КОМПЬЮТЕРЛІК ОЙЫНДАРДЫҢ ЖАСӨСПІРІМ ПСИХИКАСЫНА ӘСЕРІ

Математика, информатика секциясы

Информатика

КОМПЬЮТЕРЛІК ОЙЫНДАРДЫҢ ЖАСӨСПІРІМ ПСИХИКАСЫНА ӘСЕРІ

Молдагазиева Зере 8 сынып оқушысы,

Сарқан ауданы Екіаша орта мектебі КММ

Жетекшісі: А.Ж.Сабикенова

Гипотеза: Жасөспірім психикасына әсер ететін компьютерлік ойындардан жастарды қорғауға үлес қосу.

Зерттеудің мақсаты: Компьютерлік ойындардың жасөспірім психикасы мен денсаулығына тигізетін әсерлерін зерттеп, ашып көрсету.

Зерттеу әдістері:

1.Зерттеу мәселесі бойынша ғылыми-зерттеуші ғалымдардың еңбектерін зерделеп талдау.

2.Бақылау, сауалнамалар жүргізу, сараптама, әңгіме жүргізу.

3.Тәжірибелік жұмыстардың мәліметтерін сандық жағынан сараптап қорытындылау.

Күтілетін нәтиже: Зерттеу жұмысымыз арқылы компьютерлік ойындардағы мейірімсіздіктің алдын алу, әлеуметтік-кәсіби өнімдердің бала тәртібіне, тәрбиесіне, мінез-құлқына әсер етуін анықтау, кері әсерін зерттеп осы қауымға жеткізу.

Зерттеу бөлімі: Қазіргі таңда Қазақстан Республикасы мемлекетінде жас балалар мен жасөспірімдер арасында компьютерлік ойындарға деген қызығушылық саны артуда. Компьютер адамзаттың өркениет жолымен дамуына ықпал ететін басты құралдардың бірі екені даусыз. Қай салада болмасын компьютер кеңінен қолданылып, адамдар тіпті онсыз өмір сүруін елестете алмайтындай дәрежеге жетті. Бұл баяндамада бүгінгі ақпараттық-коммуникациялық технологиялар дамыған заманымыздың басты талабы болып отырған компьютердің, әсіресе компьютерлік ойындардың жасөспірім психологиясының бұзылуына және денсаулығына кері әсер ететіндігі жайлы мәселелер баяндалады. Мектептегі оқушылардың компьютерлік ойындарды ойнау дәрежесін анықтау мақсатында сауалнамалар жүргізілді. Зерттеу жұмысының экспериментіне оқушылар белсене қатысты. Сауалнама қорытындысы жасалып, зерттелді.

Қорытынды: Жасөспірімдер компьютерлік ойындардың құрбаны болып кетпес үшін, оларды кітапханаға немесе спорт залдарына, әртүрлі үйірмелерге қатыстырғанымыз дұрыс болады деп ойлаймын. Жасөспірімдер ата-аналарының бақылауында болып, ұстаздар тарапынан жаңа технологиялардың пайдасы қанша көп болса да, зияны да соншалықты көп екенін әрқашан түсіндіре отыру керек. Сонда ғана ел ертеңін ойлайтын мықты азаматтарымыздың қатары көбейетіні сөзсіз.

Пайдаланған әдебиеттер тізімі

1. Компьютерге таңылған ұрпақтың денсаулығы құлдырап барады // «Алтын орда» газеті, 28 қазан 2001 жыл.

2. П.Е.Гальперин / Методы обучения и умственное развитие ребенка. - М, 1985. – 350с.

3. Компьютер баланың қасы ма, досы ма? «Ана тілі» газеті, 1 шілде 2011 жыл.

4. О.С Саңғылбаев «Мектептегі психология» М., 2000.- 145 б