Ерекше білім беруді қажет ететін балаларға қатысты психологиялық-педагогикалық қолдауды және баланың мүмкіндіктері мен қажеттіліктеріне сәйкес табысты оқуы мен дамуы үшін әлеуметтік-психологиялық және педагогикалық жағдайларды қамтамасыз ету мақсатында мектепке дейінгі ұйымдарда ППҚ қызметі құрылады. ППҚ қызметі құрамына төрағасы,тәрбиеші,психолог, логопед, арнайы педагог, педагог-ассистент кіреді. Ерекше білім беруді қажет ететін балалардың мұқтаждықтарына байланысты ППҚ қызметі құрамына сондай-ақ дене шынықтыру бойынша нұсқаушы мен музыка жетекшісі кіруі мүмкін.

Балабақшада ППҚ қызметі екі кезең бойынша жұмыс атқарады.

І-кезең МДҰ меңгерушісі ППҚ қызметін ұйымдастыру туралы ережені шығарады және бекітеді. Мамандардың құрамы мен міндеттері бекітіледі ППҚ қызметінің төрағасы етіп МДҰ басшысы ең тәжірибелі маманды тағайындайды (лауазымдық міндеттер2022 жылғы 31 наурыздағы № 121 бұйрық негізінде).

Білім беру ұйымының басшысының орынбасарлары білім алушылардың білім беру қажеттіліктерін бағалау процесін ұйымдастырады.ППҚ процесінде тәрбиешілер, мамандар және ата-аналардың өзара іс-қимылын реттейді, мамандардың құжаттарын қалыптастыруды бақылайды.Тәрбиешілер мен ата-аналардың өзара іс-қимылын ұйымдастырып арнайы педагогпен бірлесіп бала дамуының әлеуметтік жағдайын зерттейді. Сабақ барысында және сабақтан тыс уақытта эмоционалды-психологиялық ахуал орнатуға жағдай жасайды.

І-кезең ПМПК ұсынымдары негізінде білім беру ұйымының басшысы ерекше білім беру қажеттілігі бар балаларды ППҚ-дың ЖДБ-рын, оқу жоспарлары мен бағдарламаларын, тізімін бекітеді.

Білім беру ұйымдарының тәрбиешілері бағалауға қатысады,оқу бағдарламаларын бейімдейді, жеке оқу бағдарламаларын арнай ы маманмен бірге құрастыруға қатысады ЕББҚ бар балалардың жетістіктерін бағалайды, білім,білік, дағдыларындағы олқылықтарды толтырады, балалардың жеке ерекшеліктерін ескере отырып, оқу іс-әрекетін ұйымдастырады. Баланың жұмыстарын қосымша тігіп отырады.

Арнайы мамандар ЕББҚ бар балалардың білім алу қажеттіліктерін бағалауға, ППҚ,ЖДБ дайындауға қатысады және жүзеге асырады, жеке, топтық, кіші топтық түзете-дамыту сабақтарды жүргізеді.
Кіші топтық сабақтар-2-4 бала
Топтық сабақтар-6-8 бала

Сабақтардың ұзықтығы баланың жасы мен жеке ерекшеліктерін ескере отырып 15 минуттан-30 минутқа дейінгі аралықта ұйымдастырылады..