Мәңгілік елдің -алтын қәріпі

Мәңгілік Елдің алтын қәріпі

Біздің заманымыз – жазу заманы, себебі қазіргі уақытта ұялы телефондарда жарнамалар, хабарламалар латын әліпбиімен жазылуда, сондай-ақ интернет арқылы хабарласулар, білім алу- осылардың бәрі жазу арқылы жүзеге асады. Мемлекеттік тілдің мәртебесін көтеру, оның қолданылу аясын кеңейту – қазіргі заманның ең басты мақсаты.

Латын әліпбиі жаһандық коммуникация мен ақпарат қайнар көзіне айналды. Ғаламдық дамудың жаңа дәуірінде латын әліпбиіне көшу мәселесі тарихи қажеттілік болып табылады. Әліпбиіміздің латын графикасына негіздеуіміздің басты себебі – халықаралық ақпараттық кеңістікке ені, әлемдік технологияны игеру. Казір әлемдегі халықтың 80 пайызы латын графикасын пайдаланып отыр, жер-жаһандағы ақпараттың 70 пайызы осы таңбамен таратылып жатыр. Бұл дегеніміз – білім, ғылым, саясат пен техника, мәдениет пен өнер, спорт т.б. қатысты жазбаша ақпараттың барлығы латын графикасымен беріледі, көптеген қоғамдық өмірдегі жаңалықтар да осы графиканың негізінде жіберіледі.

Әліпби жаңарту – бұл дамуға, жаңашылдыққа ұмтылу. Латын әліпбиі тілдерді еркін меңгеруге жол ашады. Айталық, білетіндердің пайымдауынша, латын өзге этностардың ағылшын тілі мен қазақ тілін үйренуіне ыңғайлы. Қазақстанға әлемдік ақпараттық кеңістіктен лайықтын орын алуға жол ашады.

Жаңа әліпбидің артықшылығы – мемлекеттік тіліміз ендігі кезекте ғылым мен білімге, компьютер мен интернетке, тіпті де оңтайлана, ыңғайлана түседі. Қазақстан әлемдегі бар қазақтың Отаны дейміз, олай болса, қазақ тілінің біріңғай стандартты әліпбиіде әлемдегі бар қазақтың ортақ әліпбиі болады, түркі тілдес халықтарды жақындастыра түседі.

Латын әліпбиіне көшу, Қазақстанның әлемдік қарым-қатынасын, Мәңгілік Еліміздің мәңгілік тілін әлемде мықты саналатын латын әріптері нығайта түсетініне сенімім мол.