Қазақстанның кітапханасына
келушілер жыл сайын артуда
Қазақстан Республикасының Ұлттық кітапханасы -
1910 жылы 31 желтоқсанда құрылды.
Кітапхана ҚазОАК Президиумының «Қазақ АКСР
мемлекеттік көпшілік кітапханасын бекіту туралы» (1931 ж.)
Қаулысымен 1931 жылы Республикалық кітап қоймасы мәртебесін алды.
Қазақ КСР Министрлер кабинетінің 1991 жылы 9 желтоқсандағы N775
Қаулысы бойынша Ұлттық кітапхана болып аталды.
Кітапхана қорында әлем халықтарының әр тілдерінде
5 831 812 сақтау бірлігін құрайтын әмбебап жалпыұлттық әдебиеттер
жинағы сақталады. Қор жыл сайын 100 мың данаға толықтырылып
отырады. Күн сайын кітапханаға 3 мыңға жуық оқырман қатынайды.
Оқырмандарға 1 жылда 2 миллионнан аса құжат беріледі. Оқырмандарға
15 оқу залы қызмет көрсетеді. Олар 1500 адамға бір мезгілде қатар
қызмет көрсетуге есептелген.
Оқу
залдарында негізгі кітап сақтау және қосалқы қорлардан әдебиет
беріледі, соның ішінде сирек кітаптар мен қолжазбалар, карталар,
ноталар, дыбыс жазбалары, электронды басылымдар топтамалары да
бар.
ҚР
Ұлттық кітапханасында Ресейлік зерттеулер, Қытай, Пәкістан, Түркия
мәдениет Орталықтары, Үндістанды зерделеу, Иран және Орталық Азия
халықтарының мәдениетін зерделеу Орталықтары жұмыс істейді.
Оқырмандарға әдебиет, Интернет-ресурстар, CD және DVD-материалдар,
кітап және өнер туындыларының көрмелері, мәдениет және ғылыми
қайраткерлерімен кездесулер арқылы түрлі халықтардың мәдениеті
туралы ақпарат беріледі.
Қазақстанда кітапхана қызметін пайдаланушылар
саны 9,5 миллионға жетті. Қазіргі таңда елімізде кітапхана саны 11
мыңға жуық, ондағы кітаптар мен құжаттардың жалпы қоры 328
миллионнан асады. Соның ішінде жалпы қолжетімді кітапханалар саны 3
891 кітапхананы құрайды.
Олардың 79% ауылдық жерлерде орналасқан. Соның
ішінде 3 кітапхана республикалық және республикалық мәртебесі бар
кітапханалар. Олар: Алматыдағы ҚР Ұлттық кітапханасы, ҚР Ұлттық
академиялық кітапханасы – осы Астанадағы және Зағип және нашар
көретін азаматтарға арналған республикалық
кітапхана.
Жалпы қолжетімді кітапханалардың кітап қоры 73
миллионнан асады. Осы рухани игілікті пайдаланушылар көлемі жыл
өткен сайын артып келеді.
Соңғы кезеңде кітапхана қызметін пайдаланушылар
саны 9,5 миллионға жетті. Республикалық «Оқитын ұлт» жобасы аясында
кітапхананы пайдаланушылар саны жыл сайын 3-4 пайызға
артуда.
