Қашықтықтан өткізілген тәрбие сағаты

#1 слайд
Алматы облысы Талғар қаласындағы облыстық санаториялық үлгідегі мектеп-интернатының 8-сынып оқушыларымен 1 мамыр бірлік мерекесі күніне орай қашықтықтан жүргізілген тәрбие сағаты. Сынып жетекшісі: Шілдебаева Нұрдана Әбілжанқызы

1 слайд

#2 слайд
Тәрбие сағатының тақырыбы: Қазақстан – біздің ортақ үйіміз. Мақсаты: қазақстандық патриотизм идеясын дамыта отырып, ұлтаралық достықты, бірлікті дәріптеу. Міндеті: бірлік мерекесінің маңыздылығын ұғындыру арқылы басты құндылықтарды бағалай білуге шақыру.

2 слайд

#3 слайд
1 мамыр – Қазақстан халқының бірлігі күні. Ел бірлігінің тұтқасы – Қазақстан халқы Ассамблеясы . Халқымыздың, кең пейілі, қонақжай, бауырмал, дархан мінезі кең байтақ даламызда бейбітшіліктің салтанат құруына негіз болды. Достық пен ынтымақтың орталығы саналған Қазақстан ұлттық қарым – қатынас бағытында көш бастап келеді. Біздің ұлы мақсатты еліміз бар, ұлан – ғайыр жеріміз бар. Бабалардан мирас болған қарыс қадам жердің өзін қадірлеп, гүлдендіру – әрбір қазақстандықтың перзенттік парызы. Оны әркім терең түсінеді.

3 слайд

#4 слайд
Халқымызда: “Байлық байлық емес, бірлік байлық” – деген нақыл сөз бар. Біздің қоғамымыз – тұтас организм. Ал, ел бірлігі - осы организмнің жүрегі. Егер жүрекке ақау түссе, басқа дене қауқарсыз. Саясатта жетістікке қол жеткізіп, экономикада қарыштап дамысақ та, бірлікті сақтай алмасақ, бәрі бекер. Сондықтан,жүрегімізді -бірлігімізді сақтау өзіміз үшін қажет. Тірлігіміздің тірегі – татулық. Татулықты тіршілігіміздің тірегіне айналдыра білдіргендіктен болар, көпұлтты мемлекетімізде достық пен бірлік жылжыған жылдармен бірге нығая түсуде.

4 слайд

#5 слайд
Қазақстан халқының күші – бірлікте! Ұйымшылдыққа ұмтылған ұлтымыз бақыттың бастауы – бірлік деп білген. Осы орайда Қаблиса жыраудың: -Бақыт, қайда барасың? -Көршімен болған бірлігі, Тағат, ғибадат тірлігі, Ұйымшыл елге барамын -деген жыр жолдары еске түседі. Ахмет Байтұрсынұлы бабамыз: “Қазіргі заман – өткен заманның баласы, болашақ заманның атасы,” деген. Ортақ Отанымыз – Қазақстан халқының бүгінгі бірлігі мен татулығы – болашақ заман үшін үлгі – өнеге, өсиет болып қала бермек.

5 слайд

#6 слайд
Көп ұлтты ел болуымыз - біздің байлығымыз, мақтанышымыз. Дүниеде тәуелсіз қазақ елі бар. Әлемде егемен Қазақстан бар. Оның көп ұлтты, тату, ынтымақшыл халқы бар. Ең бастысы – бүгіннен нұрлы, бүгіннен кемел болашағы бар. Сол күнге берік сенім бар. Отанымыз - ортақ үйіміз. Кең – байтақ қазақ жерін, қазақ елін бірен - саран емес, жүзден астам ұлттың өкілдері мекендеп, тату - тәтті өмір сүруде. Жалпы адамзат тарихында ұлттар арасындағы ынтымақтастықтан, бірлік пен тұрақтылықтан артық құндылық жоқ.

6 слайд