Сабақтың мақсаты: Адам баласы істеген ісімен бағаланатындығын түсіндіре отырып, дұрыс әрекет құндылығының мәнін ашу.

Міндеттері:

• Оқушыларға адам өмірінде кішіпейіл қасиетінің маңызыдылығын түсіндіру;

• Оқушыларды адамдарға қайырымды болуға баулу;

• Жалпы тіршілік иелеріне қамқор бола білуге тәрбиелеу;

Ресурстар:

оқулық, дәптер

(аудио,видео жаз- балар, плакатка салынған суреттер, смайликтер)

Сабақ барысы:

I.Ұйымдастыру. 5 Т ережесін сақтау

Тыныштық сәті.

-Балалар, дұрыс отырайық,арқаларыңызды түзу ұстайық,қолдарыңызды партаға қоюға болады,көздеріңізді жұмайық. Сіз табиғаттың ең көркем жерінде екенін елестеңіз. Сіз жұмсақ, жасыл шалшықта жалаң аяқ жүрсіз. (тыныштық). Жасыл шөп сіздің аяғынызды сипап жатқан сезімде боласыз. (тыныштық). Күннің көзі жер бетін қыздыруда. (тыныштық).Сіз гүлдің, шөптің және балдың иісін сезесіз. (тыныштық). Өзеннің сыңғырлағанын, көңілді құстар ән салып жатқанын естисіз. (тыныштық).

Тыныштықта тұрып, өзімізді тындайық, табиғат-анамызды тындайық. Алақаңдарыңызды күннің көзіне жайыңыз. (тыныштық).Көк аспаннан және көктемгі жылы күннің сәулелерін сезіңіз (тыныштық).

1,2,3 көзімізді ашайық.Қолымызды жайып, бізге өмір, денсаулық, қуаныш және жақсы көңіл күй сыйлаған Ана-Табиғатқа «Рахмет» деп айтайық.
Сізге «тыныштық сәті» ұнады ма?Қандай сезімде болдыңдар?

Сабақ барысын талқылау:

ІІ. Үй тапсырмасын сұрау.

40-41 беттегі «Ананың сүйіспеншілігі» өсиет әңгіме

Сұрақ:

• Осы өсиет әңгімеден қандай сүйіспеншілікті

• байқадыңдар?

• Мәтінде ананың сүйіспеншілігін неліктен жанған

• шырақпен салыстырған?

• Өз ата-анаңның сүйіспеншілігін неге теңер едің?

• Себебін түсіндіріп бер.

• Өз отбастарыңда жақындарыңның мейірі мен

• сүйіспеншілігін неден, қалай сезінесіңдер?

Үйге берген тақырыптың мазмұнын оқушылар әңгімелеп, талдайды

III.Дәйек сөз

Үлкен алдында жас парызы, ата алдында бала

парызы– әдеп пен сый.

Мұхтар Әуезов

 Дәйексөздің мағынасын қалай түсінесіңдер?

(2 рет ер балалар, 2 рет қыз балалар,барлығы қосылып 2 рет )

Қиянат жасамау құндылығын қалай тағы түсінуге болады?

Мағанасын түсіндіру.

IV. Мұғалімнің сыйы.

Мейірімді бала

Сейіт орам үстінде жүгіріп бара жатқанда, бір арбалы келіп, аңдаусыз соғып кетіп, аяғын сындырыпты. Ойбайлап жылап жатқан баланы көріп шошынғаннан шешесі есінен танып қалыпты. Мұны көрген сон, Сейіт жыламақ түгіл, сынған аяғын орнына салып танып жатқанда да дыбысын шығармай, қабағын да шытпай жатты. Сонда сынықшы кісі:
- Аяғың ауырмай ма, қабағыңды да шытпайсың? -деп сұрады. Сейіт, шешесі шығып кеткен соң, демін алып, сынықшыға сыбырлап айтты дейді:
- Ауырмақ түгіл жаным көзіме көрініп тұр, бірақ менің жанымның қиналғанын көрсе, әжем де қиналып, жүдемесін деп, шыдап жатырмын,- деді.

Сұрақ:

• Баланың жаны ауырса да білдірмеуінің себебі неде?

• Баланың әрекетіннен не түсінуге болады?

• Қандай құндылықты байқауға болады?

• Баланың орнында сендер болсаңдар не істер едіңдер?

Мұғалім айтып, сұрақ қою арқылы түсінгендерін өмірмен байланыстара отырып, талдау.

V. Сергіту сәті

Кешірімді баламыз,
Жұлдыздай боп жанамыз.
Кішіпейіл баламыз,
Құстай қанат қағамыз.

VІ. Шығармашылық жұмыс.

1 - тапсырма Топқа бөлу

Геометриялық фигуралар үлестіріледі

Дәптермен жұмыс:

1- тапсырма. Әрбір отбасы мүшелерінің өз

құқықтары мен міндеттерін жазып, оны қалай

орындап жүргендеріңді әңгімелеп беріңдер.

2-тапсырма. Отбасы бақытты болу үшін не қажет деп

ойлайсыңдар? Төменде берілген сөздер мен сөз тіркестерін

өзің үшін ең маңыздыларынан бастап орналастыр.

Тиісті сөздер мен сөз тіркестері:

көтеріңкі көңіл күй, парызды орындау, сыйлықтар, дәмді тағам,

жайлы жағдай, жақсы ниет, жақсы тілек, жақсы көру, сыйлау, құрметтеу, сабырлылық, тыңдау, ақылдасу.

Оқушылар таңдаған фигураларына сай топтарға бөлініп отырады.

Б үгінгі сабаққа белсене қатысқан оқушыларға алғыс айтамын! Жинаған

-дар санына қарай марапаттаймын!

VII.Тоттен ән айту.

Бала тiлегi Әнін жазған: Фарида Жолдасова

Өлеңін жазған: Сержан Молдасанұлы

Бал-балалық, балдырған шақ сан арман,

Барлық бала армандауға жаралған.

Кел, достарым, әндетiңдер, билеңдер,

Гүлденсiн деп атамекен қара орман.

Болашақтың иесiмiз бәрiмiз,

Туған жердiң түрлендiрер нәрiмiз.

Алтын бесiк – ұлан-байтақ елiмде,

Жарқын болсын шырқап айтар әнiмiз.

Қалықтаған кӛгершiнi кӛгiнде,

Мұңаймасын ешбiр бала елiмде.

Ата берген батаменен кӛркейсiн,

Ұлы Отаным, тiлегiм сол менiң де.

Әнді ерекше көңілмен айтып, сергиді

Үй тапсырмасы.

№11 сабақ, 42-43-бет, Аурудан аяған күштірек

Ыбырай Алтынсарин әңгімесін оқу, мазмұнын айту.

Күнделікке жазу

VІІ .Соңғы тыныштық сәті. (Музыка ойнап тұрады.) 
Тыныштық ... бар жерде, тыныштық ... бар әлемде. 
- Енді, көзімізді жұмып,осы сабақта айтылған ойлар мен ізгі істерді ой елегінен өткізіп көрейікші. Барлық айтылған жақсы ойларды жүрегіміздің түкпіріне апарып орналастырайық. Бүгінгі сабақта не үйренгенімізді іштеріңізден қайталаңыздар. 
- «Мен сабырлымын, ұстамдымын. Үйде де, аулада да, мектепте де өзімді сабырлы ұстаймын, ешнәрсеге ренжімеймін. Маған сабырлы, ұстамды болған өте ұнайды» деп қайталаңыздар.Енді көздеріңізді ашуларыңызға болады.Сабақ аяқталды.Сау болыңыздар!

Бағалау парақшаларын толтыру.

Смайликтер арқылы кері байланыс орнату