Мектепалды жас тобы
Дене шынықтыру: Допты тез лақтырамыз
Оқу қызметінің мақсаты
Балаларда сапта бір қатармен тұру, жүру; шашырап жүгіру дағдыларын
қалыптастыруды жалғастыру; қос қолмен допты жоғары, жіптің үстінен
лақтыруға үйрету; ойындар арқылы кеуде тұсынан қос қолмен допты лақтыру
дағдыларын дамыту.

Сөздік жұмыс
"Бір қатармен тұр!", "Шашырап жүгіреміз", "Қос қолмен допты жоғары лақтыр",
"Жіптің үстінен лақтыр" сөздерін пайдалану.

Әдіс-тәсілдер
Релаксация, жалпы дамыту жаттығуларына дайындық, жалпы дамыту
жаттығулары, негізгі қимыл жаттығулары, "Жіптің үстінен лақтыр" пысықтау
ойыны, "Баскетбол" қимылды ойыны, тыныс алу жаттығуы.

Құрал-жабдықтар
1. Көрнекілік материалдар
Дене шынықтыруға арналған киімдер, музыкалық аппаратура, интербелсенді
тақта, баскетбол добына арналған тор, доптар.
2. Үлестірмелі материалдар
Бала санына байланысты жіптер, доптар, жұлдызшалар.

Оқу қызметінің барысы
1. КІРІСПЕ БӨЛІМ

1

1.1. Релаксация "Күзгі жапырақтар"
Балалар залға музыка әуенімен адымдап кіреді

Әуенді тыңдау және бейнелерді көру үшін QR-кодты сканерлеңіз

Педагог:
- Балалар, көңіл-күйлерін қалай? Жақсы.
- Қазір жылдың қай мезгілі? Күз мезгілі дұрыс айтасыңдар.
- Балалар, қазір музыка әуенімен сөздерін тыңдай жүріп, қимылдар жасаймыз.
- Қимылдарды менімен бірге қайталаймыз.

Бұтақтағы жапырақтар тегіс, әрі әдемі. (арқаны тік ұстап, қолдарын екі жаққа
жібереді)
Күз келіп, самал жел соқты. Жапырақтар ақырын жерге түсті. (босаңсу) 
Самал жел екінші жақтан соғып, жапырақ жерден ұшып кетті. (арқаны тік ұстап,
қолдарын екі жаққа жібереді)
Жаттығу бірнеше рет қайталынады. 
- Балалар, жарайсыңдар! Қазір бәрің қатар түзеп, сапқа тұруға дайындалыңдар.
1.2. Педагог:
- Балалар, музыка әуенімен сапқа тұрамыз. Тамаша!
- Сапта біріміздің соңымыздан біріміз жүреміз. Аяқтың ұшымен жүреміз, өкшемен
жүреміз. Жарайсыңдар!
- Ал енді, музыка әуенімен шашырап жүгіреміз. Бәрекелді!
- Жай қалыпқа түсіп, сапта бір қатармен тұрамыз. Жарайсыңдар!
- Ал, енді біртіндеп жалпы дамыту жаттығуларына дайындалайық. 

Әуенді тыңдау және бейнелерді көру үшін QR-кодты сканерлеңіз

2

Балалар педагогтің белгісі бойынша сапқа тұрады. Сапта бірінің соңынан бірі
жүреді. Аяқтың ұшымен, өкшемен жүреді. Педагогтің белгісі бойынша шашырап
жүгіреді. Жай қалыпқа түсіп, сапта бір қатармен тұрады. Біртіндеп жалпы
дамыту жаттығуларын дайындалады.
2. НЕГІЗГІ БӨЛІМ
2.1. Жалпы дамыту жаттығулары (жіппен)
1."Жіпті соз" жаттығуы. 
Бастапқы қалып: аяқ сәл алшақ, жіптің екі шетінен керіп ұстап, төмен түсіріп
тұру. 
1-2- жіпті жоғары көтеру, оған қарау.
3-4- бастапқы қалыпқа келу, "төмен" деу.
2. "Бұрылу" жаттығуы. 
Бастапқы қалып: аяқ иық деңгейінде, жіптің екі шетінен керіп ұстап, иық
 бойында ұстап тұру.
1- оңға бұрылу, қолды оң жаққа созу. 
2- бастапқы қалып, сол жаққа  орындау.  
3. "Сәл отыру" жаттығуы. 
Бастапқы қалып: жіптің  екі шетінен ұстап тұру.
1-2- сәл отыру,арқаны түзу ұстап, өкшені көтеру, жіпті екі жағынан ұстаған
күйде қолды алға созу, басты тік ұстау. 
3-4- бастапқы қалып.
4."Еңкею" жаттығуы. 
Бастапқы қалып: аяқ иық деңгейінде, қолды жіппен желке тұсында ұстау. 
1- жіпті ұстаған күйде жоғары созу.
2- оңға еңкею.
3- бастапқы қалып.
4- сол жаққа орындау. 
5. "Бүгілу, майысу". 
Бастапқы қалып: етпетінен жату, жіп  тура созылыңқы қолда.
1-3-артқа қарай майысу, жіпті жоғары көтеру. 
4-бастапқы қалып.
2.2. Негізгі қимыл жаттығулары
- Қос қолмен допты жоғары, жіптің үстінен лақтыру;

3

Педагог балаларға "қос қолмен допты жоғары, жіптің үстінен
лақтыру" жаттығуын көрсетеді.
Балалар өздеріне берілген тапсырмаларды орындап жатқанда педагог
жаттығулардың жасалу техникасына көңіл бөліп, дұрыс игере алмай жатқан
балаларға "Қос қолмен допты жоғары лақтыр", "Жіптің үстінен лақтыр" ескерту
жасайды. Жаттығуларды жақсы жасап жатқан балаларға "Керемет!",
"Жарайсың!", "Бәрекелді!", "Ептісіңдер!" деген сөздер айтып, шабыттандырып
отырады.
 
2.3. Негізгі қимыл жаттығуын пысықтау мақсатында педагог балаларға "Жіптің
үстінен лақтыр" пысықтау ойынын өткізеді.
Педагогтің шақыруымен балалар сапқа келіп, доптарды алып, екі қолымен
жіптің үстінен лақтырады. Содан кейін жіптің астынан өтіп, допты қуып жетеді. 
2.4. "Баскетбол" қимылды ойыны.

Педагог балаларды екі топқа бөліп, баскетбол добына арналған торға
 белгіленген нысанадан аспай, кеуде тұсынан қос қолмен допты лақтыру
керектігін айтады. Қай топ балалары допты дұрыс және көп лақтырады, сол топ
жеңеді. Ойын 2-3 айналымды құрайды.
2.5. Тыныс алу жаттығулары "Тынығайық"
Педагог балаларды музыка әуенімен сапқа тұруға шақырады. Балалар бірінің
артынан бірі тұрып, тыныс алу жаттығуларын педагогтің көрсетуі бойынша
орындайды. 
Педагог:
- Балалар, музыканың әуенімен ақырын жүріп келе жатып, тыныс алу
жаттығуларын жасаймыз

Әуенді тыңдау және бейнелерді көру үшін QR-кодты сканерлеңіз

- Тыныс алу жаттығулары кезінде әуеннің сөзі бойынша қимылдар жасаймыз.
- Қолымызды сәл жоғары көтереміз, сосын бірте-бірте төмен түсіреміз.
4

- Көкке қолды біз созамыз,
- Үлкен болып біз өсеміз.
- Күнге дейін жеткіземіз.
- Жәймен қолды түсіреміз,
- Күн сәулесін төгеді екен.
- Жерге нұрын себеді екен.
- Күн батқанда таудан асып,
- Тәтті ұйқыға кетеді екен.
- Тағы да жүріп отырып, еңкейіп, қолымыздың саусақтарын жыбырлатамыз,
жерге отырып, аяғымыздың басын ішке-сыртқа қозғаймыз. 
- Жарайсыңдар, балалар, енді орнымыздан тұрып, ақырын жүріп, демімізді ішке
тартып, терең дем алып, қайтадан ақырын демімізді сыртқа шығарамыз.
3. ҚОРЫТЫНДЫ
Педагог оқу қызметінің аяғында:
- Балалар, бүгінгі оқу қызметінде жаттығуларды өте жақсы орындап
шықтыңдар. 
- Біз бүгін қандай қимылдар жасап үйрендік? Қос қолмен допты жоғары, жіптің
үстінен лақтыруды үйрендік.
- Балалар, қос қолмен допты қалай лақтыру керек? Жоғары және бастан асыра
лақтыру керек.
- Қимыл жаттығуларын орындай сендерге қиынға соқпады ма? Жақсы.
- Жарайсыңдар! Бүгінгі оқу қызметіне бәрің белсенді қатыстыңдар, сол үшін
сендерге осындай жұлдызшалар беремін.
 

5

6

7

8

9