Әдістемелік нұсқаулықта қазіргі заман талабына сай сабақты жоспарлау мен мақсат қоюға қатысты теориялық ақпараттар мен практикалық ұсыныстар берілген. Сонымен қатар өзімнің практикамнан және тәліптің (жас маман) сабақ жоспарларынан үлгілер қамтылған. Бұл әдістемелік құралдың мақсаты жаңартылған білім беру бағдарламалар бойынша жұмыс істейтін жас мамандарға сабақ үдерісін жоспарлауға әдістемелік көмек көрсету болып табылады. Жалпы нұсқаулық білім беретін мектеп табалдырығын енді аттаған жас мамандар мен педагогикалық мамандықтар бойынша білім алатын студенттерге арналған.

ХХІ ғасыр жас буындға берілген білімнің сипаты- нәтижеге бағытталған білім беру. Сондықтан, бұл технологияда оқушы өз топшылауын , өз пайымын еркін білдіреді, өзіндік дәлелдер келтіреді, басқалардың ой түйіндерін сынайды, өз пікірін , өз тоқтамын жасайды. Бұл әдіс шәкірттерге де, оқытушыларға да үлкен жауапкершілікті жүктейді. Оқыту әдістерін жетілдіруге, дамытуға олардың тиімділігін арттыруға көмектеседі. Шәкірттердің сыни тұрғыдан ойлау қабілеттерін дамытуға арналған оқытудың әдіс-тәсілдері білім алушыға құбылыстардың себептерін толық ұғынуға, ережелер мен заңдылықтардың сырларын терең түсінуге , олардың ғылыми білімдегі орнын аңғаруға қолайлы жағдаяттар жасайды

1 сыныпқа арналған «Қызықты математика» арнайы курс бағдарламасы мектеп табалдырығын жаңа аттаған бүлдіршіндердің ой-өрісін, өзіндік іс-әрекетін, дүниетанымын кеңейтуге, математиканы өмірмен байластырып айта алуға, математикалық терминдер туралы қарапайым түсінік алып, одан өздігінен қорытынды шығара алатындай дәрежеде, балалардың жас ерекшеліктерін ескере отырып жазылған. Бағдарламада балалардың кестелік қосу және азайтуды практикалық тұрғыдан меңгере отырып, өздігінен есептер құрастырып, оларды шеше алуы, математикалық ребустар, сөзжұмбақтар құра алуы арқылы пәнге деген қызығушылықтары арта түседі. Жалпы курс барысында оқушылардың тапқырлығы, ой ұшқырлығы дамиды, есептер құрастырып, шешу тәсілдерін меңгереді, логикалық ойлау қабілеттері артады; «Қызықты математика» курстық бағдарламасы 4 оқу тоқсанына бөлініп жасалған. Авторлық бағдарлама бастауыш сыныптардың оқу бағдарламасының талаптарын ескере отырып құрылған.