Технологиялық карта "Бұл кім?" мектепалды даярлық сынып

Тақырыбы:

Бұл кім?

Күні, айы: 06.11

Педагогтің аты-жөні: Айткалиева Ж.А.

Мектепалды сыныбы/тобы: 0«Б»

ҰОҚ-ға қатысқан тәрбиеленушілер саны:

ҰОҚ-ға қатыспаған тәрбиеленушілер саны:

Оқу бағдарламасына

Сәйкес оқу мақсаты

0.1.1.1 Сөздегі дыбыс түрлерін ажырату және дұрыс дыбыстау

0.1.3.1 Лексикалық тақырыптар бойынша жиі қайталанатын сөздердің мағынасын түсіну

0.2.1.1 Лексикалық тақырыптар бойынша сөйлеу барысында жаңа сөздерді қолдану

0.3.1.1 Ақпаратты сурет, иллюстрациядан табу және сәйкестендіру

0.4.2.1 Жазу жолын, жоларалық кеңістікті, жолдың жоғарғы және төменгі сызығын сақтап, өрнектерді салу

Күтілетін

нәтиже

Барлық тәрбиеленушілер:

Лексикалық тақырып бойынша жиі қайталанатын сөздердің мағынасын түсінеді, дұрыс дыбыстай алады, мұғалімнің көмегімен отбасы мүшелерін атай алады.

Тәрбиеленушілердің басым бөлігі:

Жазу жолын, жоларалық кеңістікті, жолдың жоғарғы және төменгі сызығын сақтап, өрнектерді сала алады, ақпаратты сурет, иллюстрациядан таба алады, тақырыпқа қатысты сөйлеу/сөйлесу үлгісін түсінеді, сол үлгі бойынша сөйлесе алады.

Кейбір тәрбиеленушілер:

ҰОҚ-да үйренген сөйлесу үлгілерін өмірлік жағдаятта еркін қолдана алады, өз пікірін білдіре алады.

ҰОҚ барысы

ҰОҚ кезеңдері

Жоспарланған жұмыс

Ресурстар

ҰОҚ басы

(ПК) Тәрбиеленушілердің ҰОҚ-ға дайындығын тексеру. ҰОҚ басталуына жағымды ықпал ететін көңіл күй қалыптастыру. ҰОҚ мақсатымен таныстыру.

ҰОҚ ортасы

(ПК,Ұ) Әліппе-дәптермен жұмыс

1-тапсырмада педагог тәрбиеленушілердің назарын суреттегі қыздың сұрағына аударады (Бұл кім?). Тәрбиеленушілер бұл сұрақ үлгісімен осыған дейін таныс

болғандықтан, педагог тек тағы бір рет отбасы мүшелеріне қатысты да кім?сұрағының қолданылатынына көңіл

бөледі. Содан кейін сыныптағы балаларды 1-тапсырмада берілген сурет бойынша отбасы мүшелері атауымен таныстырады, жаңа сөздерді тыңдату, қайталату жұмыстары жүргізіледі, қазақ тіліне тән дыбыстар кездесетін сөздер қатарының дұрыс дыбысталуына ерекше көңіл бөлінеді. Берілген тапсырмада балалар ата, әже сөздерімен таныс болғандықтан, аталған сөздерді еске түсіріп қайталайды да, әке, ана, аға, әпке, іні деген жаңа сөздер қатарымен танысады.

(ПК,Ұ) 2-тапсырмада педагог балаларға қарындас және сіңлі сөздерінің айырмашылығын сурет арқылы түсіндіреді. Жаңа сөздердің айырмашылығын шынайы түсіндіру үшін,

сыныптағы балалар арасынан қарындасы және сіңлісі бар екі баланы шығарып (бір ұл, бір қыз), осы балалардың өздерінен кіші қызды қалай атайтындарын түсіндіру арқылы үйретуге болады. Әдетте аталған екі сөзді еркін қолдану ұзақ уақытты қажет ететіні сөзсіз, ең бастысы балаларға

осы айырмашылық туралы түсінік беру болып табылады.

(Ұ) 3-тапсырмадағы сурет бойынша балалар отбасы мүшелері атауларын қайталайды. Балалар Арманның

отбасындағы адамдарды атап шығуы қажет.

(Ұ) 4-тапсырма балалардың каллиграфиялық дағдыларын дұрыс қалыптастыруға арналған. Балалар берілген үлгі бойынша жол жиегінен шықпай сызып шығуы қажет. Сондай-ақ әр сызықтың соңындағы сурет бойынша отбасы мүшелері атауы тағы бір рет еске түсіріледі. Сондай-ақ балаларға келесі сабаққа отбасы мүшелерінің суретін алып

келуді (мүмкін болса) тапсыруға болады. Себебі келесі ҰОҚ-да балалар өз отбасы туралы айтуды үйренеді.

(Ұ) 5-тапсырмада балалар әже, әке, әпке, аға, қарындас, іні, сіңлі сөздерін тыңдайды, қайталайды. Қазақ тіліне тән ә,ғ, қ, ы дыбыстарын қайталайды.

Әліппе-

дәптер.

Аудио-

диск:

3.1.1

Аудиодиск:

3.1.5

ҰОҚ соңы

(Қ) ҰОҚ-ны қорытындылау мақсатында педагог балалармен кері байланыс орнатады. Тәрбиеленушілер ҰОҚ барысында нені білгені, қалай жұмыс істегені, не қызық әрі жеңіл болғаны, не қиындық туғызғаны туралы ой-пікірлерін білдіре алады.