Көркейе бер,бас қалам!

Көркейе бер,бас қалам!

Ел ордам менің – Астана,

Осында жаңа бастама

Сәулетті зәулім үйлер көп,

Көрікті сондай жас қала.

Қазақ елін айтқанда, Сарыарқаның төсіндегі бас қаламыз  - Астананы қалайша ескертусіз қалдырамыз? Қазіргі Астана бұрынғы Целиноград емес. Өте әдемі, көркейген қала. Астана  қаласында ОБСЕ, Саммит, Азия ойындары өтті. 2017 жылы ЕХРО 2017 өтті. Елбасымыздың ұйғаруымен өткен ЕХРО көрмесіне бір топ балаламен барған кезде, менің кеудемді қуаныш сезімі кернеді. Себебі, менің Отанымды осы көрме арқасында тағы да танымал ел болғанына өз көзім жетті.

Ерке Есілдің жағасында бой түзеген әсем Астана – жаңа ғасыр ғажабынан жаралған жас қалаға айналды. Айбары асқақтаған, келбеті келіскен Елорданың елдің бас шаһары болғанына биыл  – 20 жыл. Елордамыз Ақмолаға көшкеннен кейін жас мемлекеттің астанасы қарқынды дамып, 20 жылдың ішінде адам танымастай өзгерді. . Астана қаласына  келген қонақтарымыз, жас  қала Астананы көргенде таң қалады. «20 жыл ішінде  қалайша тез көркейіп, жақсардыңыздар?» - деген сұрақтар көп туындайды. Кейбір  елдердің президенттері: «қазақ елі, өзге мемлекеттерге үлгі болатын ел» деген екен.     Зәулім ғимараттар бой көтеріп, әсем қала барша әлем жұрты таңдана, тамсана қарайтындай дәрежеге жетті. Қарасаң көз тоймайтын Астана жылдан-жылға сәніне сән, сәулетіне сәулет қосып келеді. Әлемдегі ірі мемлекет басшылары келелі кеңес құрып, ой бөлісер ордаға айналған бас қала баршамыздың ортақ мақтанышымыз.

Кез келген мемлекеттің көркейіп, гүлденуі сол мемлекеттің болашақ ұрпағының елге құрмет сезімін оятады. Мен үшін Астанамның орны ерекше.

Асқақтай  бер, көркейе бер, қазақтың Астанасы!