Жобаны жоспарлау және құрастыру. 25- сабақ

1 слайд
Тақырыбы: Жобаны жоспарлау және құрастыру 25- сабақ 1. Жобаның тақырыбын анықтаймыз. 2. Жобаның жұмыс жоспарын құрамыз. 3. Ақпаратты іздейміз.

2 слайд
Тақырыпты таңда. 1. Музыка және поэзия 2. Музыка және театр. 3. Музыка және кино.

3 слайд
Поэзия деген сөз гректің «роео» -шығару, жасау деген сөзінен шыққан. Сондықтан адамның ой-қиялынан шыққан, творчестволық кезеңді көрсететін көркем сөздердің барлығы да поэзияға жатады. Поэзияға өлеңмен жазылмаған сөздер де кіреді. Себебі, өлеңмен жазылмаған шығармаларда да адамның творчестволық ой-қиялының жемісі. Оған да ой, ақыл, ұғым керек, онда да көркемдік сұлулық бар. Поэзия жайында сөз қозғай бастауымыз сол еді, ежелгі гректің тілі алдымыздан шықты. Музыка және поэзия.

4 слайд
Музыка және поэзия. Қазақ өнерінде музыка мен поэзия әрдайым егіз, біртұтас болып келеді. Сал. Серілер әрі композитор, әрі ақын еді. Сондықтан қазақта «өлең» сөзі ән мағынасында қолданылып келді. Қазақ әнінің әр тармағында буын санының өзгермеу зағдылығы бар.Оны силлабика дейміз.Сондықтан дәстүрлі әндерде кездесетін өлең түрлері 11 буыннан тұратын «қара өлең» және «жыр» деп аталатын 7-8 буынды өлеңдер. 7-8 буынды өлеңдер ертеректегі әдет-ғұрып сарындары, жыр және тұрмыс салт әндерінде қолданылса, кейінірек 11 буынды , «қара өлең» үлгісі пайда болды. Абай мен Шәкәрім әндерінде тұңғыш рет жаңа өлең өлшемдері қолданылды. Абайдың «Көзімнің қарасы» әні симметриялы алты буын (3+3), ал «Бойы бұлғаң» (4-4-7-4-4-7) және «Сегіз аяқ» ( ән атауы сегіз жолды шумақты білдіреді.) (5-5-8-5-5-8-8-8), буын саны әркелкі ауыспалы өлгемді әндер қатарында .

5 слайд
Музыка және театр. Қазақ театрының қайнар көзі қазақ халқының ежелгі фольклорлық салт дәстүрінде жатыр. Қазақтың тұрмыс салт әндері мен дәстүрінде театр элементтері бар. Қазақ халқының барлық өнер түрлері музыкамен байланысты. Дәстүрлі эпос, әндер мен күйлер орындау қазақ театрының пайда болуына негіз болды. Күйшілер орындайтын күйлерінің аңыз –әңгімесін баяндау арқылы тыңдаушыны дайындап алатын болған. Кұйлердің аңыз әңгімесінде әртүрлі бейнедегі кейіпкерлер туралы баяндалатын және осы кейіпкерлердің барлығын күйші орындаушы бір өзі бейнелеген .Бұл бір актер театрының өзіндік тәжірибесі болды.

6 слайд
Музыка және театр. Сонымен қатар қазақ театр өнерінің түп негізіне айтыс өнерін де жатқызуға болады. Айтыс кезінде ақындардың әуендері арнайы ырғақпен, айырықша орындаушылық мәнермен ерекшеленді. Мереке мен тойларда әзілкештер өздерінің шеберлігін көрсететін болған, олар халық арасында «қу» деп аталды. Олар кейіпкердің мінез-құлқын дәл сипаттай білді. Халқымызда ең жарқын және театрландырылған дәстүрлердің бірі – үйлену тойы.

7 слайд
Музыка және кино. Алғашқы кезде, музыка киномотографияда жалаң, қосалқы міндет атқарды. Пианист (тапер) жүріп жатқан фильмді сүйемелдеумен ғана шектелді.Дегенмен сол кездің өзінде әр фильм үшін жеке музыка жазуға әрекет жасалды. Дыбыс жазушы аппараттың шығуына байланысты (1920-жылдың соңы мен 1930-жылдың басы) әр фильм жеке фонограммаға ие болды. Осы кезеңдегі киномузыканың таңдаулы үлгілері Ч.Чаплин фильмдерінен көрініс тапты. Фильм музыкасы дыбысты киноның тууынан бастап, кадр ішіндегі киномузыка және кадрсыртындағы музыка деп бөлінді.

8 слайд
Музыка және кино. ХХ ғасырдың 30-жылдарынан бастап фильмдегі кейіпкерлерге , музыкалық сипаттама беру, көбінесе қарапайым да тұжырымды , көкейге қонымды әндер арқылы жүзеге асты. Киномузыканың бұл саладағы классик үлгілерін композиторлар Дж. Нершвин. И.О. Дунаевский («Көңілді жастар» (1934); «Цирк» (1936) т.б жасады. Ал, еліміздегі композиторлардан Қуат Шілдебаев көбіне тарихи тақырыптағы фильмдерге қалам тартады. Олардың арасында «Отырардың күйреуі», «Әбілқайыр хан», «Мұстафа Шоқай», «Шал» , «Жат» және басқалары бар.Төлеген Мұхамеджанов 9 ға жуық киносаз туындыларын жазды. Алғашқы туындысы «Шөп ішіндегі тәтті нәр» фильмінен бастап, соңғы жұмыстарының бірі «Құнанбай» фильмінде Отанына деген сүйіспеншілік пен нәзік лирикалық сезім айқын сезіледі. Ал, Ренат Гайсиннің киномузыкалық туындыларынан ерекше атауға тұрарлық туынды «Жаужүрек мың бала» фильмін атауға болады.

9 слайд
Бағдаршам. Сабақта көп нәрсені түсінбедім, сабақтағы мәліметтер маған керек емес, сабақта белсенді бола алмадым, жауап берген жоұпын. Сабақ қызықты болды, белсенді болдым, сабақта пайдалы мәліметтер алдым, орнымнан жауап бердім, бірнеше тапсырма өзім орындадым, сабақта мен өзімді жақсы сезіндім . Сабақта белсенді болдым, сабақтан көп пайдалы мәліметтер алдым, көп жұмыс жасадым.өзіме тиісті баға алдым. Маған бәрі түсінікті болды.