Қашықтықтан оқыту кезіндегі бағалаудың ерекшелігі мен тиімділігі.

Қашықтықтан оқыту кезіндегі бағалаудың ерекшелігі мен тиімділігі

Қазіргі уақытта білім беру саласында болып жатқан , білім саласына түбегейлі өзгеріс енгізген өзгерістің бірі – қашықтықтан оқыту форматы.Бұл уақыт талабы болғандықтан, мұғалімдер өздерінің оқыту мен білім беру құзіреттілігіне басқаша қарауға тура келді. Соынмен қатар, білім үрдісіне қалыптастырушы бағалаудың баллдық жүйесі енді. Қалыптастырушы бағалаудың күнделікті іс-тәжірибесі барысында, оқушының меңгеру деңгейінің өлшемі мен ілгерілеуін анықтауда, оқыту үдерісінде төменгі әдіс-тәсілдерді «Қол сигналы», «Бағдаршам», «Қорытындылауға арналған карточка индексі», «Бір минуттық эссе», «Сөйлеу үлгілері», «Екі жұлдыз, бір тілек», «Үш минуттық үзіліс», «Ауызекі баға», портфолио, журналдар, рубрикалар, сөзжұмбақтар, сұрақтар және тағы басқа түрлерін қолдануға болады. Қалыптастырушы бағалаудың 18 және одан да көп әдіс-тәсілдерін сабақтың әр түрлі кезеңдерінде: жаңа тақырыпты түсіндіруде, тапсырма орындау кезеңінде, мұғалімнің оқушыға жұмысының нәтижесін жақсарту мақсатымен кері байланыс ретінде ақпарат беру барысында да қолдануға болады. Мысалы, мұғалім оқушының жазба жұмысын тексеріп болған соң, оған баға қоймайды, әр түрлі қалыптағы сурет пен бояуларды қолданып белгілей алады. Әрбір белгі мен олардың түстері (сары, қызыл және жасыл, жұлдызша немесе қанатты белгілер) оқушының жауабындағы дұрыс немесе бұрыс орындалған жақтарын көрсетеді.Қазіргі уақытта қашықтықтан оқыту үрдісінде тиімді интернет платормадағы ресурстарды қолдануға болады. Онлайн – мектеп жүйесіндегі мұғалім өзі құрған сабақтары бойынша орындаған оқушылардың жұмыстарына қажетті кері байланыс жасап,қалыптастырушы бағалау жүргізе алады. «Online PAD». «KAHOT» «Quziz» интернет құралдарын қалыптастырушы бағалауды ұйымдастырудың негізгі құралы ретінде пайдаланып,бағалау критерийлері мен тапсырмаларға дескрипторлар негізінде түсініктемелер, кері байланыс беруге болады.