Бұл мақалада қазіргі заманғы технологиялық феномен — жасанды интеллекттің (ЖИ) жастардың діни дүниетанымына ықпалы дінтанулық тұрғыда талданады. Автор ЖИ-дың пайдалы жақтарымен қатар, оның рухани әлсіретуге әкелетін қауіптеріне назар аударады. Ақпаратты тез қабылдайтын бүгінгі жастардың ЖИ берген діни мәліметтерді сын көзбен қабылдауы, шынайы рухани тәлімді жүрекпен іздеуі қажеттігі баса айтылған. Мақалада Құран аяттары мен ислам қағидаттары негізінде ЖИ-ды қолданудағы этикалық және рухани жауапкершілік мәселесі көтеріледі. Цифрлық дәуірде жастардың тек технологиялық сауатты ғана емес, діни-рухани тұрғыда да сауатты болу қажеттігі мақаланың негізгі өзегі ретінде қарастырылады.

Бұл мақалада Қазақстандағы дінаралық сұхбат мәдениетінің маңыздылығы мен ел ішінде бейбітшілік пен татулықты сақтау жолындағы рөлі жан-жақты қарастырылады. Автор дінаралық өзара түсіністіктің мәнін аша отырып, Қазақстанның бірегей тәжірибесін – Рухани келісім күні, Әлемдік және дәстүрлі діндер лидерлерінің съезі сияқты нақты мысалдармен баяндайды. Мақалада дінаралық сұхбаттың экстремизмге қарсы тұру, қоғамдық келісімді нығайту, жастар тәрбиесі мен ұлттық бірлікті сақтау секілді маңызды бағыттардағы ықпалы атап өтіледі. Сонымен қатар, қазіргі қоғамда кездесетін сын-қатерлер де сөз болып, тиімді сұхбат орнатудың жолдары ұсынылады. Мақала бейбітшілік пен өзара түсіністікті нығайтуды көздейтін дінтанушыларға, журналистерге, білім беру саласының мамандарына және көпшілік оқырманға арналған.

Мақалада XXI ғасырдағы әлемдік діни, этникалық және мәдени қақтығыстар жағдайында Қазақстанның рухани келісімді сақтау және дамыту жолындағы ерекше тәжірибесі сипатталады. Автор еліміздің көпұлтты және көпконфессиялы құрылымына тоқтала отырып, тәуелсіздіктен кейінгі діни қайта өрлеу кезеңін, 1992 жылғы «Діни сенім бостандығы және діни бірлестіктер туралы» заңның рөлін талдайды. Әлемдік және дәстүрлі діндер лидерлерінің съезі, Қазақстан халқы Ассамблеясы сияқты бастамалар арқылы еліміздің жаһандық дінаралық диалог алаңына айналғаны көрсетіледі. Сонымен қатар, мақалада діни радикализм мен экстремизмге қарсы шаралар, ақпараттық-түсіндіру топтарының жұмысы, діни сауаттылықты арттыру бағытындағы мемлекеттік және қоғамдық тетіктер қамтылады. Қазақ мәдениетіндегі толеранттылық дәстүрлері мен діни келісімнің тарихи негіздеріне де назар аударылады. Мақала Қазақстан тәжірибесін бейбітшілік пен тұрақтылықты мақсат еткен елдерге үлгі ретінде ұсынады.

Қазақстандағы Рухани келісім туралы жазылған мақала. Рухани келісім – бұл қоғамдағы өзара сыйластық пен түсіністіктің маңызды элементі. Елде түрлі діндер мен мәдениеттердің өкілдері арасындағы диалог пен ынтымақтастықты нығайту мақсатында заңнамалық негіздер, мемлекеттік саясат және азаматтық бастамалар жүйелі түрде жүзеге асырылып келеді.

Мақалада Қазақстанның көпұлтты, көпконфессиялы мемлекет ретінде рухани келісімді басты құндылық деп санайтыны айтылған. Ел тәуелсіздіктен бері ұлтаралық және дінаралық татулықты сақтауға ерекше көңіл бөлуде. Рухани келісім – түрлі ұлт пен дін өкілдерінің өзара құрмет пен түсіністікке негізделген бейбіт өмірі. 18 қазан – Рухани келісім күні ретінде аталып өтеді. 2003 жылдан бастап Әлемдік және дәстүрлі діндер лидерлерінің съезі өтуде. Мемлекет пен қоғам бірлесіп, діни сауаттылықты арттыру, жастар арасында төзімділікті тәрбиелеу жұмыстарын жүргізуде. Рухани келісім – еліміздің тұрақтылығы мен дамуының негізі.