#1 слайд
“Шерхан Мұртаза мұрасы”

1 слайд

#2 слайд
Мақсаты: Шерхан Мұртазаның шығармашылық мақсаты — қазақ халқының шынайы тарихын, рухын және тағдырын көркем де нақты түрде көрсету. Ол өзінің туындылары арқылы қоғамдағы әділетсіздікке қарсы үн қатып, халықтың намысын оятуды көздеді. Жазушының басты мақсаты — ұлттық сананы көтеру, тіл мен мәдениетті құрметтеу, жас ұрпаққа адалдық, еңбекқорлық, адамгершілік сияқты құндылықтарды ұсыну.Ол шығармалары арқылы қиындық көрген халықтың тағдырын ашып, өткеннен сабақ алуға, болашаққа дұрыс бағытпен қадам басуға шақырды. Шерхан Мұртаза үшін әдебиет — елдің рухын көтеретін күш, ал шындық — ең басты құндылық еді.

2 слайд

#3 слайд
Өмір баяны: Шерхан Мұртаза (28.9.1932 жылы туған,Жамбыл ауданы Талапты ауылы)- жазушы, қоғам қайраткері, ҚР-ның еңбек сіңірген мәдениет қызметкері, Қазақстанның халық жазушысы.

3 слайд

#4 слайд
Қызыл жебе романы : «Қызыл жебе» – қазақ әдебиетінің ең мықты тарихи- биографиялық романдарының бірі. Бұл шығарма Тұрар Рысқұловтың өмір жолына негізделген. Роман – бір адамның тағдыры арқылы тұтас халықтың қасіреті мен күресін көрсететін үлкен эпопея.Тұрардың бала күнінен бастап ер жету жолы түрмедегі өмір, әділетсіздікпен алғашқы танысу оқуға деген құштарлығы халыққа қызмет етуді мақсат етуі қазақ елінің ХХ ғасыр басындағы ауыр тағдыры . Романның идеясы : Жазушы қазақтың бір перзенті арқылы:«Адам қайда жүрсе де, қандай қиындық көрсе де, еліне, халқына адал болса – ол шынайы азамат» деген ойды жеткізеді. Шерхан Мұртаза тілі – өткір, таза, нақты. Әр сөзінде салмақ бар. Оқырманды ойландырмай қоймайды.

4 слайд

#5 слайд
 Шерхан Мұртаза – қазақ әдебиетінің ең ірі тұлғаларының бірі, халқының қайғысы мен қуанышын жүрегінен өткізіп жазған шынайы суреткер. Оның өмір жолы – елге адал қызмет етудің, әділдікті ту еткен азамат болудың жарқын үлгісі. Ал «Қызыл жебе» романы – жазушының ең биік шығармашылық шыңы. Бұл шығармада ол Тұрар Рысқұловтың тағдырын ғана емес, тұтас бір дәуірдің қасіреті мен күресін көрсетті.  Романдағы әділет үшін арпалыс, халыққа деген шексіз жанашырлық, күрескерлік рух – Мұртза шығармашылығының өзегі. «Қызыл жебе» тек тарихи роман емес, ол – әр қазақтың жүрегіне жол табатын, еркіндік пен адамдықтың қадірін ұқтыратын үлкен рухани туынды.Шерхан Мұртаза өз еңбегі арқылы өткеннің ауыр сабақтарын бүгінгі ұрпаққа аманат етіп қалдырды. Оның шығармалары бізге шындықты айтудан қорықпау, елді сүю, адал болу деген құндылықтарды үйретеді. Сондықтан да жазушының өмірі мен мұрасы – қазақ әдебиетінде мәңгілік орын алатын қазына.

5 слайд

#6 слайд
Ай мен Айша: Ай мен Айша – Шерхан Мұртазаның ең жүрекке жақын, ең шынайы романдарының бірі. Бұл шығарма — жазушының өз анасы Айшаға деген терең құрметі мен сағынышынан туған.Романда соғыс жылдарындағы ауыл өмірі, жоқшылық, қасірет, ер-азаматтардың майданға кетуі және сол қиындықтың барлығын арқалаған аналардың тағдыры суреттеледі. Айша — мықтылықтың, төзімділіктің, мейірімнің символы. Ол жалғыз өзі бүкіл отбасының тірегі болып, балаларын аман алып қалуға тырысады.Шығармада балалық шақ естеліктері, анаға деген шексіз махаббат, соғыс әкелген қайғы, ауыл адамдарының бір-біріне деген жанашырлығы өте жылы әрі шын жүректен берілген.

6 слайд

#7 слайд
НАЗАРЛАРЫҢЫЗҒА РАХМЕТ

7 слайд

#8 слайд

8 слайд