Отбасы-бақыт мекені

Алдыңа келген кішкене шәкірт ертең-ақ ер жетіп, үлкен өмірге қанат қағады. Біздің оқушыларымыздың екінші отбасы, алтын ұясы бола білген мектеп-интернат қаншама шәкірттің болашағының жарқын болуына әсер етті деуге болады. Бүгінгі күні әрбір тәрбиеші өз алдынан өткен шәкірттерін сағынышпен еске алып отырса, тәрбиеленушілер де тәрбиеші апай, ағайларын ұмытпай, ыстық сәлемдерін жолдап тұрады. Мұның барлығы адами асыл қасиеттердің тоғысқан ортасы, яғни отбасындай бола білген интернат ұжымының ерен еңбегінің арқасы. Отбасында берілетін негізгі құндылық – тәрбие. Сол тәрбиені үзіп алмай, ары қарай дамыту, жандандыру біздің басты парызымыз. Отбасының жемісі – тәрбиелі ұлы мен қызы. Сол сияқты біздің де басты жеңісіміз – тәрбиелі де үлгілі шәкірттеріміз.