Ата-аналарға алты кеңес

#1 слайд
Балалардың өзін-өзі тәрбиелеуіне ата- ананың көмегі. Ата-аналарға психологиялық кеңес.

1 слайд

#2 слайд
 Баланың әр күнді қарсы алуы, бастауы сәтті болу керек. Ол үшін балаға байыпты көзқарас танытқан жөн. “Сен жалқаусың, дөрекісің, ақымақсың” деген кері сөздерді мүмкіндігінше ешуақытта ауызға алмаңыз. Қайта: “Сенің кешке дейін түк бітірмей отырғаның жаныма батады. Ішің пысқан жоқ па? Бір кішкентай ғана іс істесең біз ссаған рахмет айтар едік” деген құлаққағыс айтып қойыңыз. Баланың тентектігін “тентек” сөзбне бетіне басуға болмайды. Даусыңызды жұмсартып, жүрегіне жетерлік сөз ғана айтыңыз. Бар нәрсені жасырып, ұл-қызыңызға жоқтан басқаны айтудан сақ болғаныңыз жөн. «Бәрбір менің айтқанымды істейсің» - деген қоқан-лаққы баланың одан әрі қырсықтана түсуіне әкеп соғады. Баланың өз жасынан кіші сезуіне жол бермеңіздер, одан бала жылауық, аяңкез болады.

2 слайд

#3 слайд
Мектепке жиі келіңіз. Атақты педагог В. Сухомлинскийдің “Отбасы мен мектеп тәрбиесі біріккенде ғана толық тәрбие болады” деген сөзін есте ұстау керек. Ер жеткен баланы тыңдамауға болмайды. Кейбір сауалдарға жауап бермеген жағдайда үндемеңіз. Егер абайсызда ұрыса қалсаңыз, артынан кешірім сұрау жөн болар. Одан кейін ол мүлде жақсы қырынан көрінуі мүмкін. Балаға дұрыс тәрбие беру – ата-ананың моральдық ғана емес, заң жүзіндегі міндеті. Бала тәрбиесі мәселесінде ата-ана арасында толық келісім болуға тиіс. Бөтен кісілер көзінше баланы тәрбиелеуге тырыспаңыздар. Одан бала өршелене түседі. Одан гөрі қалыпты жағдайда көзбе көз жасалған ескертудің әсері мол. Баланың өзінің шамасы келетін істі атқаруға мүмкіндік беріңіздер.

3 слайд

#4 слайд
Баланың бойындағы ізгілік, жақсылық атаулының бәрін, оның үлгілі болуға тырысқан талабын көтермелеп отыру керек. Баланың адал да ізгі адам болып өсуі үшін оған ата-анасы үлгі болуы тиіс. Баланы еңбекке құрметтеу мен сүю рухында жас кезінен тәрбиелеп, оның бойында адамгершілік және рухани мәдениеттің негізін, қоғамдағы мінез-құлық дағдыларын дамыту қажет. Ересектер балаларды күн сайын сипайылыққа, сергектікке, үлкендерді құрметтеуге, әділдікке өз үлгісімен тәрбиелеп отыруы тиіс. Баланың да қателесуіне құқығы бар.Солардан қортынды жасауға,тәжірибе жинауға мүмкіндік беріңіздер. Баланың адалдығына күмән келтіре бермеңіздер, онда бала өтірік айтуға үйренеді. Балаға досыңыздай қараңыз,сонда балаңыда шынайы дос болуға тырысады.

4 слайд

#5 слайд
Үйдегі жылылық пен салауаттылықтың алғы шарттары – тазалық пен тәртіп, сондай-ақ барлық отбасы мүшелерінің тату- тәтті тұруға ұмтылуы. Үй ішіндегі татулық ерлі-зайыптының екеуіне де байланысты. Оның бірінші шарты - өзара сенім, құрмет, өзара түсіністік және сыпайы, әдепті мінез-құлық. Сыпайлылықтың, әдептіліктің ережесін сақтау табиғи, емін- еркінболып, ешбір жағдайда екіжүзділікке, өтірік, ұялшақтыққа негізделмеу керек. Тату-тәтті тұру үшін ұстамды болып, өзін-өзі билей білу керек. Баладан талап етпесең бұрын өзіңізге көз жүгіртіңіз,бала ата- ананың айнасы екенін ұмытпаңыз. Бала эксперимет жасауға құмар,сол арқылы өмірді ұғынады, онымен әрдайым санасыңыздар .

5 слайд

#6 слайд
Балаңыздың үй тапсырмасын өзіңіз орындамаңыз, оған үйге берілген тапсырманың бәрін өзі орындауға міндетті екенін түсіндіріңіз. Балалар ақыл айтқанды ұната бермейді. Сондықтан мектепке бара-жатқан ұл-қыздарыңыздың маңдайынан иіскеп «5» алып келуіне тілектестік білдіріңіз. Баламен қарым-қатынаста қаталдау болуға қорықпаңыз,сонда ғана бала өз орнын анықтауға үйренеді. Баланы тәрбиелеуде күш көрсетуге жол берілсе, бала оған дағыдыланып кетеді, ал ұсыныстар мен бастамаларыңызды әңгімелесе отырып түсіндіргеніңіз дұрысрақ. Баланың ашық сұрақтарынан жалтармаңыздар,онда балада жауапты басқа жақтан, басқа жолмен алатын болады.

6 слайд