«Апта күндері. Ай аттары» Сабақ жоспары 2 сынып

Мұғалімнің аты-жөні: Қуекесова Г.Т.

Күні: 04.02.2021

Сыныбы: 2 сынып

Пәні: Түзету-дамыту сабағы

Сабаққа қатысқан оқушылар саны: ____

Сабақтың тақырыбы: «Апта күндері. Ай аттары»

Сабақтың мақсаты:

Білімділік: Оқушылардың уақыт мезгілдері туралы білімдерін қалыптастыру. Апта күндері мен ай аттары түсінігін беру.

Түзету-дамытушылық: Оқушының сөйлеу дағдысын дамыту, қисынды, логикалық ойлау қабілетін қалыптастыру.

Тәрбиелік: Уақытты жоспарлай білуге баулу, әдептілікке, ұқыптылыққа тәрбиелеу..

Көрнекі құралдар: түрлі-түсті қарындаштар, қалам, жұлдызқұрттың суреті, құрастырмалы тапсырмалар, сергіту сәтінің видеосы, есептер, презентация, апта күндері мен ай аттарын ажыратуға арналған тапсырмалар, тақырыпты түсіндіруге арналған плакаттар.

Әдіс-тәсілі: сұрақ-жауап, көрнекілік, көрсету, түсіндіру, ойын.

Сабақ барысы

І. Ұйымдастырушылық кезеңі.

Психологиялық дайындық

Күннің нұрын алақанға саламын,

Жүрегіме басып ұстай қаламын.

Ізгі әрі нәзік жарық мейірімді,

Болып кетер сонда дереу жан-жағым.

ІІ. Негізгі бөлім.

Ендеше бүгінгі сабақтың тақырыбы:

Апта күндері

-Балалар сендер апта күндері туралы не білесіңдер?

Бұл сабақта біз бір аптада неше күн бар екенін, олардың қалай аталатынын және ретін білетін боламыз. «Апта» сөзі парсы тілінен аударғанда «Жеті» деген мағына береді. Яғни бір аптада 7 тәуліктің болуы осыған негізделсе керек. Ал бір тәулікте 24 сағат бар. Апта уақыттың негізгі өлшем бірлігіне жатпайды. Оны күнделікті өмірде қолданамыз. Ендеше біз «Жұлдызқұрт» тапсырмасын орындап жіберейік. (оқушыларға апта күндерінің аттары жазылған жұлдызқұрт денесін таратып беремін. Олар апта аттарының ретін сақтай отырып жұлдызқұртты құрастыруы керек.) Енді сендер тапсырманы дұрыс орындағандарыңа көз жеткізу үшін тексерейік.

ІІІ. Тапсырмалар орындау.

1-тапсырма.

- Балалар, барлығымыз тақтаға назар аударайық! Тақтада ай аттары және орналасу реті берілген. Әрқайсысымыз берілген сұрақтарға жауап берейік!

2-тапсырма.

Балалардың қолдарына тапсырма беріледі. Әр мезгілге сай ай аттарын орналастыру керек.

3-тапсырма.

Есептерді шығару

Күнтізбе бойынша анықта

1.Талғаттың туған күні- 9 сәуір.

Бұл аптаның қай күні?

2.Оқушылар сенбі және жексенбі күндері демалады. Сәуір айында оқушылар неше күн демалады?

3. Әмір сейсенбі және бейменбі күндері қазақша күрес үйірмесінде жаттығады. Ол сәуір айында неше рет жаттығуға қатысады.

ІV.Сергіту сәті.

Саусақ жаттығуы. Нейрожаттығулар.

Тақтада видео ретінде көрсетіледі.

4-тапсырма.

Апта күндерін бос кестеге жазу керек.

5-тапсырма

Оқушыларға апта күндерінің реті бойынша тапсырма беріледі.

Дүйсенбі ................................... күн

Сейсенбі ................................... күн

Сәрсенбі ................................... күн

Бейсенбі ................................... күн

Жұма ........................................ күн

Сенбі ........................................ күн

Жексенбі .................................. күн

6-тапсырма

«Адасқан әріптер» ойыны. Оқушыларға қате жазылған ай аттары белгілерімен ұсынылады. Балалар сөздің астына ай аттарын дұрыс жазу керек.

V. Кері байланыс

Сұрақ-жауап әдісі арқылы.

• Аптаның бірінші күні дүйсенбі? ИЯ

• Бір жылда он үш ай бар? ЖОҚ

• Қазір жылдың қыс мезгілі ма ? ИЯ

• 3 ай демалыс қыста ма? ЖОҚ

• Қаңтар жаз айы ма? ЖОҚ

• 1 аптада 7 күн ба? ИЯ

• Ертең дүйсенбі күн бе? ЖОҚ

• Желтоқсан, қаңтар, ақпан қыс айлары ма? ИЯ

VІ. Қорытынды

• Міне, оқушылар, сіздермен бірге апта күндері мен ай аттары туралы біраз ақпараттар білдік. Ай аттары мен апта күндерін ұмытпай, әрдайым біліп жүрейік!

• Осымен сабағымыз аяқталды, сау болыңыздар!