Абай Дара-Абай Дана

Абайды оқып ойланам

Міне , мектеп табалдырығын басқаныма да 4 жыл болыпты . Мен түрік ұлтының баласымен , бірақ жүрегім қазақ ұлты , қазақ елі деп соғады . Не үшін ? Себебі 2 сыныпта Абай өлеңдері мен қара сөздерін ұстазым Айжан апай таныстырғанда , ерекше сезім , көңілімде тербеністі байқадым . Сол сәттен бастап Абай атамыздың өмірімен танысуды алдыма мақсат етіп қойдым . Қолыма қалам алып , алғаш рет Абай атам – сөз патшасы деп күнделік бетіне жаздым . Абайды үйреніп , оның өлеңдері мен қара сөздерін оқып , музыкасын тыңдап жете білуге деген құштарлығым арман болды . Абай музыка саласында да мол мұра қалдырып , қазақтың музыка өнерін дамытты. Қазіргі уақытты ақынның 27 әнінің 36 нұсқасы нотаға түсірілген. Абай Құнанбаевтың қара сөзіндегі «Адам болу мәселесі». Мұнда Абай дүниеге өз көзімен қарап , көргенімен сезгенін жалтақтамай айтқан . Қара сөздерінің ішінде тәрбиелік мәні мен мазмұны жағынан мен үшін тереңірек тұратыны 46 қара сөзі.Абайдың қара сөздерін оқыған адам Абай атамен сөйлесіп , пікірлесіп отырғандай сезімде болады.Ал, ақын өлеңдерінің қай-қайсысын алып қарасақ та , олардың барлығы адам баласын ойландырмай қоймайтын өсиет-өнеге толы . Барша халықты адам-дық асыл қасиеттерге үндейтін ізгілікті ойларды кездестіреміз . Мысалы ; «Ғылым таппай мақтанба !» өлеңі мен үшін ұран секілді. Ондағы ; «Ғылым таппай мақтанба , орын таппай баптанба , құмарланып шаттанба,ойнап босқа күлуге » , - деген жолдардың өзінде қаншама тәлім-тәрбие жатыр ! Абай атамыз адам балам дегендерді өсек , өтірік, мақтаншақтық , еріншектік, мал шашпақ тәрізді жаман әдеттен аулақ болуға шақырса , талап , еңбек, терең ой , қанағат , рақым сынды бес қасиетті бойға сіңіруге үндейді . Абайдың таюиғатты суреттеуі ол бір дүние . Әр жыл мезгіліне жазылған өлеңдерін оқып , табиғат пен адамның мінезі бірлесе көрініс тапқандай . Абайдың қара сөзін оқып , ойлауды , пікірлеуді , адами , адамгершілік қасиетті бойыма сіңірдім. Абай өлеңдерін оқып , жаттап барлық жетістік , еңбекпен біліммен келетінін аңғардым. Бойымды еріншектік пен мақтанудан тазалап алуға ынтылудамын. Табиғатқа арналған өлеңдерінен Отанды , айналамдағы табиғатты , ата-анамды сүюді үйренудемін . Мен Қазақстанда ,қазақ елінің ортасында туылғаныма қуаныштымын себебі мен Абай атамды оқи отырып бойымда сүйіспеншілік , арман оянды . Халықта ; «Ұяда не көрсең ,ұшқанда соңы ілерсің » деген мақал бар. Тәлім-тәрбие болмаған жерде адамгершілік болмайды .Тәрбиесіз білім – адамзаттың қас жауы . Қазақтың ұлы ақыны Абай Құнанбаевтың өмір жолы мен шығармалары , өлеңдерінің тәрбиелік мәні , қара сөздерінің тәрбиесіндегі құндылықтарын үйрене отырып келешек жас ұрпаққа насихаттамақпын.