Сынып жетекшінің аты-жөні

Күні:

Сынып

Қатысушылар саны:

Қатыспағандар саны:

Сынып сағатының тақырыбы

25 қазан - Республика күні

Тәрбие жұмысының бағыты

Мақсаты

— оқушыларды туған жерін, туған елін, халқын ардақтап өтуге үйрету;
— егемендік жолындағы тарих туралы білімдерін толықтыру;
— Отанға деген патриоттық сезімдерін ояту.

Барысы

Мұғалімнің әрекеті

Оқушының әрекеті

Бағалау

Ресурстар

Кіріспе

5 минут

Амандасу. Психологиялық ахуалды қалыптастыру

- Оқушылар, 25 қазан елімізде қандай мереке тойланады? Дұрыс айтасыздар, Республика күні. Олай болса, сабағымызды бастамас бұрын, мемлкеттік әнұранды орындап алайық!

Амандасады

Мұғалім қойған сұрақтарға жауап береді

Слайд

Аудио

Негізгі бөлім

35 мин

І. Ой қозғау.
- Оқушылар, «Республика» деген сөзді айтқанда ең бірінші ойларыңа не келеді?
- Республика күні туралы не білесіздер?

Республика күні мерекесінің тарихын толығырақ білу үшін экранға назар аударып, берілген ақпаратпен таныс болайық!

Презентацияда берілген ақпарат:

1990 жылдың дәл осы күні Қазақ Кеңестік Социалистік Республикасы Жоғарғы Кеңесінің №307-XII жарлығымен

"Қазақ ССР-нің мемлекеттік егемендігі туралы" декларация қабылданған болатын. Декларацияда Қазақ Кеңестік Социалистік Республикасының егемендігі жарияланып, Қазақстанның тәуелсіз мемлекет ретіндегі саяси-құқықтық негіздері жарияланды. Егеменді мемлекеттіліктің іргелі қағидаттары ретінде Қазақстанның жеке территориясы, азаматтығы, мемлекеттік бюджеті, халықаралық қатынастардағы дербестігі, мемлекеттік рәміздері бекітілді.

Алғаш рет Республика күні мемлекеттік мереке болып 1995 жылы қазанда жарияланды. Бұл жарлыққа тұңғыш президент Нұрсұлтан Назарбаев қол қойған.

2022 жылғы 16 шілдеде Ұлттық құрылтайда Қазақстан президенті Қасым-Жомарт Тоқаев ұлттық мереке мәртебесін Республика күніне қайтаруды ұсынды.

"Ұлттық мерекелер мен атаулы күндер тізбесіне бірқатар өзгеріс енгізген жөн. Мен Республика күніне ұлттық мереке мәртебесін қайтаруды ұсынамын. Сондықтан, қазанның жиырма бесі күні жыл сайын Егемендік күнін еліміздің басты мерекесі ретінде атап өтуіміз керек. Әрине, Тәуелсіздік күнінің бастапқы мәні сақталады. Бұл күн мемлекеттік мереке болып қала береді. Бірақ тәуелсіздік алуға зор үлес қосқан ұлттық батырларымызға тағзым күні ретінде атап өтілуі керек", - деді Қасым-Жомарт Тоқаев

- Сонымен қатар,оқушылар, Республика күні өзге де елдерде атаулы мереке болып тойланады. Олай болса, қандай елдерде және қалай тойланатыны туралы келесі ақпаратпен танысайық.

Презентацияда берілген ақпарат:

11 қаңтар Албанияда «Албания Республикасы күні» тойланады. Мереке 1946 жылдан бастап фашистердің орнына келген коммунистік режим Албания Халық Республикасы болып жарияланған кезден атап өтіледі екен.
Ал Пәкістан Ислам Республикасының күні 23 наурызға белгіленген, бұл мейрам 1940 жылы Лахор қарарының қабылдануымен тікелей байланысты.
1950 жылғы 26 қаңтардан Үндістанда «Үндістан Республикасының күні» тойланады.

Ал 1 қазандағы «Қытай Халық Республикасының құрылу күні» елде бес күн бойы атап өтіледі. Бұл күндері Қытай астананың басты көшелері мен алаңдары сан мыңдаған гүл композициясымен безендіріледі, одан бөлек әскери шерулер, концерттер, викториналар, шерулер, үлкен салюттер — мұның бәрі Республика күнінің ажырамас атрибутына айналған.
Ал Түркияда 1923 жылғы 29 қазанда мемлекет конституциясына түзетулер енгізіліп, ел республика деп жарияланды. Бұл оқиға Осман империясының түпкілікті ыдырауына әкелді. «Республика күнінде» мұнда да түрлі-түсті феерикалық шоулар ұйымдастырылады, әскери шерулер өтеді.

Жұмбақтарды шешіп, жасырын сөзді тап!

1. Бұл не деген көп киім, жетпіс қабат көп киім. Жаңбыр одан өтпейді, қабат-қабат тоны бар, түймелеуге жетпейді. (орамжапырақ)

2. Іледе бар,Жайықта жоқ.Түйеде бар,Балықта жоқ жұмбақтын жауабы (Е әріпі)

3. Шәкіртке жанашыр, Мейірман кім, жаны асыл. (ұстаз)

4. Шіркіннің өзіне обал-ақ, Жүреді аяқта домалап. (доп)

5. Қалың киім ұнатады Шешіндірсең жылатады. (жуа)

6. Жазу жазып жалықпаған, Жаза-жаза арықтаған. (бор)

7. Аяғы жоқ, жүреді, Сылқ-сылқ күледі. (бұлақ)

8. Басында мүйізі бар, Үстінде киізі бар. (сиыр)

9. Таңмен көзін ашады, Әлемге нұрын шашады. (күн)

10. Терезені өрнектеп, Әдемі сурет салыпты. Кім екенін табайық, Көрінбей кетіп қалыпты. (аяз)

Картадағы өңірлердің атауларын тап

Тактадағы белгісі, атауы жоқ Қазақстан картасындағы өңірлердің атауын тауып жазулары керек.

Мұғалім қойған сұрақтарға жауап береді

Презентацияда берілген ақпараттарды оқып, танысады

Жұмбақтардың жауабын тауып, сөзжұмбақтың шешеді

Картаға өңірлердің атауларын жазады

слайд

Қоры

тынды

5 мин

Сабақта алған білімдері туралы сұрақ-жауап арқылы қорытындылау