#1 слайд

1 слайд

#2 слайд
Ең алғашқы кеңес – сенім. Сенімге ие болу арқылы  сатылым көлемін көбейтуге болады. Негізінен сайтқа кірушілердің бәрі тауар сатып алуға дайын емес болады екен. Осы сәтте сатушы ықпалды клиентпен қатынас орнату арқылы оны тауар алуға итермелейді. Ең жақсы әдістердің бірі – сайтқа кірушілерден электрондық поштасын сұрау. Сатып алушыға ең соңғы жаңалықтар мен жеңілдіктер туралы хабарлау үшін сізге пошта керек екенін түсіндіру қажет. Осы қарапайым қадамның арқасында сатылымдар бір жарым есеге артады.

2 слайд

#3 слайд
Екінші кеңес – қайталанбас ұсыныстар.  Көрсетілген ұсыныс тұтынушы үшін тиімді әрі ұтымды болуы тиіс. Осы тәсілдер клиент назарын аударады. Тұтынушылар әрдайым бағаны салыстырады және ең тиімді ұсынысты таңдайды. Алғашқы сатып алушыға жеңілдік ұсыну арқылы сәттілікке жетуге болады. Бұған жақсы мысал ретінде Kasta интернет-дүкенін айтуға болады. Бұл құралдың арқасында интернет- компаниялар ай сайын 700-ден астам электрондық пошта жинай алады. Электрондық поштасын қалдырғандардың 70-і тапсырыс береді екен (немесе 10,5 пайызы).

3 слайд

#4 слайд
Үшінші кеңес – сапалы контент. Сатып алушылар көбіне интернеттегі суреттерге мән береді. Соған қарай отырып, алатын тауары ақшасына сай келетінін анықтайды. Бұған мысал ретінде Сomfry компаниясын айтсақ болады. Бұл электронды тауар сататын интернет-дүкен тауар туралы мәліметтерді сайтқа жүктейді. Яғни, материалдың сипаттамасынан бастап, барлық қыры туралы ақпарат береді. Осы ретте, видеоконтентті қосуды ұмытпаған жөн. Өйткені, тұтынушылардың көбі тауар өзіне сай келетініне көз жеткізсе ғана сатып алады.Статистикалық мәліметтерге сүйенсек, видео-презентация ұсынған сайттардың онлайн-саудасы 44 пайызға артқан.

4 слайд

#5 слайд
Төртінші кеңес – келеңсіздіктерді болдырмау. Адамдардың сайтқа кірмей қалуына тағы себеп – тауар көңілінен шықпай қалу қаупі. Сондай-ақ, тауар сапасына сенбейді. Мұны болдырмау үшін тауардың көлемі мен моделін жазу керек. Бұған қоса, тауарды қайтарып алу процесін жеңілдеткен абзал. Жеткізу процесін де ақысыз етіп, тауарға кепілдік беру қажет. Мұның бәрі өз кезегінде тұтынушылар санын арттыруға әсер етеді.

5 слайд

#6 слайд
Бесінші кеңес – әлеуметтік дәлелдер. Кез келген сатып алушы алдымен бағасына емес, өзгелердің пікіріне құлақ асқанды жөн санайды. Осыған байланысты көптеген компаниялар блогерлердің қызметіне жүгінеді екен. Ең қызығы – тұтынушылардың 84 пайызы онлайн-кеңеске құлақ асатын көрінеді. Бұған қоса, клиент үшін сатып алушылардың пікірлері мен атақты адамдардың мақұлдағаны да маңызды.

6 слайд