Тіл құдіреті

Тіл құдіреті.

Тіл адам дүние есігін ашқаннан бастап еститін, сөйлеп үйрене бастағанынан меңгеріп алатын ата – бабамыздың ұрпаққа қалдырған өшпес мұрасындай. Әр ұлттың жеке мемлекет ретінде көрісініс табуының құралы бұл сол ұлттардың тілдері. Адам баласы ойлана алатын деңгейге жеткеннен бастап өз дінімен, тілін жетік білмеседе өз тілін меңгеруі шарт. Себебі, тіліміздің өзгешелігі ғана бізді әлемнің басқа ұлыстарымен ұлттарынан өзгешелеп тұрады. Өзге тілдің бәрін біл, өз тіліңді құрметте тіркесі де бостан босқа айтылмаса керек. Әр ұлт өкілі өз қаны арқылы бойына сіңген тілді жетік меңгеріп, оны құрметтемейінше өзге тілдерге деген құрметі еселенбейді. Яғни, кез келген адам өзге тілді меңгеремін десе, алдымен өз тілінің мәртебесін өз ойында асқақтата алуы тиіс.

Тілдің құдіретімен оның әсемдігін біздің заманызға дейін бүкіл дүние бөлігінің ақын, жазушылары айтып оны рухани мұра ретінде қалдырды. Білектің күшімен шешілмеген талай мәселемен өзара қырқыстар бір ауыз сөздің мәніне тоқталғаны тарихымыздан белгілі. Сол үшінде халқымыз бұрындары күш иелерімен қатар, сөз шешендерінде ерекше құрмет тұтқан. Өзара шеше алмаған даулы істерін, билерден көмек сұрау арқылы бір ауыз сөзге тоқтатқан.

Тілі арқылы біраз дүниені айтып салатын адамдарды. Тілімен шаққан деп жыланға теңестірген. Яғни, жыланның уы қалай денеден өтіп шақса, тілдің ащылығымен шыққан сөз солай сүйектен өткен. Мықты деген батырлардың өзін бір – ақ ауыз сөзбен тоқтату мүмкін болған. Осыдан – ақ тілдің құдіретінің мықты деген адамның өзін ойландырып жібере алатындай мүмкіндігі бар екенін көруге болады.

Чапаев негізгі мектебінің

Бастауыш сынып мұғалімі

Досанова Арайгүл Тенелбайқызы