XXI ғасыр мұғалімінің бойында өз ісіне берілген және оқушылардың үлкен тұлға болып қалыптасуы үшін көп қасиеттер қажет. Ұстаз бойындағы асыл қасиеттерді шәкірт өзіне тез сіңіріп алады. Мектеп қабырғасында отыз бес жыл жұмыс істеу барысында, әрбір сабаққа үлкен мақсатпен және үмітпен кіру керек. Үштұғұрлы тіл саясатын жетілдіру мақсатында, қазіргі таңдағы ұстаз жан - жақты болуы керек.

Қазіргі қоғамдағы рухани - адамгершілік қасиеттердің құнсыздануы, білім ордаларындағы тәрбие берудің кемшіліктеріне байланысты деп ойлаймын. Менің баяндамамдағы қозғап отырған мәселе - әдебиет сабағында тек теориялық білім ғана емес, саналы тәобие беру. Орта буын оқушыларының бойында адамгершілік қасиеттерді дамыту мақсатында, әрбір әдебиет сабағы өмірмен байланыстыра отырып жүргізілуі қажет. Жан-жақты дамыған тұлға тәрбиелеу үшін әр мұғалім үлкен еңбек сіңіруі қажет.

Бұл ашық сабақ сыни ойлау стратегиясының кейбір тәсілдерін тиімді пайдалана отырып, оқушыларды критериалды бағалауға дағдыландыру мақсатында өткізілді. Көп жылғы тәжірибе жұмысында байқағаным, оқушылар әдебиет сабағында жаттанды сөз сөйлеп, өз ойын толық жеткізе алмайды. Бұл сабақтың тиімді жақтары: өз ойын айтпас бұрын әрбір оқушы алдыңғы жауап берген баланың жауабына талдау жасайды. Осыған байланысты оқушылар бір-бірін мұқият тыңдауға машықтанады. Қолданылған тәсілдердің ішінде тиімді болғаны - синквейн құру және әдебиет үйірмесі.