Слайд"Неліктен ежелгі өркениеттер өзен алқаптарында дамыды?"

#1 слайд
Қысқа мерзімді жоспар тақырыбы: Неліктен ежелгі өркениеттер өзен алқаптарында дамыды? Тарих пәні мұғалімі Әли Ақтоты Е.Айшуақұлы атандағы мектеп Сабақтың оқу мақсаты: 5.4.1.3 ежелгі өркениеттердің шаруашылық жүйесін сипаттау. Сабақтың мақсаты: Барлығы: Ежелгі өркениет ошақтарының шаруашылық жүйесін түсінеді. Басым бөлігі: Картадан қосөзендіктер айналысқан шаруашылық түрлерін анықтайды Кейбірі: Оқушылар мәтіннен табиғаттың адам еңбегіне қалай ықпал ететіндігін сипаттайды Бағалау критерийі Адамның негізгі қажеттіліктерін біледі; Алғашқы өркениет ошақтарының неліктен өзен аңғарларында қалыптасқанын түсінеді; Тілдік мақсаттар: Пәнге қатысты лексика мен терминология: Өркениет,ирригация,суару,арналар,су бөгеттері,жәдігер,топан су. Тілдік дағдылар: Тыңдалым дағдысы- бейнебаян көру Жазылым дағдысы – әңгіме жазу Айтылым – сұрақтарға жауап беру Оқылым- материалдарды оқып, пайдалану. Құндылықтарды баулу 5. Жалпыға бірдей еңбек қоғамы Еңбек және шығармашылық ынтымықтастық ,өмір бойы білім алу Дүние жүзі тарихы 5-сынып

1 слайд

#2 слайд
Белсенді оқыту Ақпараттық органайзер тапсырмасын бергенде В,С тобындағы  оқушылар белсенділігі артқанын байқадым. Ақпараттық органайзер тәсілде жұппен талдап, оқушылардың термин сөздерге түсінік бере алатындығын көрсетті. А,В тобындағы оқушылардың тапсырманы нақты біліп, сәтті орындағанын байқадым. Мәтінмен топтасып жұмыстануының тиімділігі, олар бір-бірінен білмегендерін сұрайды. Өз бетімен жұмысты жетілдіру, өз бетімен білім алуға көбірек көңіл бөледі,тез табуға көмектесіп уақытты үнемдеуге пайдасы тиді . “Кубертка әдісі” тапсырмасы өздеріне берілген тапсырманы түсінікті етіп жеткізе білді. Топтық тапсырмаларды орындауда оқушылар өз қабілеттерін көрсетті. «5-5-1» әдісі бойынша сабақты қорытындылау жүргізілді. Осындай белсенді оқыту стратегияларын қолдану арқылы мен не байқадым? Оқушылардың барлығы жұмысқа тартылды, мәтінмен өз бетімен танысып, өзіне қажеттісін алып, оны талдауға, сараптауға, өз бетімен әр түрлі деңгейдегі сұрақ дайындап, қойылған сұрақтарға сыни тұрғыдан жауап беруге, өз бетімен, жұптасып, топта жұмыстануға дағдыланды, өзін өзі бағалауға, жалпы білімдерін тапсырмаларды орындауда қолдануға үйренді А деңгейіндегі оқушылар жаңа тақырыпты өз бетімен түсініп, одан негізгісін таңдап, талдап, сараптай алады және сыныптастарыңа үйрете білді. Барлық тапсырмалар барысында белсенді болды, білімдерін қолданып, өз бетімен тапсырмалар орындауда жоғары деңгейде білім деңгейін көрсетіп, білімдерін қолдана алатындығын дәлелдеді. “Кувертка әдісі” өз ойын ашық, нақты жеткізіп, сұрақтар дайындауда жуан сұрақтарды дайындауда белсенділік көрсетті. В деңгейіндегі оқушылар өз бетімен, жұпта, топта жұмыстана алатындығы байқалды. Алғашқы сабақта белсенділігі төмен болды, «5-5-1» орындағанда белсенділікпен қатысып, ұтқыр ойлар айтып, өз ойын еркін жеткізе бастады. Белсенді оыту стратегияларын қолдана отырып, төмендегідей нәтижеге қол жеткіздім: 1. Жеке, жұпта, топта жұмыстанып, нәтижеге қол жеткізуге болатындығын түсінді; 2.Оқушылардың бірін-бірі үйретіп, өз бетімен тақырыпты меңгере алатындығына сенімдері артты; 3. Шығармашылық тапсырмаларды орындады; Ақпараттық органайзер Кувертка әдісі «5-5-1»іәдісі

2 слайд

#3 слайд
Саралау Мәліметтерді жинап, нақтылау арқылы, топтық,жұптық және жеке жұмыс жасау тапсырмаларын беремін. Тапсырмалар жеңілден күрделіге өзгеріп отырады. Нәтижесінде оқушы білімі сараланып, мұғалім оқушы деңгейін анықтай алады. Термин сөздерге түсінік бере отырып,жұмыс жасау негізінде сөздік қорларын дамыту және сабақта пайдалануына мүмкіндіктер жасаймын. Мысалы, «Ақпараттық органайзер» арқылы болашақта оқушының ойын еркін жеткізе алуына қолдау көрсетемін. «Мәтінмен жұмыс»жасату арқылы оқушыларды тез ойлантуға бағыттаймын. «Кувертка әдісін» қолданғанда білім алушының қызығушылығын арттыра отырып,белсенді оқытуды жүзеге асырамын. Білім алушылар өзінің қызығушылыңына орай жеке қабілетін дамыта отырып,тарихи оқиғалардың құндылығын ұғынып,өзіндік бағасын береді.Тарихи оқиғаларды шынайы өмірмен байланыстырып, құнды пікір айта алады.Ең бастысы білім алушы мұғалім ұйымдастырған саралау тапсырмаларын қызығушылықпен орындай отырып,мұғалім тарапынан жеке тұлға ретінде қалыптасуына қолдау таба алады. Нәтижесінде 1. Оқушылар берілген тапсырманы орындайды. 2. Сабақ барысында оқушылар өзіндік ой түйіп, пікірі қалыптасады. 3. Оқушылар сабақ барысында алған білімдерін пайдаланып өз ойын ашық, дәлелді жеткізе алады.

3 слайд

#4 слайд
Критериалды бағалау Күнделікті сабақ жоспарын құрған кезде бағалау критерийі мен дескрипторлар  құрамын. Сөйте тұра, оның не үшін қажет екендігіне ойластыра отырып, дескриптор арқылы оқушыдан күтілетін нәтижеге мән беремін. Тапсырманы дайындар алдында  алдымен сабақта нені мақсат етіп алдым, оған жетудің қандай жолдары барын жүйелей отырып, дескриптор құрамын.Ол үшін мақсат пен нәтиже арасындағы сәйкестікті анықтайтын тапсырмалар мен жаттығулар жүйесіне, яғни оқушыларды сыни тұрғыдан ойлануға қолдау көрсететін әдіс- тәсілдері аламын. Мысалы:«5-5-1 әдісі» тапсырмасын орындағанда білім алушылар   жеке жұмыс жасап өздерінің білімін көрсете білді. Олар әр сұрақтың өзінше критерийі мен дескрипторы барын түсіне келе, оны салыстырды. Әр оқушы өзін көшбасшы ретінде қатарға қоя алады. Сабақ соңында сабақтың мақсатына жетіп, бұдан мұғалім мен оқушы арасындағы байланыс нығайып, сабақтың деңгейі артады. Критериалды бағалау

4 слайд