Мақала: «Рухани жаңғыру - рухты жандыру»

«Рухани жаңғыру - рухты жандыру»

«Болашақта ұлттың табысты болуы оның табиғи байлығымен емес, адамдардың бәсекелестік қабілетімен айқындалады»- деп Елбасымыз Нұрсұлтан Әбішұлы Назарбаев өз сөзінде айтып өтті. Биылғы жарияланған «Болашаққа бағдар: рухани жаңғыру» атты мақаласының да өзекті тұсы да адамдардың бәсекелестігіне аса мән берілген. Жолдаудың мақсаты білімді жастардың өз білімімен жан- жаққа барып тәжірбие таратуы, дамытуы, күрделендіре үйренуі де аса маңызды дүние болып табылмақ. Боймен жарысатын емес біліммен жарысатын мына дамыған заманда әрбір минутты бос жібермей білімге, табысқа жетудің кілтін іздеу білімді ұрпақ қолында екенін білеміз. Елбасының жарияланған бағдарламасын жүзеге асыру мақсатында Абай атындағы мектеп гимназиясында қазақ тілі мен әдебиет пәндері мұғалімдерінің ұйымдастыруымен 9 – 11сынып оқушылары арасында мектепішілік «Рухани жаңғыру: туған жер» тақырыбы аясында шығарма байқауы өткізілді. Байқауға 9 – 11 сынып оқушылары арасынан 24 оқушы қатысты. Шығарма байқауы басында мектебіміздің тәжірбиелі ұстазы Л. Ерболаева Елбасымыздың «Болашаққа бағдар: рухани жаңғыру» мақаласының мақсатын оқушыларға түсіндіре отырып, өткізілгелі отырған байқауда оқушыларға сенім мен қолдау білдірді. Келесі кезекте жас маман С.Төребек «Бағдарлы болашақ – бүгіннен..» атты баяндамасын оқыды. Байқау нәтижесі бойынша 1 – орынды 10 а сынып оқушысы Серғалы Гүлім (жетекшісі:Ерболева Лязат) 2 – орынды 11 сынып оқушысы Қайролда Ақерке мен 9 - сынып оқушысы Жекен Ақжол алса, (жетекшісі: А.Мағзұмқызы), 3 - орынды сынып 11 сынып оқушысы Исатай Айман (жетекшісі: Л.Ерболаева), 10 сынып оқушысы Әліпбай Аяужан (жетекшісі: А.Мағзұмқызы) 9 сынып оқушысы Жандосова Дильназ (жетекшісі: С.Төребек) иеленді.

Абай атындағы мектеп гимназияның қазақ тілі мен әдебиеті пәнінің мұғалімі Төребек Сандуғаш Бауыржанқызы