#1 слайд
Қоғамдық қауіпсіздік пен қоғамдық тәртіпке қарсы қылмыстық құқықбұзушылықтар Оқу мақсаты: 11.2.4.1 - Қазақстан Республикасының қылмыстық құқық нормаларына сәйкес адамдардың әрекетін саралау

1 слайд

#2 слайд
Глоссарий Қоғамдық қауіпсіздік – жеке адамның, қоғам мен мемлекеттің жалпы қауіпті сипаттағы ішкі қатерлерден қорғану деңгейі. Қоғамдық тәртіп – белгіленген ережелер мен нормаларды сақтау нәтижесінде қалыптасатын қоғамдық қатынастар жүйесі.

2 слайд

#3 слайд
Қоғамдық тәртіп деген не? Қоғамдық тәртіп – азаматтардың қоғамдық орындарда өзін дұрыс ұстауын, тыныштықты қамтамасыз ететін қоғамдық қатынастар жиынтығы.

3 слайд

#4 слайд
Қоғамдық қауіпсіздікке және қоғамдық тәртіпке қарсы кейбір қылмыстар: 255-бап. Терроризм актісі. 261-бап. Адамды кепілге алу. 268-бап. Бандитизм. 273-бап. Терроризм актісі туралы жалған хабарлау. 293-бап. Бұзақылық. 294-бап. Тағылық /вандализм/.

4 слайд

#5 слайд
255-бап. Терроризм актісі. Терроризм актісі, яғни жарылыс жасау, өрт қою немесе адамдардың қаза табуы, елеулi мүлiктiк залал келтiру не қоғамға қауiптi өзге де зардаптардың туындау қаупiн төндiретiн өзге де әрекеттер жасау Мүлкі тәркіленіп, алты жылдан он жылға дейiнгi мерзiмге бас бостандығынан айыруға жазаланады. 

5 слайд

#6 слайд
261-бап. Адамды кепілге алу. Кепiлге алынған адамды босату шарты ретiнде мемлекеттi, ұйымды немесе басқа да адамды қандай да бiр әрекет жасауға немесе қандай да бiр әрекет жасаудан тартынуға мәжбүрлеу мақсатында жасалған, адамды кепiлге алу немесе кепiл ретiнде ұстау. Мүлкі тәркіленіп немесе онсыз, үш жылдан сегiз жылға дейiнгi мерзiмге бас бостандығынан айыруға жазаланады. 

6 слайд

#7 слайд
268-бап. Бандитизм.  1. Тұрақты қарулы топты (банданы) құру, сол сияқты осындай топқа (бандаға) басшылық ету. /Мүлкi тәркiленiп, он екi жылдан жиырма жылға дейiнгi мерзiмге бас бостандығынан айыруға жазаланады/.  2. Тұрақты қарулы топқа (бандаға) немесе ол жасап жүрген шабуылдарға қатысу. /Мүлкi тәркiленiп, он жылдан он бес жылға дейiнгi мерзiмге бас бостандығынан айыруға жазаланады/.  3. Осы баптың бiрiншi немесе екiншi бөлiктерiнде көзделген, адам өзінің қызмет бабын пайдалана отырып жасаған іс- әрекеттер.   /Мүлкi тәркiленiп, он бес жылдан жиырма жылға дейiнгi мерзiмге бас бостандығынан айыруға жазаланады/.

7 слайд

#8 слайд
273-бап. Терроризм актісі туралы жалған хабарлау. Терроризм актiсi туралы көрiнеу жалған хабарлау бес мың айлық есептік көрсеткіш мөлшерінде айыппұл салуға не сол мөлшерде түзеу жұмыстарына не бес жылға дейінгі мерзімде бас бостандығын шектеуге не сол мерзімге бас бостандығынан айыруға жазаланады.

8 слайд

#9 слайд
293-бап. Бұзақылық. 1. Бұзақылық, яғни қоғамдық тәртіпті қоғамды құрметтемеу анық көрінетін, азаматтарға күш қолданумен не оны қолдану қатерін төндірумен, сол сияқты бөтеннiң мүлкiн жоюмен немесе бүлдiрумен не барынша арсыздықпен ерекшеленетiн әдепсiз әрекеттер жасаумен ұштасқан аса қатыгездікпен бұзу. Бес жүзден екі мың айлық есептiк көрсеткiшке дейiнгi мөлшерде айыппұл салуға не сол мөлшерде түзеу жүмыстарына не үш жүзден алты жүз сағатқа дейінгі мерзімге қоғамдық жұмыстарға тартуға не екі жылға дейінгі мерзімге бас бостандығын шектеуге не сол мерзімге бас бостандығынан айыруға жазаланады. 

9 слайд

#10 слайд
294-бап. Тағылық /вандализм/. Вандализм, яғни мемлекет қорғайтын тарихи- мәдени мұра объектілерін, тарих және мәдениет ескерткiштерiн, табиғи объектiлерді жазулармен немесе суреттермен немесе қоғамдық имандылыққа қиянат жасайтын өзге де әрекеттермен қорлау. Вандализм бір жүзден екі жүз айлық есептiк көрсеткiшке дейiнгi мөлшерде айыппұл салуға не сол мөлшерде түзеу жұмыстарына, не бір жүз алпыс сағатқа дейiнгi мерзiмге қоғамдық жұмыстарға тартуға, не елу тәулікке дейінгі мерзімге қамаққа алуға жазаланады.

10 слайд

#11 слайд
1-тапсырма. Қоғамдық қауіпсіздік пен қоғамдық тәртіпті қамтамасыз ету үшін мемлекеттік деңгейде қандай іс-әрекеттер жасалынуы қажет деп ойлайсыз? 2-тапсырма. Қоғамдық қауіпсіздікке және қоғамдық тәртіпке қарсы кейбір қылмыстарды атап, әрқайсысына талдау жасаңыз!

11 слайд