Таңдау Сөз өнері.

Түсінік хат

«Сөз өнері» курсы «ЖББ №17 орта мектебі» КММ-нің 5-сынып оқушыларына арналған. Курс аптасына бір сағат, жылына отыз төрт сағатқа негізделген. Бұл курс оқушылардың әдеби мұраларға деген талғамын және рухани дүниесін кеңейтеді, ақыл-ойы мен ұлттық сана-сезімін дамытуға ықпал жасап, ауызекі және жазба тілде байланыстырып сөйлеуге мүмкіндік береді. Оқушылардың қазақ тілі мен әдебиет сабақтарына қызығушылығы мен функционалдық сауаттылығын арттыруға бағытталған.

Сөз өнері курсы арқылы оқушылардың рухани дүниесіне әсер ете отырып, қазақ кемеңгерлері атанған данышпан би-шешендердің шығармаларын насихаттау және тілдерін көркем сөйлеуге машықтандыру, яғни ұлт шешендері шығармаларының мазмұнын аша білу болып табылады.

Курстың оқу материалына халық ауыз әдебиеті үлгілерін сабақ мазмұнына сай енгізубаланың алған білімін толықтырып, байытып, жан-жақты дамуына дәйекті ықпал етеді. Оқушыларды шығармашылық ізденіс жұмыстарына баули отырып, би-шешендер мұраларын тани білуге және айшықты, әсерлі сөз қолданыстарына теориялық тұрғыда талдау жасауға мүмкіндік береді.

Сондықтан бұл таңдау курсында оқушылардың функционалдық сауаттылығын арттырып, ұлтымыздың асыл мұраларын дәріптейтіндей жеке тұлғаны қалыптастыруға, оқуға деген қызығушылықтарын оятуға, адамгершілікке, ізгілікке, сыйластыққа тәрбиелеп, еркін дамуына жол ашу көзделеді.

Мақсаты:

Ұлттық асыл мұраларымызды жан-жақты таныту арқылы ұлтжанды, халқымыздың сөз өнерін, әдет-ғұрпын, тілін ұлттық құндылық ретінде бағалайтын, функционалды сауатты, білімі мен білік дағдылары қалыптасқан, алған білімдерін өз қажеттілігіне қолдана білетін, ұлттық сана-сезімі оянған, сөйлеу әдебін меңгерген, ойы терең, рухани дүниетанымы бай, адамгершілігі жоғары, шығармашылықпен айналысатын тұлғаға бағыттау.

Міндеттері:

• Білімді дара тұлғаға бағдарлау (бейімдеу, дамыту, психологиялық үйлесімділік, өмірлік қажеттілік);

• Тілдік білімді функционалды тұрғыдан сұрыптау;

• Оқушыны зейінді ұстау;

• Пәнаралық байланысты сақтау;

• Әрекетшілдік-бағдарлылық ұстанымы (әрекетке үйрету, оқу жағдаятындағы әрекеттен өмірлік жағдаяттық әрекетке көшу, оқу танымдық әрекеттен оқушының өзіндік әрекетіне көшу);

• Алынған білімді бекіту және өзін-өзі бақылау;

• Шығармаларды образға еніп оқи білуге;

• Алған әсерлерін айшықты тілмен жеткізе білуге;

• Өздігінен білім алуға үйрету функциясы.

Күтілетін нәтиже:

Ұлттық асыл мұрамызды жан-жақты таниды. Халқымыздың сөз өнерін, әдет-ғұрпын, тілін ұлттық құндылық ретінде бағалай алады. Эстетикалық талғамы жоғары, функционалды сауатты, білім, білік дағдылары қалыптасқан, алған білімдерін өз қажеттілігіне қолдана білетін, ұлттық сана-сезімі оянған, сөйлеу әдебін меңгерген, шығармашылықпенайналыса алатын тұлғаға бағытталады.

Оқушының сөйлесім дағдыларын дамыту сатылап, олардың өзара сабақтастығына негізделіп жүргізіледі. Сөйтіп, негізгі деңгейдегі оқушы білімі сауаттылық дағдыларына табан тірейді де, бейіндік деңгейдегі сөз мәдениеті қалыптасады.

Әдебиеттер тізімі

1. Н.Төреқұлов. Даланың дана ділмарлары. А, 2001

2. Ай, заман-ай, заман-ай. ІІ том. А, 1998

3. Үш пайғамбар кітабы

4. М.Қожаев. Жеті жарғы. Шымкент қаласы, 1993

5. «Сырымның шешендік сөздері» кітабы

6. «Бес ғасыр жырлайды». І,ІІ,ІІІ томдары

7. Интернет материалдары

8. Ғылыми-танымдық журналдар

9. «Аңыз адам» журналы

10. Баспасөз деректері

11. Дау шешеді дана сөз. А, 1996

12. Абай. Энциклопедия. 1995

13. М.Балақаев, Р.Әміров, О.Айтбаев «Сөз өнері». А, 1999

14. Қ.Өмірәлиев. Абай афоризмі. А, 1993