"Менің Президентім"

Тұңғыш президент күніне арналған

" Менің Президентім" атты іс-шара

Краснознаменное ОМ-нің жанындағы

«Айгөлек» шағын орталығының

тәрбиешісі: Егизбай А.М.

Краснознаменное, 2018 жыл

" Менің Президентім"

Мақсаты: Балаларға еліміздің Президентін, рәміздерімізді таныстыру. Өз Отанын, туған жерін сүюге, қорғауға, сақтауға, құрметтеуге тәрбиелеу.

Көрнекіліктер: Слайд, үлестірмелі материал, ноудбук, суреттер.

Методикалық әдісі: Түсіндіру, көрсету, ойын, сұрақ - жауап, мадақтау

Күтілетін нәтиже:

Білуі керек: Елбасын және елбасы күнін

Үйренуі керек: Рәміздерді құрметтеуді.

Мотивациялық қозғаушы

Тәрбиешінің іс - әрекеті

Тәрбиеші балалардың назарын өзіне аударып, шаттық шеңберіне шақырады.

- Сәлеметсіңдер ме, балалар!

- Балалар бізге көптеген қонақ апайлар келіпті, орнымыздан тұрып, келген қонақ апайлармен сәлемдесіп алайық.

Үлкенге де сіз,

Кішіге де сіз.

Барша жанды құрметтеп,

Бас иеміз біз.

- Балалар қазір жылдың қай мезгілі?

- Күз мезгілінен кейін қай мезгіл келетінін білесіңдер ме?

- Қыс мезгілі келеді екен.

Қыс мезгілінің ең алғашқы күні бізде үлкен мереке болады. Ол мереке біздің Елбасымыздың құрметіне арналады.

- 1 желтоқсан күнін Президент күні деп атайды. Сендер елбасымызды білесіңдер ме?

- Ал, балалар, көгілдір экранға назар аударайық.

- Балалар, бұл кім?

- Балалар, сендер қандай елде тұрасыңдар?

- Әр елдің өз басшысы болады. Біздің де Елбасымыз бар. Оның есімі Нұрсұлтан Әбішұлы Назарбаев атамыз. Елбасымыз Астана қаласында тұрады. Мынау – Астана қаласы. Ал мынау балалар, елбасымыздың жұмыс жасайтын орны – Ақорда.

- Балалар елбасымызға арнап тақпағымызды айтайықшы.

Ерке:

- Елбасымыз Нұр аға

- Салғызып Алтын орда

- Көркейтіп елін қазақтың

- Көрсетпей өмір азабын.

Айбек:

- Қуат алған өзінен

- Туған елдің ұлымын

- Бақытты етіп өсірген

- Отанымның гүлімін.

Кәусар:

- Қазақ елі – Қазақстан

- Болашаққа үн қосқан

- Жақсы күнге жетелеп

- Елбасым менің – Нұрсұлтан

Дидар:

Елбасы елді қорғайды

Халық қамын ойлайды,

Осындай жақсы адамның,

Жақсылығы тарайды.

- Балалар, әр елдің өз рәміздері, өз ана тілдері болады.

- Балалар, біз қай тілде сөйлейміз?

- Еліміздің рәміздерін мына көгілдір экран арқылы қарап білейік.

- Балалар бұл біздің мемлекеттік – Әнұранымыз. Ал, мынау – Елтаңба. Елтаңбаның ортасында шаңырақ бейнеленген. Шаңырақ еліміздің біртұтастығын бейнелейді. Екі жағында қанатты тұлпар мәңгілік өмір, самғау биігі. Шекесінде 5 жұлдыз мемлекетіміздің жарқын болашағы.

- «Қазақстан» атты жазу біздің қазақ екенімізді білдіреді. Балалар туымыздың түсі – көк. Көк түс – адалдық пен тазалықтың, бейбітшіліктің белгісі. Тудың ортасында күн мен қалықтаған қыран құсымыз, оң жағында оюдың суреті бар. Күннің болуы – күндей жарқын болсын, дала бүркіті – дархандық пен қырағылықты бейнелеген.

Оюдың бейнеленуі – қазақ екенімізді білдіреді.

Түстерінің сары болуы – молшылықтың белгісі екен.

- Балалар, рәміздер туралы кім тақпақтар біледі?

Таир:

- Көк аспандай көкпеңбек

- Қазақстан жалауы

- Көк емес ол тектен - тек

- Елдің ашық қабағы.

Дидар:

- Елтаңбасы елімнің

- Неткен әйбат әдемі

- Тұнығындай көңілдің

- Ортада аспан әлемі.

Айбек:

- Тәуелсіздік жолында

- Талай - талай тер тамған

- Билігім өз қолымда

- Еркіндігім – елтаңбам.

Балалар, дидактикалық ойын ойнайық. Ойын:«не жетіспейді?»

Ойын шарты: Балалар мынау не?

Тудың ортасында не жетіспей тұрғанын тауып көріп жабыстырайық.

Мақсаты: Балаларды шығармашылыққа, жылдамдыққа үйрету.

- Балалар, біз нені жабыстырдық?

- Күннің түсі қандай?

- Күннің пішіні қандай?

- Тудың түсі қандай?

- Күнді

- Сары

- Домалақ

- Көк

Сергіту сәті

- Елбасымыз кім?

- Елбасымыздың жұмыс жасайтын орны қалай аталады?

- Біз қай елде тұрамыз?

- Біз бүгін не жабыстырдық?

- Балалар, қазір біз көгілдір экран арқылы елбасшымызға арнап «Нұр - аға» атты әнімізді шырқайық.

- Жарайсыңдар, балалар!

Әрқашан еліміз тыныш, елбасшымыз аман, көк туымыз мәңгі желбірей берсін!

Келген қонақтарға сау болыңыздар дейік.