2023-2024 оқу жылына арналған

қысқа мерзімді сабақ жоспарларын

жүктеп алғыңыз келеді ма?

ҚР Білім және Ғылым министірлігінің стандартымен 2022-2023 оқу жылына арналған 472-бұйрыққа сай жасалған

Мұғалім мәртебесі - мемлекет мәртебесі

Материал туралы қысқаша түсінік

Мұғалімдер қауымына арналған. "Педагог мәртебесі туралы" Заңға байланысты ұсыныстар мен пікірлер

Адылханов Медет Оралбекұлы

Автор материалды ақылы түрде жариялады.
Сатылымнан түскен қаражат авторға автоматты түрде аударылады. Толығырақ

15 Қараша 2018

787

0 рет жүктелген

Барлық пәндер Мақала Басқа

Бүгін алсаңыз 25% жеңілдік
беріледі

770 тг 578 тг

Тегін турнир Мұғалімдер мен Тәрбиешілерге
Дипломдар мен сертификаттарды алып үлгеріңіз!

Бұл бетте материалдың қысқаша нұсқасы ұсынылған. Материалдың толық нұсқасын жүктеп алып, көруге болады

Материалдың толық нұсқасын
жүктеп алып көруге болады

Мұғалім мәртебесі – мемлекет мәртебесіӨзінің кезекті Жолдауындағы Елбасының «Келесі жылы «Педагог мәртебесі туралы» заңды әзірлеп, қабылдау қажет деп санаймын» деп айтқан сөзі ұстаздар қауымын қуантты. «Алты алаштың ардақтылары бас қосса, төрдегі орын – мұғалімдікі» деген алаш ардақтысы Мағжан Жұмабаевтың қанатты сөзін қаперге алмайтын қоғамға «Педагог мәртебесі туралы» заң керек-ақ. Мұғалім мәртебесі баспасөз беттерінде, әлеметтік желілерде қызу талқыланып жатқан тақырыптардың біріне айналды. Ең бірінші мәселе, әрине, мұғалімдердің зейнет жасы. Мұғалімдер үшін зейнет жасына өзгерістер енгізу қажет деп санаймын немесе кеңестік кезеңдегі секілді 25-30 жыл педагогикалық еңбек өтілі бар ұстаздарды зейнетке шығару жөн болар.«Педагог мәртебесі туралы» заң мұғалімдер қауымын оның міндетіне кірмейтін жұмыстардан да (сенбіліктер мен көше аралау, әр түрлі жиналыстар мен концерттердегі бос орындарды толтыру, баспасөзге жазылу ісі сияқты т.б.) арашалар деген үміт бар. Білім беру саласындағы жаңа реформалардан кейін қағазбастылықтан құтылмақ тұрмақ, ол жұмысты екі есеге көбейтіп алғанымыз жасырын емес. «Дамыған елдерден үлгі алуымыз керек, білім саласындағы реформалар да сол үшін қажет» дегендер сол дамыған елдердегі мұғалімдерге деген құрмет пен мұғалімдерге жасалған жағдайларды неге көрмейді екен?! Мысалы, Жапонияда кеудесіне «Оқытушы» деген төсбелгісі бар мұғалімдер қоғамдық көліктерде, дүкендерде ерекше жеңілдіктерге ие. Финляндияда мұғалімдік мамандықтың мәртебесінің жоғарылығы сонша, мұғалімдік жұмысқа тұру үшін байқау жарияланады. Байқау болғанда да, бір орынға 10-15 адамнан келетін байқау. Кореялықтардың «Сенсейдің (мұғалімнің) көлеңкесін баспа» деген мақалдары да көп нәрсені аңғартса керек. Сол Кореяда мұғалім қызға үйленудің өзі жігітттер үшін үлкен мәртебе көрінеді. Кореялық мұғалімдердің жалақысы министрлердікінен кем емес екен. Жалақы демекші, ғаламтор деректеріне сүйенсек, АҚШ, Корея, Швейцарияда ұстаздың жылдық табысы 51 мың АҚШ долларын құрайды. Ал Германияда 1 жылда 52 мың долларға қол жеткізеді екен. Араб елдерінен ағартушылар жалақысын ең көп беретін Катар мемлекеті болып шықты. Ұстаздың жылдық табысы 80 мың долларға жетеді. Ал Біріккен Араб Әмірліктерінде мұғалімнің маңдай тері 60 мың долларға бағаланса, Кувейтте 55 мың доллар шамасында. Сауд Арабиясында 50 мың доллар көлемінде табыс табады. Сонымен қатар кейбір елдерде мұғалім, дәрігерлердің жалақысы ең жоғарғы табыс көзі саналады екен. Мысалы, Солтүстік Корея мемлекетінде ұстаздың айлық жалақысы 3-4 мың АҚШ долларына жетеді. Әлемнің көптеген елдерінде мұғалім мәртебесі айтарлықтай биік. Мәселен, Германияда мұғалімдер мемлекеттік қызметкерлер қатарына кіріп, салықтағы жеңілдіктер мен жоғары зейнетақыға ие болады. Бір ерекшелігі, Германияда мұғалім бірнеше пәнді қатар бере алу құқығына ие. Педагогикалық университеттің студенттеріне мемлекеттік мәдениет орындарына тегін, ал жекеменшік мәдени орындарға 50 пайыздық жеңілдіктер ұсынылады. Жылдық еңбекақысы 21000 долларға жететін Түркия еліндегі мұғалімнің апталық сағаты – минимум 15 сағат. 18 сағаттан асып жатса, қосымша сабақ ретінде саналып, қосымша жалақы да төленеді.Ал бізде мұғалімнің көп уақытын алатын сынып жетекшілік үшін төленетін ақшаның аздығынан көп мұғалімнің сынып жетекші болуға құлқы жоқ. «Жас маман тәлімгері» деген ақысық қосымша жұмыс тағы бар. Мұғалімдердің апталық оқу жүктемесін азайту да бүгінгі күннің көкейкесті мәселесі. Апталық жүктемені 14-16 сағатқа дейін азайтса, мұғалім жүгі біршама жеңілдер еді. 18 сағаттық апталық жүктеменің сыртында мұғалім мойнында сабақ жоспарын дайындау (А4 үлгісіндегі 3-4 бет – 1 сабаққа ғана), дәптер тексеру (оған коментарий жазу), түннің бір уағына дейін kundelik.kz толтыру (электронды күнделікке кірмейтін немесе кіруге мүмкіндігі жоқ ата-ана үшін түсіндірме жазу), тәрбие сағатын дайындау, өткізу, мектепте өтетін іс-шараларға қатысу, жиналыстарға қатысу (ата-аналар жиналысы, педкеңес, директор жанындағы мәжіліс ) сияқты жұмыстар жетерлік.Мұғалім мәртебесін айқындайтын арнайы төсбелгі дайындалса да артық емес. Қорыта айтқанда, «Педагог мәртебесі» туралы Заң мұғалім мәртебесін көтеруге бағытталса ғана пайдалы болмақ. Медет АдылхановҚазақ тілі және әдебиеті пәнінің мұғаліміШҚО, Катонқарағай ауданы

Материал жариялап тегін сертификат алыңыз!

Бұл сертификат «Ustaz tilegi» Республикалық ғылыми – әдістемелік журналының желілік басылымына өз авторлық жұмысын жарияланғанын растайды. Журнал Қазақстан Республикасы Ақпарат және Қоғамдық даму министрлігінің №KZ09VPY00029937 куәлігін алған. Сондықтан аттестацияға жарамды

Ресми байқаулар тізімі

Республикалық байқауларға қатысып жарамды дипломдар алып санатыңызды көтеріңіз!