таза болса табиғат, аман болар адамзат!

#1 слайд
Таза болса табиғат, аман болар адамзат Тақырыбы: Құндылық: Ақиқат Қасиеттер: шыншылдық, жанашырлық, жауапкершілік

1 слайд

#2 слайд
Мақсаты: Адам өміріндегі табиғаттың маңыздылығы туралы түсініктерін кеңейте отырып,ақиқат құндылығының мәнін ашу   Міндеттері: Білімділік: адам мен табиғаттың үйлесімділігі мен қарым-қатынастағы шыншылдық қасиетінің мәнін түсіндіру Дамытушылық: Денсаулықты сақтау және табиғатқа жанашырлық таныта білу дағдыларын дамыту Тәрбиелілік: Жауапкершілікке тәрбиелеу

2 слайд

#3 слайд
Арқаңызды тік ұстап, отырыңыз. Көзіңізді жұмып, терең тыныс алыңыз. Әрбір тыныс алған сайын неғұрлым көбірек босаңсып, сабырлы болуға тырысыңыз. Қазір біз орманға серуенге шығамыз. Өзіңіздің сынып есігіне қарай беттеп, есікті ашқаныңызды, дәлізбен өтіп, далаға шыққаныңызды елестетіңіз. Таза ауаны жұтып, шашыңызды желбіреткен желдің лебін және бетіңізді сәл-пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Бір минут тоқтап айналаға көз салыңыз. Табиғаттың әсемдігі мен балғындығын сезініңіз. Гүлдердің біріне жақындап, еңкейіп, оның нәзіктігі мен жұқалығына зейін салыңыз. Оны иіскеңіз және хош иісін жұтыңыз. Айналадағы бар нәрсені бақылап, ары қарай жүре беріңіз. Гүлдер, гүлдер мен ағаштардың иісі, құстардың даусы және жәндіктердің ызыңы. Орманға ене түсіңіз, қараңызшы, ағаштар биіктей әрі қалыңдай түсті. Жарық пен көлеңкенің ойынын қызықтаңыз, жапырақтардың сыбдырын тыңдаңыз. Біз өзімізді орманда бақытты әрі қауіпсіз сезінеміз. Алаңқайға шығып, осында бірнеше минут демалыңыз. Түбіне барып отырғыңыз келетін ағашты таңдаңыз. Ағашқа жақындаңыз да оны діңінен құшақтаңыз. Оның қуаттылығын сезініңіз, ондағы өмір қуатын сезінуге және ұғынуға тырысыңыз. Енді оның діңіне арқаңызды сүйеп отырыңыз. Көзіңізді жұмыңыз, терең тыныс алыңыз және қоршаған айналаның жым-жырт тыныштығына көңіл бөліңіз. (Осы жерде мұғалім 1-2 минут үзіліс жасауына болады). Бізге қалайша жеңіл әрі тыныш, бақытты сезіну қандай. Табиғат неткен ғажап, оны қалайша сүйетінімізді және қадірлейтінімізді, бірде бір тірі жәндікке зиян тигізбес үшін қамқорлық жасауды түсінесіз. Сіздің өз ағашыңыз бар екенін және кез келген уақытта оған келе алатыныңызды есте ұстаңыз. Ал қазір мектепке қайтуға дайындалыңыз. Орныңыздан тұрып, айналаға тағы бір көз қырын салыңыз. Келген жолыңызбен кері қайтыңыз, жолыңыздағы жәндіктерді басып кетпеңіз. Міне, мектептің алдына да келдік. Айналаңызға тағы бір қараңыз, таза ауаны терең жұтыңыз, есікті ашып, өз орныңызға қайтып келіңіз. Осы жым-жырт, тыныштық, қанағат сезімін өзіңізде сақтаңыз. Көзіңізді ашып, күлімсіреңіз! Тыныштық сәті. Орманға саяхат

3 слайд

#4 слайд
Үй тапсырмасын тексеру «Егер табиғатқа тіл бітсе....» ой-толғау

4 слайд

#5 слайд
Дәйексөз. «Табиғаттағы барлық жылу-күннен, Өмірдегі барлық жылу-адамнан» Михаил Прившин 1.Дәйексөздің мағынасын қалай түсінесіңдер.? 2.дәптерге жазу 3 топпен қайталау

5 слайд

#6 слайд
Оқиғаларды әңгiмелеу   Өсиет әңгіме Ертеде бір қарияның үш ұлы болыпты.Өздерінің әкесін қатты жақсы көретіні соншалық,қарттың ұзақ та сау өмір сүруін армандап,оның жолын қайдан табамыз деп,ұзақ кеңесіпті. Әрі ойланып,бері ойланып,ақырында ел арасынан денсаулықтың мекенін  іздемекші  болады. Үлкен ұлы денсаулықтың  мекенін табиғаттың «Саялы орманынан»,ортаншы  ұлы денсаулықтың мекенін табиғаттың «Таза көлді» елінен,ал кіші ұлы «Көрікті жер» елінен кездестіріпті. Ұлдарына риза  болған қария,үш  ұлының да еліне кезек-кезек барып  тұрыпты. Қария бақытты да баянды,ұзақ ғұмыр  кешіпті. 1 Әңгімеден не түсіндіңіз? 2.Кейіпкерлердің бойынан қандай қасиеттерді көрдіңіз? 3.Егер сіз осы ұлдарының орнында болсаңыз не істер едіңіз?

6 слайд

#7 слайд
Шығармашылық іс-әрекет, топтық жұмыс. топ бойынша постер қорғау 1- топ: Табиғаттың адамдарға берер сыйы 2- топ: Адамдардың табиғатқа қамқорлығы 3- топ: Тазалық-денсаулық кепілі  

7 слайд

#8 слайд
Топпен ән айту. Қос қарлығаш Сөзін жазған: Бақытжан Ауданбаев Сазгер: Нұрлан Еспанов Бір күн келіп алмастырып бір түнді, Көктем келіп айналамыз құлпырды. Қос қарлығаш тыным таппай тағатсыз, Жөндеп жатыр ескі ұясын былтырғы. Қайырмасы: Қос қарлығаш көктемде, Қанат қағып жеткенде, Қандай сезім жетеледі туған мекенге? Тағып алып ақ тұмар, Жұлдыздай боп ақтыңдар. Ерте өшкен үмітімді, Қайта жақтыңдар. Қос қарлығаш, қияқ қанат достарым, Қанатымен тілгілеген аспанын. Тілгіленіп қалар еді-ау жүрегі, Ұя салса ауласына басқаның. Қайырмасы: Қос қарлығаш тағдырларын тең бөлген, Тірліктерін туған жерге өңделген. Әрбір адам туған жерін сүюді, Үйренсе екен, үйренсе екен сендерден. Қайырмасы:

8 слайд

#9 слайд
Үй тапсырмасы 31 сабақ «Табиғатпен тілдессем» 148-бет оқып келу

9 слайд

#10 слайд
  Сабақтың соңғы тыныштық сәтi Баяу әуен қойылады.  Бүгінгі сабағымызды есімізге түсірейікші. Табиғатты қорғау әрбір адамзаттың парызы екенін жүректерімізде сақтап, іс жүзіне асырылсын. Осындай тыныштықта сәл отыра тұрайық. Сабаққа қатысқандарыңыз үшін алғысымды білдіремін, сау болыңдар!

10 слайд