ОҚО Боралдай өзенінің географиялық жағдайы.

Боралдай — Арыс өзенінің оң саласы. Түркістан облысының Бәйдібек, Ордабасы аудандарымен ағып өтеді. Ұзындығы — 130 км, су жинайтын алабының аумағы — 1760 км2. Қаратаудағы Ақшоқы, Арқарлы, Боралдай тауларынан басталып Ордабасы ауданындағы Шұбар ауылының маңында Арыс өзеніне құяды. Жоғары ағысы тау шатқалымен өтеді, аңғарында жабайы жеміс ағаштары (алма, долана, жабайы жүзім, т.б.) басым. Қар, жаңбыр және жер асты суларымен толығады.