Оралхан Бөкей «Апамның астауы» (үзінді), 6 сынып, Т2

1 слайд
Қазақ тілі мен әдебиеті (Т2) 6-сыныпБөлім атауы: 15-бөлім. Қазақтың ұлттық қолөнері Сабақтың тақырыбы: Оралхан Бөкей «Апамның астауы» (үзінді)

2 слайд
6.1.3.1 тұрмыстық-әлеуметтік тақырыптарға байланысты жаңа сөздер мен тірек сөздердің мағынасын түсіну: 6.2.2.1 тақырып бойынша диалогті бастау, жалғастыру, аяқтаудың ұлттық сөз әдебі мен сөйлеу этикеті формаларын білу.Оқу мақсаты Сабақтың мақсаты тұрмыстық-әлеуметтік тақырыптарға байланысты жаңа сөздер мен тірек сөздердің мағынасын түсіну; жаңа сөздерді сөйлем ішінде дұрыс қолдана алу ; тақырып бойынша диалогті бастау, жалғастыру, аяқтаудың ұлттық сөз әдебі мен сөйлеу этикеті формаларын қолдана алу

3 слайд
Бағалау критерийлері: тұрмыстық-әлеуметтік тақырыптарға байланысты жаңа сөздер мен тірек сөздердің мағынасын түсінеді; жаңа сөздерді сөйлем ішінде дұрыс қолдана алады; тақырып бойынша диалогті бастау, жалғастыру, аяқтаудың ұлттық сөз әдебі мен сөйлеу этикеті формаларын қолдана алады.

4 слайд
Еске түсіріңіз! Суреттердегі заттардың атауларын жазыңыз

5 слайд
Өзіңді тексер! Құрақкөрпе Шана Киіз басу Құрақкөрпе тігу

6 слайд
1-тапсырма. Оралхан Бөкейдің «Апамның астауы» әңгімесі жайлы бейнежазбаға назар аударыңыз https://www.youtube.com/watch?v=zePYUPAGZZI Сұрақтарға жауап беріңіз 1.Алаң қандай кітап оқып отыр? 2. Авторды кім тәрбиелеген? 3. Автордың апасы не істеп отыр?

7 слайд
Өзіңді тексер! 1. Алаң О.Бөкейдің «Апамның астауы» әңгімесін оқып отыр 2. Авторды апасы тәрбиелеген 3. Апасы тері илеп, жіп иіріп, алаша тоқып, оюлап сырмақ тігіп отыр екен.

8 слайд
Есіңізде сақтаңыз Тері илеу Алаша тоқу Жіп иіру

9 слайд
Жүн түту Арқан есу

10 слайд
Мәтінді түсініп оқыңыз Он бес жасыма дейін Апамның қойнына жаттым; он бес жасыма дейін әкенің, шешенің кім екенін білмей, сол айналайын Апамның тәрбиесінде өстім; он бес жасыма дейін Апамның етегіне жабысып, соңынан қалмай бүлкектеп құлындай еріп ер жеттім. Сол кісімен жүрсем, мал сойған үйдің құлағы, тәттісі мен дәмдісі менің аузыма тиетін. Мен ол кезде Апамның өмір тарихын, тіпті кім екенін білмей, алаңсыз шуақты күндерге марқайып маңар едім. Бүгінде көз алдымда: арық ашаң кемпір, тарамысты мықты саусақтар, ерні мен иегін күйік шалып тыртықтанған әдемі ажар, кимешегінен дудырап шығыңқырап жүретін ақ шалмаған қара бұйра шаш қана... менің көз алдымда: тері илеп, көн тігіп отырған; жүн түтіп, арқан ескен, жіп иіріп, алаша тоқып, оюлап сырмақ тігіп отырған Апам; ... ертеректе қазақ әйелі не істеу керек болса, түгел қолынан келетін Апам; қазақ әйелінің ғана емес, ер-азамат атқарар істі қара нардай қасқая көтерер Апам.

11 слайд
2-тапсырма. Автор апасын қалай суреттейді? Апасы қандай адам болған? Тауып оқыңыз.Суреттеме мәтін құрап жазыңыз Арық ашаң кемпір, тарамысты мықты саусақтар, ерні мен иегін күйік шалып тыртықтанған әдемі ажар, кимешегінен дудырап шығыңқырап жүретін ақ шалмаған қара бұйра шаш қана...... ертеректе қазақ әйелі не істеу керек болса, түгел қолынан келетін Апам; қазақ әйелінің ғана емес, ер-азамат атқарар істі қара нардай қасқая көтерер Апам.

12 слайд
Өзіңді тексер! Апасы өте мықты, қайратты, қайсар, өнерлі адам болған. Шашы бұйра, қара. Үй-ішіне қажетті тұрмыстық заттарды өз қолымен жасаған. Алаша тоқу, жүн түту, жіп иіру, оюлап сырмақ жасау, арқан есу сияқты жұмыстармен айналысқан. Менің ойымша, автордың әжесін он саусағынан бал тамған нағыз «өнерлі», «қолөнерші» деп атауға болады.

13 слайд
3-тапсырма. Диалог құраңыз. Шолпанның жасауында не бар екен?

14 слайд
Өзіңді тексер! -Дана, О.Бөкейдің «Апамның астауы» әңгімесіндегі әжей немересі Шолпанға қандай жасау жасап берді? - Әже оюлап сырмақ жасап, тұскиіз бен құрақкөрпе тігіп берді. -Ал сен сырмақтың қалай жасалатынын білесің бе? - Әрине, қазақ тілі мен әдебиеті сабағында бейнежазбалардан көргенмін. Сырмақ — киізден жасалып, өрнектелген қазақ төсеніштері. Көбіне үйдің қабырғалары мен еденін сәндеу үшін де қолданылады. Сырмақ жасауда қойдың жүні қолданылады. -Құрақкөрпе неліктен сырмақ немесе текеметтің үстіне төселетінін білесің бе? - Құрақкөрпе дөңгелек үстел маңына, төрге төселеді. Қонақтар сол құрақкөрпенің үстіне отырады. Кейде құрақкөрпе үстіне жержастықтар тасталады. Келген қонақ шынтақ астына қойып, еркін отырып, дем алады. -Дана, сен төсеніштер жайлы көп мәлімет біледі екенсің. Саған үлкен рақмет.

15 слайд
Сабақты қорыту: тұрмыстық-әлеуметтік тақырыптарға байланысты жаңа сөздер мен тірек сөздердің мағынасын түсіндім; жаңа сөздерді сөйлем ішінде дұрыс қолдана алдым; тақырып бойынша диалогті бастау, жалғастыру, аяқтаудың ұлттық сөз әдебі мен сөйлеу этикеті формаларын қолдана алдым.

16 слайд
Қосымша тапсырма: Сілтеме бойынша өтіп, 114-беттегі 8-тапсырманы орындаңыз. Шатасқан сөздерді орын тәртібіне сай жазыңыз https://expert.study-inn.kz/uchebniki-kaz/baysheshek62