Ұзақ мерзімді жоспардың тарауы:

Қысым

Мектеп: №2 мектеп-гимназия

Күні:

Мұғалімнің аты-жөні: Қуанова А

Сынып:

7

Қатысқандар:

Қатыспағандар:

Сабақтың тақырыбы

Кері итеруші күш

Осы сабақта қол

жеткізілетін оқу мақсаттары

(оқу бағдарламасына

сілтеме)

7.3.1.12-сұйықтар мен газдардағы кері итеруші күштің табиғатын түсіндіру;

7.3.1.13-есептер шығаруда Архимед заңын қолдану

Сабақтың мақсаты

Барлық оқушылар үшін: сұйықтар мен газдардағы кері итеруші күштің шығу табиғатын түсінеді ;

Көпшілік оқушылар үшін: тақырып бойынша логикалық сұрақтарға жауап бере отырып, қарапайым тәжірибелер жасайды;

Кейбір оқушылар: Кері итеруші күш және Архимед заңына есептер шығарады;

Бағалау критерийі

• сұйықтар мен газдардағы кері итеруші күштің табиғатын түсінеді;

• тақырып бойынша логикалық сұрақтарға жауап бере отырып, эксперимент жүргізеді;

• деңгейлік есептер шығарады;

Тілдік мақсаттар

«Мензурка», «динамометр», «цилиндр», «калориметр» құралдарын эксперимент жасау, кесте толтыру барысында қолданып шамаларды анықтайды, салыстырады , топта алынған нәтижелерді сәйкестендіреді. Аталған терминдерді сөздік қорына қосады.

Құндылықтарға баулу

Су көліктерін құрастыру және суда жүк тасымалдау, ішкі және сыртқы туризмді дамыту.Демалыс орындарындағы жағажайларда денсаулық және өмір қауіпсіздігін сақтауға баулу

Пəнаралық байланыс

Сабақта төмендегідей пәндермен байланыс жүзеге асырылады:

Математика – есептер шығару (амалдар қолдану);

Тарих-Архимед заңының шығу тарихымен танысады;

Экология-Арал теңізінің экологиясы;

Алдыңғы білім

Архимед күшін эксперимент арқылы анықтайды алады, қауіпсіздік ережесін біледі;

Сабақтың жоспарланған кезеңдері

Сабақтағы жоспарланған жаттығу түрлері

ресурстар

Сабақтың басы

3 мин

«Фотосуреттер» 4 топқа бөлу

Ширату: Тапсырма-1

Проблемалық сұрақтар:

1. Неге ауыр денелерді суда көтерген жеңіл?

2. Ағаш бөрене мен шегені көлге тастасақ қайсысы батады? Неге?

Сабақтың ортасы

5 мин

15 мин

5 мин

10 мин

«Сұрақты ұстап ал!» әдісі . Тапсырма-2

1 . Неге өзен суына қарағанда ,теңіз суына жүзген жеңілірек?
2. Сүңгуір үйрек су бетінде қамыстың сабағынан ұя жасайды.Ұя су бетінде жел қалай соқса ,солай
қарай жүзеді.Құстың ұясын су бетінде қандай күш ұстап тұрады.Ұяның пішіні мен көлемі туралы
не айтуға болады?
3. Сүңгуір үйрек суда жақсы сүңгиді.Судың тарапынан әсер ететін ығыстырушы күшті ол қалай азайтады?
4.Арқаңмен жүзгенде суда өзіңді жеңіл ұстайсың. Неге?

• Ауызша кері байланыс орнату;

• «Отшашу » арқылы бағалау;

«Детальдарын қосу» әдісі. Тапсырма-3

1-топ. Тәжірибе-1:Пластилиннен жасалған көлемдері әр түрлі  екі денені динамометрге іліп,  кезегімен ыдыстағы суға батырып, динамометрдің  көрсетуін жазып алып, қорытынды жасаңыз.

2-топ. Тәжірибе-2.Көлемдері бірдей, тығыздықтары әр түрлі денелерді алып,кезегімен ыдыстағы суға батырып,динамометрдің көрсетуін жазып,алып қорытынды жасаңдар.

3-топ. Тәжірибе-3.Тығыздығы бірдей заттан жасалған әр түрлі формадағы дененің кері итеруші күшін есептеңдер.

4- топ. Тәжірибе-4. Бір денені  алдымен таза суға, сонан соң  майға салып, динамометрдің көрсетуіне назар аудару, қорытынды жасау.

«Детальдарды қосу»

Архимед күші

• Топ «детальдары» арылы «Себептерін анықта»кері байланыс алу;

• «Бағалау парағы» топбасшылары топ мүшелерін бағалау;

« Мюнстерберг» әдісі . Сергіту жаттығуы. Тапсырма-4

Араласқан сөздердің арасынан толық сөздерді тап?

1.освосвосвпвпархимедврврарчспсммқысымоаптьтбиллдауаманометрьббчччдвовраараараоимитмттииьсиракузтмтьмьммб

2.итмтмомьададасуқұбырылиимсмсстстманометртмььбиююячячячсорғылартттиьиббббиипаскальпррпполатмьмауатть

• Ауызша кері байланыс орнату,«Бес саусақ» арқылы бағалау;

«Эстафета» әдісі есептер шығару.Тапсырма-5

1.Көлемі 2 дм³ дене толық суға батырылған. Осы денеге әсер ететін кері итеруші күш 18 Н болса, дененің тығыздығы қандай?/ 900 кг/м³ /

2.Көлемі 7,5 дм³-ге тең тастың массасы 18,7 кг. Осы тасты суда батырмай ұстап тұра-тын күшті анықта. ρ=1000 кг/м³./110 Н

• Есеп жауаптарын топта салыстыру арқылы жазбаша кері байланыс алу;

• «Отшашу» арқылы бағалау;

1 топ.1-тәжірибе:

Құрал-жабдықтар: штатив, динамометр, көлемдері әр түрлі пластилиннен жасалған дене,стакан, сұйық (су  мен май ).

2 топ.2- тәжірибе.

Құрал-жабдықтар: штатив, динамометр, көлемдері бірдей, тығыздықтары әр түрлі заттар, стакан,сұйық (су  мен май )

3 топ.3-тәжірибе.

 Құрал-жабдықтар: штатив, динамометр, көлемдері мен тығыздықтары бірдей, формасы әр түрлі пластилиннен жасалған дене, стакан,сұйық (су  мен май ). 4 топ.4- тәжірибе. Құрал-жабдықтар: штатив, динамометр, цилиндр дене,стакан, тығыздығы  әр түрлі сұйық (су  мен май ).

Сабақтың соңы

5 мин

• «Бір жағынан, екінші жағынан» Кері байланыс

Үйге тапсырма: «Қайраңда қалған кемелер» Арал теңізінің тағдыры зерттеушілік жоба әзірлеу;