ЗАМАНАУИ БІЛІМ БЕРУ БОЙЫНША ПЕДАГОГИКАЛЫҚ КӨЗҚАРАС.

Сермағанбетов Мейірлан, Жетекшілер: Дауылбаева К. С, Сутеева А. А

Ақтөбе Жоғары политехникалық колледжі.

Жұмыстың мақсаты: Заманауи білім беру бойынша педагогикалық көзқарасты қалыптастыру.

Жұмыстың міндеті: Заманауи білім беру бойынша педагогикалық көзқарасты ұйымдастыру.

Жұмыстың гипотезасы:Заманауи білім саласын дамыту.

Қазіргі заманғы білім саласындағы өзгерістер - ұлттық ерекшеліктерді ескеру, бүгінгі буынның басты мәселесі. Қазақ халқының мәдениет пен ағартудың туын көтерген, барлық адамға керек байлық, жақсылық, бақыт біліммен бірге келеді, сонымен қоса, мектеп ашып, шәкірт жинап, бірнеше оқулық жазған, өзінің бірнеше үлгі тұтар істерімен өнеге көрсеткен Ыбырай Алтынсариннің еңбектеріңін маңызы өте зор. Ыбырай Алтынсариннің ашқан мектептері, өзінің тәлім – тәрбие жолындағы мазмұны, педагогика тұрғысынан көзқарасы өте маңызды және осы күнге дейін тарихтан тарихқа жетіп, өзінің мәнін жойған емес.

Сол кездің өзінде бірнеше қиындықтарға төтеп беріп, өзінің ойындағы ізгі ниетті іске асыру үшін табандылықпен күш – жігерінің арқасында өз мақсатын берік ұстанып, дана қалхының білімге деген құштарлығын оятып, жаңаша көзқарас қалыптастырды. Оқулықтар жазып оны таратып, халқының дарынды, ақылы мол халыққа айналдырып, рухани және коғамдық өмірде дұрыс жол таңдауына үлесін қосты. Сол кездегі ағартушының ойы оқу кезеңін, бірінші кезекте – мұғалімнің алатын орны, екінші кезекте – берілетін мағлұматтардың маңызы, үшінші кезекте – оқулықтардың мектепте дұрыс пайдаланылуына көп көңіл бөлген. Бар мақсаты – жақсы білім беру.

Қазақ хрестоматиясындағы еңбектеріне зер салып қарасақ, шәкіртерінде ой туатындай, әдет – ғұрып пен салт – дәстүрді бойына сіңіретіндей етіп, әдептілікке, мейірімділікке, тәрбиеге ерекше назар аударған. Өз еңбектері бойынша бірінші – тілдік жағынан дамытуды, екінші – ана тілінде оқытып – жаздыртып, қысқа уақытта өзінің шәкірттерін тез сауаттарын ашқанын қалады. Ыбырай Алтынсариннің бағыты білім жағынан тереңдетіп, оқыту әдістерін жетілдіріп, толықтырды.

Сол кездегі ағартушының ойы мен, қазіргі заманғы білім саласындағы өзгерістер, яғни алға жылжу, бір – бірімен сабақтасып тұр. Сол кезеңдердегі қазақ халқының мұрасы қазіргі таңда оқу бағдарламалары мен оқулықтарда, барлық жағынан таныстырылып келеді. Педагогика саласында оқу – тәрбие іс – әрекетін ұйымдастыруда, үлгі – өнеге ретінде берері көп.

Қазіргі таңдағы білім беру жүйесінің ерекшелігі – білім алушының ой – санасын, білімін арттыру, дамыту, қалыптастыру. Жеке тұлға ретінде өз қасиетін жетілдіру, өзін – өзі дамыту, өзінің білімін кеңейту, барлық мақсаттарына қол жеткізу. Қазіргі таңдағы оқу жүйесі өте күрделі, жоспарланған бағдарлама мен білім, шығармашылық мүмкіндіктер және үздіксіз білім. Қазіргі заманауи жетілген кезеңде оқытудың тиімді құралын пайдалану, топтық – командалық жұмыстар, топтық оқыту ортасын құру, оңтайлы және тиімді ресурстарды пайдалану үстіндеміз. Оқытушылар да жаңа дағдыларды үйреніп, оңай әдіс – тәсілдермен сабақ барысын түсіндіреді. Кәсіби шеберлігін дұрыс пайдаланып, өзін тағы да жетілдіру оқу қабілеттілігіне ықпал етеді. Қоғам дамыған сайын адамдардың ақыл – ойы және көзқарастары да өзгереді.

Осыдан ой түюіміз керек, оқытушы атқаратын жұмыстың саны және мөлшері болмайды, олар үздіксіз, яғни шексіз. Қоғамдық жағару қажеттілігіне сай білім саласы да бір орында тұрмайды, ылғи да алға жылжып отырады.

Қорытындай келе айтқым келгені қазіргі заман ұстаздары Ыбырай Алтынсарин атамыздай ғұламаларымыздың білім беру жүйесін ұштастыра отыра жүйелі жұмыс жасаса білім қарыштап дамиды деген ойдамын.

Пайдаланылған әдебиеттер тізімі:

1. Қарабалина Орынша. Ұстаз бақыты Алматы: Білім, 2004. — 296 б.

2. Жулдыз журналы

3. Интернет желі сілтемелері:

http://www.halyk-gazeti.kz/index.php?option=com_content&view=article&id=2097:2014-01-23-08-32-17&catid=5:2011-11-18-09-02-24&Itemid=5

https://100kitap.kz/kz/book/107