ХХІ- ғасыр көшбасшысы

#1 слайд
Тәрбие сағатының тақырыбы: «ХХІ – ғасыр көшбасшысы». Тәрбие сағатының мақсаты: Оқушылардың білімділігін арттыра отырып, сайысқа түсіру. Оқушыларды сұрақтарға жылдам, әрі нақты жауап беруге дағдыландыру. Бұл сайыстың олардың тәрбиесіне қаншалықты ықпал ететіндігін түсіндіру. Тәрбие сағатының түрі: Интелектуалды сайыс (танымдық сабақ). Тәрбие сағатының көрнекілігі: үлестірмелі карточкалар, қанатты сөздер, шарлар, мақал – мәтелдер. Тәрбие сағатының жоспары: Кіріспе. Хор. Әнұран. Сайыс сұрақтары (4 кезең). Қорытынды. Тәрбие сағаттың барысы: І. Кіріспе сөз. Саламатсыздарма қонақтар, балалар! Бүгінгі біздің «ХХІ – ғасыр көшбасшысы» атты интелектуалдық ойынымызды ашық деп жариялаймыз. Бүгінгі тәрбие сағаты қызықты өтетініне сенімдімін, өйткені бүгін 12 оқушы өз білімділігімен сайысқа түскелі тұр. Соның қайсысы бүгін ойында жеңіс байрағын ұстайтыны әзірге белгісіз. Сондықтан барлығымыз осы сайысқа белсене қатысайық. Қане, балалар барлығымыз орнымыздан тұрып Әнұранды айтайық! Хор. Әнұран Ал, енді рұқсат болса сайысымызға көшсек. Сайысқа түсетін оқушылармен таныс болайық! Абдалимова Дильназа Жұмабай Уалихан Аймахан Ерсұлтан Кенжебай Азамат Абубакиров Жантемір Каримжанов Абдулазиз Ажиханов Жасурбек Қалымбетова Айдана Әбілхайыр Бағжан Нұрметова Ақтолқын Жүніс Қалдыбай Исматуллаеа Роза Міне, осы оқушылар бүгін сайыспақ. Оқушылар, мен сендерге ойынның шартын түсіндіріп өтсем.

1 слайд

#2 слайд
І-бөлім: «Бәйге» - деп аталады. Мұнда столда тұрған үлестірмелі карточкаларды кезекепен алып, сұрақтарды білсеңіз дұрыс жауабын беріп, карточкалардың деңгейлік түсіне қарап жауап беріңіз. қызыл карточка – (5) күрделі деңгей; сары карточка – (4) орта деңгей; көк карточка – (3) төмен деңгей; Осы бөлімнен кейін ұпай төмен 3 оқушы ойынды тоқтатып, сайыстан шығады. ІІ-бөлім: «Тіл өнері» - деп аталады. Мұнда мен 9 оқушының ұпайы төменінен бастап, мен сол оқушыға бір мақалдың бірінші қатарын оқимын, ол сәл ойланып екінші қатарын айтып, не мағына беретінін айтады. Мақал-мәтелдердің түрлері: Еңбек етсең ерінбей, ... (Тояды қарның тіленбей). Ашу дұшпан, ... (Ақыл дос). Бейнетің қатты болса, ... (Татқаның тәтті болады). Әдепті бала арлы бала, ... (Әдепсіз бала сорлы бала). Өнер алды ... (қызыл тіл). Досы көпті жау алмайды, .... (Ақылы көпті дау алмайды). Отан үшін отқа түс күймейсің, ... (Отан үшін суға түс батпайсың). Туған жердей жер болмас, ... (Туған елдей ел болмас). Оқу білім бұлағы, ... (Білім өмір шырағы). Осы бөлім біткенде ұпайы төмен 3 оқушы сайысты тоқтатады. 6 оқушы сайыста қалады. ІІІ-бөлім: «Дода» - деп аталады. Мұнда 6 оқушыға тест таратылады. Тестің құрамы бірнеше сабақты қамтиды. Осы бөлімнен кейін тағы да ұпайы төмен 3 оқушы ойынды тоқтатып, сайыстан шығады.

2 слайд

#3 слайд
IV-бөлім: «Жорға». Ал, енді балалар үшеуің шешуші кезеңге аяқ бастыңдар. Сендерге сәттілік тілеймін. Сендер мені мұқият тыңдаңдар. Тақтада ілініп тұрған қалаған ұяшықтарыңды аштырып, сол сұраққа дұрыс жауап берсеңдер, сол ұпайды иемденесіңдер. Табиғат 10 20 30 Әлем әдебиеті 10 20 30 Жұмбақтар 10 20 30 Қорытынды: Міне, балалар ойын осымен тамамдалады. Ұтқан жеңімпаз оқушыны құттықтаймыз. Бүгін барлығы әділ жолмен болған сияқты, балалар! Бүгінгі сайыс туралы не айтасыңдар? Бүгінгі сайыс тізгіні менің қолымда болғандықтан ойын мен үшін өте қызықты болды. Сайыстан шығып қалған оқушылар ойыннан жеңілсеңдер де өмірде жеңілмеңіздер. Бүгінгі тәрбие сағаты сендерге жақсы әсер қалдырды деп үміттенемін. Бүгінгі тәрбие сағатын жабық деп жариялаймын.

3 слайд