#1 слайд
4 сынып № 27 сабақ Сабақтың тақырыбы: Жанды су

1 слайд

#2 слайд
Құндылығы: Қиянат жасамау Қасиеттері: Тазалық, қамқорлық, үнемшілдік. Мақсаты: Оқушыларға судың табиғатта, адам өмірінде алатын мәнін аша отырып, қиянат жасамау құндылығын қалыптастыру

2 слайд

#3 слайд
«Көңіл күй неге ұқсас?» сурет салу. Енді барлығымыз алдымыздағы ақ қағазға көңіл күйімізді түсіріп көрейік. Әрқайсымыздың көңіл- күйіміз табиғат тәрізді бірде бұлттанады, бірде шайдай ашылады, бірде жауындатады т.б. Табиғат құбылыстарымен байланыстырып көңіл-күйді қағаз бетіне түсірейік. «Менің қазіргі көңіл-күйім көгілдір аспандағы жылы, жұмсақ күннің көзіне ұқсайды, ал сенің ше?».

3 слайд

#4 слайд
Үй тапсырмасы. 1. №26 – сабақ. 5 – тапсырманы орындау. 2. Келесі сабақ. №27 – сабақ, «Көзата бұлағы» аңызын оқып келу Сұрақтар: • Қазығұрт тауының етегінде қандай адам өмір сүрген? • Оған неліктен адамдар ағылып келетін болған? • Әулие мазарының жанында қандай ғажап оқиға болды? • Бастауды неліктен шипалы дейді? • Өзің «Бұлақтай таза болу» дегенді қалай түсінесің? Айтып бер.

4 слайд

#5 слайд
Сабақтың дәйексөзі. Су жоқ жерде өмір жоқ, ол - ақиқат.  М.Хакімжанова  Сұрақтар: 1. Адамдар судан қандай жақсы қасиеттерді, әрекеттерді үйрене алады деп ойлайсыңдар? 2. Дәйексөзден қандай ой түйдіңіз? Дәйексөзді оқып, мағынасын түсініп алыңыздар.   Адамдар судан тынбай еңбек етуді, еліне қызмет жасауды, мақсатына жетуді, ешкімнен ақы сұрамауды, риясыз жақсылық жасауды, өзін таза ұстауды, ақжарқын, көңілді жүруді үйрене аламыз.  

5 слайд

#6 слайд
( Мұғалім сыйы) « От пен су » ертегісі Бір күні от пен су кездесіп қалады.От судан:  - Қайдан келе жатырсың? – деп сұрады.Су оттың сөзіне ашуланып:  - Сенің ағайындарың жеті жұртты құртқан жұт әкелетін жалмауыздар, бір үйді ыстық алауына орап, күл – талқан етті! – деді. От:  - Суеке, оған менің қатысым қанша? – деп еді, су одан бетер айқайлап,  - Бір күшейіп алсаң, айналаңа дес бермей, көзің тоймай бәрін бірақ жалмағың кеп араның ашылады да тұрады!-деді. Сонда от:  - Ай Суеке, талай жерді, талай елді, тіпті Адамзатты төсіңнің астына сап, басып қалғаныңды ұмытасың ау. Көктем болса болды арнаңнан құтырына асып, өткел бермей талай елді қан қақсатқан сен емей мен бе?-деді қалыспай. Әбден ашуға булыққан су:  - Енді сенің үніңді біржолата өшірмесем бе, Су атым құрысын, - деп бар пәрменімен Оттың үстіне шапшыды. «Су бір айла жасар - ау» деп дайын тұрған От сытылып қаша жөнелді. Су өкшелеп қуа берді. Жан екпінмен қашқан От алып Орманға тығылды. Сол сәт Орман ағаштары қызыл алауға оранды. Енді судың жұмысы одан әрі көбейді. Ол орман ағаштарын өшіріп болам дегенше бойынан қауқар кетіп, әбден әлсіреді. Ең соңғы демін салып Отты шала – пұла сөндірді де есінен тана жығылды. От шала бықсып, жатты да бірте – бірте күш ала бастады. Су қатты шошынайын деді. Ол Оттан:  - Отеке, бір ашуыңды маған бер , мен әбден таусылып, әлсіреп жатырмын. Орманды өртей көрме, - деп жалынды. Сонда От:  - Жақсылықты жалғыз өзің жасап жүргендей кеп маған кеудеңді көтересің. Бұл дүниеде екеуміздің де өз орнымыздың барын мойындағың келмейді. Орманды алауыма орайым деген ниетім болған жоқ. Сен ашуға алдырған соң өлмеудің амалын жасадым, өмірімді қорғадым. Егер сен килікпегенде бұл орман жайқалып тұрар еді. Одан да сен еңсеңді көтер, орманды суар, күш алсын, - деді.  Дұрыс айтасың, - деген Су Оттың бетіне қарауға шыдай алмай Орманды жағалап ағып бара жатты. Суға қарап тұрған Оттың құлағы Су айтқан мына сөзді естіген еді.  «От досым, мен ағаттық жасадым. Егер сен болмасаң Адамзат қалай жылынар еді. Әрбір үйге нұр шашып, жылу ұялатасың.Мен пақыр күнәмді өтеп, мына жайқалған орманды қайта қалпына келтіремін. Мені кешіріңдер» Су сөзі бара – бара көмескеленіп, мүлдем естілмей кетті.  - Су бар жерде ну бар. Әлі – ақ бәрі қалпына келеді. Екеуміз де Адамзатқа керекпіз. Ауызбірлікте болайық.Енді қателік жасап алудан сақтанайық. Сен сол арнаңды асырмай, болмаса кемімей тыныш аққан күйіңде қал. Ал, мен дүрілдеп – дүркіремей күшімді шақтап жұмсауға уәде беремін, - деп сыбырлады. От сөзін жел қағып алып Суға жеткізді.  Содан бері Су күш – қуаты бойына сыймаған күні әлемді кеудесіне баспай тарам – тарамдарға бөлініп, кетуге тырысып келеді. Ал От күшін Орман ағаштарының өзі алауына ораған, жас өмірін қиып түскен қиындыларына бөліп берді. 

6 слайд

#7 слайд
С ұрақтар :   1. От пен Су не себепті бір- бірімен келіспей қалды?   2. Ол екеуінің бір шешімге келуіне не әсер етті?   3. Ертегіден қандай ой түйдіңдер?

7 слайд

#8 слайд
Шығармашылық жұмыс. Тапсырма: Оқушыларсабақта алған білімдеріңізді бекіту мақсатында мынадай тапсырмалар ұсынамын. 1. Суды қорғау жөнінде айтылған мақалдың мағынасын ашу «Таулы жер бұлақсыз болмас, сулы жер құрақсыз болмас»  2. Өзіміз тұрған мекенде қандай су көздері бар? Олардың суын қандай мақсатқа пайдаланады?  3. Ластанған су деп қандай суды айтады? Суды қорғауға сендер қандай үлес қоса аласыңдар? 

8 слайд

#9 слайд
Үй тапсырмасы. 1. № 27 – сабақ. 3 – тапсырманы орындау. 2. Келесі сабақ. №28 – сабақ, «Тұзкөл» аңызын оқып, соңында берілген сұрақтарға келесі сабақта жауап беруге дайындалыңыздар.

9 слайд

#10 слайд
Қорытынды. Cу тіршілік нәрі. Тіршілікке қажетті бес жағдайдың бірі су екенін білесіңдер. Су бар жерде тіршілік бар. Адам тәулігіне 4-5 литр су ішеді. Адам баласы тамақ ішпей бір айдан астам өмір сүре алады. Ал сусыз үш күнде өмір сүре алмайды. Су күнделікті тұрмыста, егістікте, өндірісте пайдалануға қажет. Жер бетінің 23-нен астамын су алып жатыр. Бірақ оның 98%- ы пайдалануға жарамсыз. Теңіз, мұхит сулары ащы. Жер бетіндегі судың 2%- ы ғана тұщы су. Жер шарының 60%-нда тұратын адамдар тұщы су аз болуынан зардап шегуде. Мысалы, Грецияның Афины және Персияға жақын аудандарда ауыз су жеткіліксіз. Югославияға су кемемен жеткізіледі. Біздің елімізде су жеткілікті. Бірақ сол суды біз ластанудан қорғауымыз керек. Судың ластануы денсаулыққа зиян.Су бүкіл жер бетінде, табиғат аясында кездесетін барлық процестерде және адамзаттық тұрмыс- тіршілігінде үлкен рөл атқарады. Иә, үлкеніміз бар, кішіміз бар тіршілігімізде тірек, өмірдің өзегі мен нәрі болған суды қадірлеуіміз керек. Хлқымызда ежелден ел ауызында айтылып келе жатқан "Судың да сұрауы бар”, "Бұлақ көрсең – көзін аш”, "Сулы жер – нулы жер” деген нақылдар тегін айтылмаған. Оқушылар бүгінгі сабағымыз аяқталды, сабақтан игерген жақсы қасиеттерді есімізге түсіріп, жүрегімізге сақтайық.

10 слайд