Қысқа мерзімді жоспар Кітап неден жасалады 4 сынып

Мектеп: Қарабұлақ орта мектебі

74-сабақ. Кітап неден жасалады?

Күні: 10.03.2021

Мұғалімнің есімі: Магзат Күнбике

Сынып: 4

Қатысқандар саны 

Қатыспағандар саны

Сабаққа негізделген оқу мақсаты

.3.2.1 – таныс мәтінге жаңа кейіпкерлер қосу, жаңа сюжеттер енгізу, өлең (төрт жолды) жазу;

4.2.9.1 – түрлі дереккөздерден қажетті ақпаратты табу, өңдеу және тұжырым жасау, себеп-салдарлық байланысын сызба түрінде көрсету;

4.3.4.1 – мұғалімнің көмегімен шығарманың құрылымын, стилін жетілдіру, өз бетінше сын тұрғысынан бағалау және лексикалық, орфографиялық, пунктуациялық қателерді тауып түзету.

Сабақ мақсаттары:

Барлық оқушылар: Мәтінді мәнерлеп, шапшаң, түсініп оқып,  мазмұнын өз сөздерімен баяндайды.

Оқушылардың басым бөлігі: Автордың пікірін мысалдар келтіріп дәлелдей алады.

Кейбір оқушылар: Тақырыпқа қатысты әңгіме құрастыра алады.

Бағалау критерийлері:

Шығармашылық жұмыс істеп үйренеді.

Оқу түрлерін қолданады.

Құндылықтарды дарыту

Жауапкершілік,белсенді азаматтық ұстаным таныту және өз елінің дамуына үлес қосу

Пәнаралық байланыстар

Дүниетану

Жоспар

Жоспарланған уақыт

Жоспарланған әрекет

Ресурстар

Басталуы

Қызығушылықты ояту

(Ұ) «Кел, сөйлесейік» айдары«Биопоэма»  әдісі  арқылы жүзеге асады. Оқушылардың өзі туралы сауалдарға жауап берулеріне тапсырма беріледі. Оқулықта берілген тірек сөздерді пайдаланып, өзінің өмірбаянын көпшілік алдында әсерлі айтып береді.

1. Есімім (өз есімі)

2. Менің туған жылым (өзінің туған күні, айы, жылы)

3. Менің туған жерім (дүниеге келген орны) (картадан көрсету)

4. Менің жетістіктерім ...

5. Менің қызығушылықтарым ...

6. Мен қызмет еткенде (армандарын айтады) ...

7. Мен өскенде ...

8. Мен қандаймын (өзін сипаттайтын 3 сын есім) ...

9. Әдістің тиімділігі: балалар бірін-бірі жаңа қырынан танып,  таныстықтары тереңдей түседі.

Сабақтың тақырыбы мен күтілетін нәтижені хабарлайды.

Биопоэма жазуға арналған кесте.

ҚР-ның картасы

Ортасы

Мағынаны тану кезеңі

(Ж) «Қойын дәптер» әдісіарқылы жүргізіледі.

Танаш Дәуренбековтың өмірі мен шығармашылығы  жайлы мағлұматтар жинақтап, тірек сөздер арқылы  мәліметтер қорын толықтырады.

(Т) «Түсініп оқы» айдары «Джигсо» әдісі бойынша жүзеге асырылады. «Кітаптар мұңы» мәтінін  төрт бөлікке бөліп, топтағы

1-ден 4-ке дейін нөмірленген оқушылар өз нөміріне сәйкес бөлікті оқиды. Басты мақсат – мәтінді оқу, ақпаратпен танысу. Содан кейін топтар құрамы өзгертіліп, жаңа «сарапшылар» тобы құрылады. Мақсаты – тақырып бөлігінің мазмұнын бірлесе игеру, қиын жерлерін талқылап, бір-біріне түсіндіру.

 Бастапқы топқа оралып, әр оқушы мәтіннің өз бөлігін баяндайды:

- тірек сөздер кестесі;

- мәтін жоспарының сызбасы;

- топтастыру;

- мәтіннің мазмұны бойынша кестелер немесе диаграммалар арқылы түсіндірулері мүмкін.

Дескриптор:

1. 1. Мәтінді оқып, ақпаратпен танысады.

2. 2. Мәтін мазмұнын топта талқылайды.

3. 3. Тірек сөздер кестесі  арқылы  түсіндіреді.

ҚБ: Смайлдер арқылы топ ішінде бірін-бірі бағалауын ұйымдастыруға болады.

(Ұ) «Жаңа сөздер сандығы» әдісі бойынша  оқушылардың мәтін бойынша түсінбеген сөздерінің  мағынасын топ ішінде талдап, түсініктеме жасауларына ықпал ету. Кәдеге жарау, кітапты түптеу, басу айту,ұнжырғасы түсу сөзінің мағынасын ашу.

Кәдеге жарау - пайдаға асу

Кітапты түптеу – кітап парақтарын біріктіріп тігу

Басу айту – тыныштандыру

Ұнжырғасы түсу – еңсесі түсу, ренжу

(Т) «Болжа» айдары «Болжау» әдісі арқылы жүргізіледі. Оқушыларға төмендегі сұрақтарды талдау ұсынылады:

1. Кітаптардың тағдыры қалай шешілуі мүмкін?

2. Мәтіндегі кейіпкерлер қандай тәсілмен суреттелген?

3. Оқиғаның шарықтау шегіне әкелген қорқынышты сөзді ата.

4. Оқиғаның шешіміне әкелген жұбаныш сөздің иесі-қай кітап?

Саралау: Сұрақтар барлық оқушыларға беріледі.

Тиімділігі: Оқушылардың болжауының нақты жауаппен дөп келуі емес, ең бастысы, олардың тақырып бойынша белсенді түрде ой қозғауы екендігін естен шығармай, оқушылардың өз пікірі сынға түспейтіндігіне кепіл болу.

ҚБ: Мұғалімнің қолдау сөздері.

(Ж) «Құрастыр» айдары бойынша кейіпкерлер қосып, кітаптардың арманы орындалатындай етіп ертегіні аяқтайды.

Дескриптор:

1. Суреттегі кейіпкерлерді қосады.

2. Әңгіме жобасын құрастырады.

Дәптермен жұмыс.Дәптермен жұмыс мұғалімнің өз қалауы бойынша уақыттқа байланысты орындалады.

Оқулық

Жұмыс дәптерлері

Оқулық

Оқулық,

дәптер

Аяқталуы

Ойтолғаныс кезеңі

(Ж) «Қорытындыла» айдары бойынша

1. Бүгінгі сабақьан өзің үшін қандай маңызды ақпарат алдың?

2. Өзіңнен кіші балаларға қандай кеңес берер едің?

Дескриптор:

1. Қандай маңызды ақпарат алғанын айтады.

ҚБ: Мұғалімнің қолдау сөздері.

Үй тапсырмасы: «Оқулықты күту ережесін» құрап жазу.

Рефлексия.«Бағдаршам» әдісі бойынша сабаққа кері байланысты бағдаршам көздеріне жапсыру.

Қосымша ақпарат

Саралау. Сіз қосымша көмек көрсетуді қалай жоспарлайсыз? Қабілеті жоғары оқушыларға қандай міндет қоюды жоспарлайсыз?

Дереккөздер: Кейбір оқушылар басқа сыныптастарына қарағанда  анағұрлым күрделі  дереккөздермен жұмыс істей алады.

Жіктеу: Джигсо тобына жіктеу жүргізіледі.

Бағалау. Оқушылардың үйренгенін, материалды меңгергенін тексеруді қалай жоспарлайсыз?

Бағалау парақтары,  «Басбармақ» әдісі

Сабақ бойынша рефлексия:

Сабақтың оқу мақсаты шынайы ма?

Бүгін оқушылар не білді?

Сыныптағы ахуал қандай болды?

Мен орындаған саралау шаралары тиімді болды ма?

Мен сабақ жоспарымды  орындап үлгердім бе?

Мен өз жоспарыма қандай түзетулер енгіздім және неліктен?

Қорытынды бағалау

Қандай екі нәрсе табысты болды (оқытуды да, оқуды да ескеріңіз)?

1.

2.

Қандай екі нәрсе сабақты жақсарта алады (оқытуды да, оқуды да ескеріңіз)?

1.

2.

Сабақ барысында сынып немесе жекелеген оқушылардың жетістіктері/қиындықтары туралы не білдім? Менің келесі сабағымды жетілдіруге не көмектеседі, неге көңіл бөлу керек?

1.

2.