Тіл және сөйлеу

Сабақтың тақырыбы: Тіл және сөйлеу

Сабақтың мақсаты: Сөйлеу және оның түрлері туралы берілген ұғымды кеңейту, оқушылардың сөйлеу мәнерін жетілдіру.

Сабақтың көрнекілігі: жеке және сюжетті суреттер.

Сабақтың барысы:

І. Бағдарлау – мотивациялық кезең.

Негеш – өздерің сияқты 3 – сынып оқушысы. Ол – көңілді, мейірімді, білімқұмар бала. Негеш үнемі «Кім? Не? Қайда? Неге?» сұрақтарын көп қояды. Сол себепті оны Негеш деп атайды.

Негеш мына сұрақтардың жауабын білгісі келеді:

1. Сөйлеу не үшін қажет?

2. Сөйлеу не арқылы жүзеге асады?

Білгішбек: «Тіл мен сөйлеудің не үшін қажет екенін мына сызбадан байқауға болады».

сөйлеседі

хабар береді

Т іл арқылы пікірлеседі

білмегенін сұрайды

кеңеседі

• Сендер бұған не дейсіңдер?

ІІ. Операциялық – орндаушылық кезең.

1 – жаттығу. Суретпен жұмыс:

• Қыз не істеп тұр?

• Қыз ән шырқап тұр.

• Бала не істеп отыр?

• Бала айнаға қарап сөйлеп отыр.

• Хабарландыруда не жазылған?

• Кішкентай ақ күшіктің жоғалып кеткені туралы жазылған.

• Суреттегілерді ауызша және жазбаша сөйлеу түрлеріне ажыратыңдар.

• Ауызекі сөйлеу мен жазбаша сөйлеудің қайсысы бұрын пайда болды?

• Сөйлеу түрлерін қай кезде, қалай қолданасыңдар, әңгімелеу?

«Құстар қалай дыбыстайды» ойыны

• Бұл қай құс? Ол қалай дыбыстайды?

Бүркіт – шаңқылдайды, қаз – қаңқылдайды, шағала – шаңқылдайды, тырна – тыраулайды, торғай – шырылдайды, сауысқан – шықылықтайды.

2 – жаттығу. Өлеңді мәнерлеп оқы

• Ақтан неге мәз болды?

• Құстардың сөйлегеніне мәз болды.

• Шынында, құстар сөйлей алады ма?

• Жоқ. Құстар тек дыбыс шығарады. Олар сөйлей алмайды.

Сонымен балалар, байқадыңдар ма? Сөйлеу тек адамға тән құбылыс.

Дәптермен жұмыс. 3-жаттығу. Мәтінді түсініп оқып, соңғы екі сөйлемді көшіріп жаз.

ІІІ. Рефлексиялық - бағалау кезеңі.

«Ойлан, тап» ойыны

Аяғы жоқ – жүреді.

Аузы жоқ – сөйлей біледі.

(Хат)

Сөзі дана, үні жоқ,

Сөйлемейді – тілі жоқ.

Қолыңа алсаң – шешен,

Ақылы асқан көсем.

(Кітап)

Әрі шешен, әрі әншә, әрі күйші.

Әр үйде бар, тапқышым кәне, білші.

(Радио)

Құлағында – құлағым,

Аузында – аузым,

Күнде естіп тұрамын

Жолдасымның дауысын.

(Телефон)

• Жұмбақтың шешуіндегі сөздер сөйлеудің қай түріне жатады?

• Радио, Телефон ауызек сөйлеу түріне, кітап, хат жазбаша сөйлеу түріне.

Үй тапсырмасы:

5 - жаттығу