#1 слайд
Ата-аналарға арналған психологиялық кеңес

1 слайд

#2 слайд
Балаларыңызға сынаққа тиімді дайындалуда көмек көрсету үшін кеңестер: ҰБТ-ның алдында толыққанды демалу үшін жағымды жағдай жасаңыздар. Өйткені ол жақсы ұйықтап, демалу қажет. Балаңыздың ұйқысының дұрыс болып, физиологиялық тұрғыда шаршамауын талап етіңіз. -Отбасылық қарым-қатынасты дұрыс сақтаңыздар. — Егер бір нәрсені оқып үлгермесе, дұрысы талап етпеңіз, керісінше дем алып, көңіл көтеруіне мүмкіндік жасаңыз. — Таза ауада достарымен, ең жақын адамдарымен серуен жақсы әсер етеді. — Кешкі аста дастархан басында рухани қолдау сөздер айтыңыз. — Балаңыз дың ерте жатып, дұрыс ұйықтауын қадағалаңыз. Тест күні Тест күні балаңыздан ерте тұрып, оятып, бүгінгі таң ол үшін сәтті атқанын сендіріп айтыңыз. Суық суға жуынуын, гимнастикалық жаттығулар жасауын қадағалаңыз. Жеке куәлігін, рұқсат қағазын, қара қаламын ұмытып кетпеуін қадағалаңыз. Тест күнгі тамақтану үлгісі — Аса майлы тамақ жеуге болмайды және мүлдем тамақтанбауға да болмайды. — Қатты қобалжығандықтан, балаңыздың тәбеті болмауы мүмкін, бірақ аудитория атмосферасына шыдау үшін тамақтанбаса да болмайды. — Жеңіл көкөністен жасалған тамақтар жеген дұрыс. ҰБТ қорытындысынан кейін балаңызды сынға алмаңыз және оған ашу байқатпаңыз. Балаңызға түсіністікпен қарап, жақын болуға, сөйлесуге тырысыңыз. Сынамаңыз. Ұрыспаңыз. — Үйде дайындалу үшін балаңызға ыңғайлы жұмыс орнын жасаңыздар. Сіздің балаңыз дайындалған кезде, ешкім оған бөгет жасамасын. — Балаңыздың бөлмесіне сары немесе күлгін түстерді енгізу керек. Олар ақыл- ойды белсендіреді. Ол үшін жай ғана суреттің бейнесі болса да болады. — Тесттік тапсырмаларды орындаған кезде балаңызға уақытты дұрыс бөлуді үйретіңіздер. Егер балаңызда сағат болмаса, емтиханға барар алдында оған сағат беріңіз. — Балаңызды ешкімнің баласымен салыстырмай, мадақтап, олардың өз- өзіне сенімін жоғарылатыңыз. — Балаңыздың ішетін тамағына көңіл аударыңыз. Балық, ірімшік, жаңғақ, өрік және т.б. ми жұмысын белсендіреді.  Баланың жүріс-тұрысына жіті мән беру. Баланың психикалық даму ерекшелігін естен шығармау. Оны тыңдай алу, сөзіне мән беріп, әңгімені кейінге қалдырмау. Баланың жеке кеңістігіне қол салмау, шешімдеріне сыйластықпен қарау. Шамасы келмейтін, өресіне сыймайтын талап қоймау.  Жасөспірімдік кезде болатын өтпелі кезеңде мінезқұлқында гормондық дамуға байланысты болатын өзгерістерді есепке ала отырып, қарым-қатынас жасау. Баламен қарым-қатынаста жиі түсініспеушілік жәйттер орын алатын болса маманның кеңесіне жүгіну. Балаларыңызға мүмкіндігінің аз екендігі туралы айтпаңыз. Қателігін түзете алатын баланы сыйлай біліңіз.  Ізденіс үстіндегі балаға көмектесіңіз, ал іздегенін тапқанға кедергі келтірмеңіз.  Баланың бұрын-соңды игермеген дүниесін үйрету барысында сабырлылық пен сүйіспеншілік танытыңыз.  Балаңа қатысты үнемі өзіңіздің тек жақсы қырыңызды көрсетіңіз. Бойыңыздағы бар игілікті балаңыздан аямаңыз.

2 слайд

#3 слайд
Ата-аналарға психологиялық кеңес «Қазмұхамбед Қарашаұлы атындағы Сарайшық орта мектебі» КММ Отбасын бақыт жағалауын бетке алып, өмір айдынында жүзіп келе жатқан қайыққа теңесек, оның қос ескегін әке мен ана дер едік.Сондықтан ата-ананың үлкен мақсаты- өз баласын үлкен әріппен жазылатын Азамат етіп тәрбиелеу. Айтылуы тиіс сөздер: • ҰБТ – бұл бар болғаны сынақ, ал сынақ нәтижесі әртүрлі болуы мүмкін. ҰБТ маңызды сынақ болғанымен де, оның көрсеткіші болашаққа еш кедергі бола алмайды. •Өмір тек ҰБТ- дан тұрмайды, осы сәттегі сәтсіздік ол – уақытша қиындық. Уақытша болғандықтан ол өтеді де кетеді. «Бұл баға маңызды болғанымен, ары қарай өмір сүрудің көрсеткіші бола алмайды. •Сені жақсы көреміз.Мен саған сенемін. Сенің бар болғаныңа бақыттымын. •Мен өзіңмен мақтанамын, сен біздің тірегімізсің. • Кез келген сәтте өзіңмен біргемін. Ақылдым сол. • Өзіңмен ақылдасқым келеді. •Сенің шешіміңді құрметтеймін. Адам болған соң бәрі де қателеседі.

3 слайд