру үдерісі. Ол тәлім алушының педагог ретінде қалыптасуы мақсатында өзінің білімін,  ойлауын тәжірибелік іс-амалдардың тиімділігін жеткізуде айтарлықтай қарқын алуына көмектеседі. Тәліпке тәлімгерлік ету барысында  мен өзімнің білімім мен тәжірибемді бөлісемін және тәліптің оқу үдерісіне өзгеріс енуіне ықпал етемін, ал тәліп еңбек жолында айтулы жетістіктерге жету мақсатында өзінің кәсіби дағдыларын дамытып, сонымен қатар студенттерді креативті білім беруде инновациялық интерактивті әдістерді тиімді пайдалана білуді үйренеді деп ойлаймын. Тәлімгерліктегі басты ұстаным қызмет емес, қарым-қатынас болып табылады. Міне осыны негізге ала отырып, тәліппен арамызда сенімді қарым-қатынас орнаса деген мақсатта мен алдымен кездесу өткізгенім дұрыс деп ойладым. Кездесу барысында колледжіміздің басты бағыты мен миссиясы жайлы айтып өтіп, СМЖ құжаттарымен таныстырдым. Мұндағы менің ойым тәліптің алғашқы күннен құжатты сапалы жүргізу төңірегінде ойланғанын қаладым. Тәліптің қажеттіліктерін анықтау мақсатында сауалнама алдым(ауызша және жазбаша). Мен тәліптің дәстүрлі сабақтарына қатысып, оқытудағы өзекті мәселесін және мүмкіндіктерін анықтағаным дұрыс деп ойлаймын. Ары қарай тәліптің менің және әріптестерімнің сабақтарына қатысуы жоспарлануда. Мұндағы мақсат, тәліптің оқушылардың ойлауын дамытуға бағытталған тапсырмалар түрлерін үйренуі. Келесі жоспарланған жұмыс тәліптің сабақтарына қатысу. Бұл кезде мен тәліптің студенттерді креативті ойлауға үйретудегі әдістерді қалай тиімді пайдаланып жатқанын анықтаймын деп жоспарлап отырмын. Тағы бір кәсіби отырыс өткізіп, тәліптің сабақтарына байланысты ұсыныстар мен әдістемелік көмектер бергенім дұрыс деп есептеп отырмын. Тәліптің сабақ беру үдерісіне өзгерістер енгізуінің даму көрсеткішін мониторинг арқылы анықтаймын деп жоспарлап отырмын.

Тәлімгерлік ету барысында мен өзімнің біліміммен, іс-тәжірибеммен бөлісіп, тәліптің еңбек жолында айтулы жетістіктерге жету мақсатында өзінің кәсіби дағдыларын дамытып, проблемаларды шешу жолдарын іздеуіне, студентерді креативті ойлауға үйретуде әдістерді тиімді пайдалануына т.б. қолдау көрсетемін деген сенімдемін.

ТӘЛІМГЕРЛІК ЖОСПАР

Тәлімгерлік етудің мақсаты:

Креативті ойлау арқылы инновациялық әдіс тәсілдерді тиімді пайдалануды үйрете отырып, тәліптің сабақ беру үдерісіне өзгерістер енгізу

Күтілетін нәтиже:

Тәліп оқытудың әдіс-тәсілдерімен танысады, оқу үдерісін дамытуға үйренеді және қолданады