Ашық сабақ: Ағаштар неге ашуланды?

#1 слайд
Әдебиеттік оқу 2-сынып Тақырыбы: Ағашқа күтім жасаймын Ағаштар неге ашуланды? 81-сабақ

1 слайд

#2 слайд
Оқу мақсаты: 2.1.3.1 - шығарманың тақырыбы мен үзіндісіне (бастапқы бөліміне) сүйеніп, оқиғаның соңын болжау

2 слайд

#3 слайд
Мағынаны ажырату Ой қозғау 1. Ағаштар ашулана ма? Осы сұрақ төңірегінде ой бөліс. 2. Алмабектің қылығына өз көзқарасыңды білдір. Сен Алмабектің орнында болсаң, не істер едің? 3. «Ағаштар неге ашуланды?» деген сұраққа жауап таптың ба? Әрі қарай не болатынын болжа. 4. Мәтіннің қалай аталып тұрғанына мән бер. Осы сұраққа жауап іздей отырып түсініп оқы. 5. Жазушы Алмабектің ағаштары туралы не дейді екен? Оқып көрейік.

3 слайд

#4 слайд
Автор туралы мәлімет Бердібек Соқпақбаев. Алматы облысында туған Көрнекті балалар жазушы «Менің атым Қожа», «Жек- пе-жек» т.б. кітаптары бар

4 слайд

#5 слайд
Ағаштар неге ашуланды?Оқулықпен жұмыс Бiр күнi Алмабек жолдастарымен бiрге өзенге шомылуға келдi. Олар шешiнiп те үлгермеп едi.Ауа райы күрт бұзылып, аспанды сiрескен қара бұлт басып кеттi. Азынап жел тұрды. Балалар Алмабек те жүгiрiп келе жатыр едi. Ағаштың жыландай ысылдап майысқан бұтақтарының бiрi кенет оның басынан кепкасын қағып ұшырып түсiрдi. Ол жалт бұрылып, кепкасын ұстап алмақ болып едi, жолдастарынан адасып қалды. Дәл сол уақытта адам айтса нанғысыз ғажап оқиға болды. Орман iшi азан-қазан жаңғырып кеттi. Түйе белiндей жуан бәйтерек майысып келiп, Алмабектi баса жаздап, жолына көлденеңдеп тосқауыл бола қалды. Алмабек қорыққаннан шыңғырып жiберiп, кейiн қарай жалт бердi. Сол кезде тұс-тұстан: – Ә, бәлем, Алмабек, қолымызға түстiң ба?– деген ашулы дауыстар жамырап естiлдi. Алмабекте ес қалмады. Ағашы аздау бiр жермен жүгiрiп өтпекшi болып едi. Ұзын бiр ақ қайың жапырақтары жалпылдап алдын тағы бөгей қалды. Алмабек кейiн қарай жалт бердi. Маңайдағы ағаштар су-су етiп төнiп келiп қалғанын көрдi. Бiрнеше солқылдақ көк шыбық жотадан шып-шып еткiзiп, шарпып өттi. – Сендерге мен не жаздым?!– деп Алмабек жылап жiбердi. Сол кезде төбесi көк тiреген, көптi көрiп,көп жасаған орман атасы кәрi еменнiң гүжiлдеген жуан дауысы естiлдi: – Сенiң жазығың сол: бiздiң бiрнеше жас шыбығымызды үйiңнiң қасына отырғызбақ болып қазып әкетiп едiң, нағыз азап халге салып қойыпсың. Түбi босатылмай, қатып қалыпты. Тамыры суалып, құрып бара жатқан көрiнедi. Осы қылығың адамшылыққа жата ма? Ағаштан көрген не жамандығың бар? Жайқалып өсiп тұрсақ, ауылдың көркi емеспiз бе? Жаздыгүнi ми қайнатқан ыстықта саямызға паналайсың. Қыстыгүнi азынаған бораннан қорғаймыз. Астыңдағы орындығың мен алдыңдағы үстелің, қалам-қағазыңа дейiн ағаштан iстеледi. Үйiңе қабырға болып та қаланамыз. Сен осыны неге түсiнбейсiң, неге бағаламайсың?– дедi қарт емен.Iстiң мән-жайы Алмабекке әбден түсiнiктi болды. – Кешiрiңiздер. Кешiре көрiңiздер!– дедi Алмабек. – Кешiруге болмайды,– деп солқылдақ көк шыбық тағы да төнiп қалып едi, қарт емен оны бұтағымен қағып тоқтатты. – Жә, шошаңдамай, тұра тұр. Бала сөзiн айтып болсын,– дедi. – Кешiрiңiздер. Мен отырғызған ағаштарымды бүгiннен бастап мәпелеп күтуге уәде беремiн,– дедi Алмабек. – Жарайды,– дедi қарт емен,– олай болса, бар үйiңе!..

5 слайд

#6 слайд
1-тапсырма 2. Берілген сурет мәтіндегі қандай оқиғаға сәйкес келеді? Әңгімеле.

6 слайд

#7 слайд
Қорытынды. 1. Қалай ойлайсың, Алмабек уәдесінде тұрды ма? Мәтіндегі оқиғаны аяқта. 2.Алмабектің қылығына өз көзқарасыңды білдір. Сен Алмабектің орнында болсаң не істер едің? 3. Ағаштар ашуланбағанда не болатын еді? Ой бөлісіңдер.

7 слайд

#8 слайд
Үйге тапсырма 1.Мәтінге сүйеніп ағаштың 5 пайдасын жаз. 2. Алмабекке ағаштарды қалай күту керектігі жайлы қандай кеңестер бересің? Ағаштарды күту ережесін жаз. Ағаштың суретін сал

8 слайд

#9 слайд
Кері байланыс: Ауызша Рефлексия Ашық микрафон. Ағаштар ашуланбағанда іс немен бітер еді?

9 слайд