ҮЗДІК БАСТАУЫШ МҰҒАЛІМІ

1 слайд
ЖАҢА ТЕХНОЛОГИЯНЫҢ ТИІМДІ ӘДІС- ТӘСІЛДЕРІ АРҚЫЛЫ БАЛАЛАРДЫ ШЫҒАРМАШЫЛЫҚҚА БАУЛУ ТАҚЫРЫБЫ:

2 слайд
МАҚСАТЫ: МЕКТЕПАЛДЫ ДАЯРЛЫҚ СЫНЫПТАРДА ӘДІС - ТӘСІЛДЕРДІ ҚОЛДАНУДЫҢ ТИІМДІЛІГІН КӨРСЕТУ

3 слайд
ЖОСПАРЫ: 1 . Жаңа педагогикалық технологиялардың түрлері. 2 . Мектепалды даярлық сыныптарда қолданылатын жаңа педагокикалық технологиялар мен әдістер 3. Ұйымдастырылған оқу іс-әрекеті барысында жаңа педагогикалық технология элементтерін қолдану тиімділігі.

4 слайд
«Кішкентай бүлдіршіндердің дамуына ықпал ететін үздіксіз білім берудің алғашқы сатысы ретіндегі мектепке дейінгі білім беруге баса назар аударған жөн» Елбасы Н.Ә. Назарбаев

5 слайд
ПЕДАГОГИКАЛЫҚ педагогикалық инновацияларға  1) жаңа емес, бірақ өзінің өзектілігін жоймаған және педагогика ғылымы мен практикасы жүйесін қамтитын, әлі толық жетілдірілмеген оқу-тәрбие үдерісін оңтайландырудың жалпы идеялары мен практикалық технологияларын;  2) ізгілік педагогикасының барлық қағидалары мен практикалық технологиялары жиынтығын қарастыруды;  3) жаңа идеяларға негізделген педагогикалық үрдістерді ұйымдастыру мен басқару амалдарын;  4) ақпараттандыру мен жаппай коммуникациялаудың жаңа идеялары мен құралдарына негізделген технологияларды жатқызуға болады.  Педагогикалық жүйеге инновациялық түрлендірулер енгізудің басты бағыттары: тұтастай алғандағы педагогикалық жүйе; оқу мекемелері;педагогикалық теория; мұғалім;оқушылар; педагогикалық технология; мазмұны;формалары,әдістері, құралдары;басқару;мақсаты мен нәтижелері.

6 слайд
Оқу-тәрбие үрдісінде қолданып, айтарлықтай нәтиже беріп жүрген инновациялық педагогикалық технологиялар мыналар: - Дамыта отырып оқыту әдістемесі - Сын тұрғысынан ойлау технологиясы - Деңгейлеп оқыту технологиясы - Ойын технологияларын қолдану - Проблемалық оқыту технологиясы - Рольдік ойындар «Мозайка» сабақтары - Проблемалық оқыту әдісі - «Миға шабуыл» әдісі - Экскурсия сабағы - Ынтымақтастық технологиясы -Дөңгелек үстел - Саяхат сабақтары

7 слайд
Деңгейлеп-саралап оқыту технологиясы Деңгейлеп –саралап оқыту технологиясының мақсаты әрбір бала өзінің даму деңгейінде оқу материалын меңгергенін қамтамасыз етеді. 1) Деңгейлеп оқыту әр балаға өз мүмкіндіктерін пайдалана отырып, білім алуына жағдай жасауға мүмкіндік береді. 2) Деңгейлеп оқыту әр түрлі категориядағы балаларға, олармен саралай жұмыс істеуге мүмкіндік береді. 3) Деңгейлеп-саралап оқыту құрылымында білімді игерудің үш деңгейі қарастырылады: ең төменгі деңгей (базалық), бағдарламалық, күрделенген деңгей сондықтан әрбір бала меңгеруі тиіс. Деңгейлеп оқыту технологиясы тиімді нәтижелі болу үшін:а) жеке тұлға ерекшеліктеріне, б) психологиялық даму ерекшеліктеріне, в) пән бойынша білімді игеру деңгейіне көңіл бөліп отыру қажет..

8 слайд
Ойын технологиясы Ойын - оқу үрдісіндегі оқытудың әрі формасы, әрі әдісі ретінде дербес дидактикалық категория. Сонымен бірге ойынды педагог мен балалардың бірлескен оқу әрекетінің өзара байланысты технологиясы ретінде қолдануға болады.

9 слайд
Ойын кезінде баланың ортамен қарым қатынасы кеңейіп, таным қабілеті өсіп, мінез-құлқы қалыптасады. Тәрбие қасиеттері Жауапкершілік Сенімділік Мейірбандық Ынтымақтастық АдамгершілікШапшаңдық Белсенділік Тапқырлық Ұйымшылдық ДостықТәрбие қасиеттері

10 слайд
Проблемалық оқыту технологиясы   Баланы  өз бетімен ізденуге үйретіп қана қоймай, танымдық және шығармашылық қабілеттерін дамытады. Яғни, балалардың белсенділігі арттыру, оқу материалына  баланы қызықтыратындай мәселе тудыру, бала материалды сезім мүшелері  арқылы ғана қабылдап қоймайды, білімге деген қажеттілігін қанағаттандыру мақсатында меңгереді. Бұл технологияда бала оқытуды өмірмен және еңбегімен байланыстырады.

11 слайд
Ынтымақтастық педагогикасы   Педагогтың талап ету педагогикасынан қарым-қатынас педагогикасына көшуі. Балаға ізгілік тұрғысынан қарау, оқыту мен тәрбиенің ажырамас бірлігі: тәрбиеші-бала, бала-тәрбиеші, бала-бала, яғни бала да тәрбиеші де субъектілер болып табылады. Сонымен қатар, баланың жеке басына ізгілік қарым-қатынас, бала мен тәрбиеші арасындағы өзара түсінушілік, ынтымақтастық қарым-қатынас жасау. Бұл технологияның негізгі мақсаты – баланы азамат етіп тәрбиелеу, олардың танымдық күшін қалыптастыру және дамыту, баланың жаны мен жүрегіне жылылық ұялату. .

12 слайд
Сын тұрғысынан ойлау технологиясы “ Сын тұрғысынан ойлау” ұғымы белгілі бір идеяларды қабылдай отырып, оның неге қатысты екенін зерттеу, салыстыра алу, сол идеяларға қарсы көзқарастармен тепе-теңдікте ұстап зерттеу, оларға сеніммен қарау. Сын тұрғысынан ойлау – сынау емес, шыңдалған ойлау. Бұл деңгейдегі ойлау тек ересек адамдарға, жоғарғы сынып оқушыларына ғана тән деп ойлау аса дұрыс емес. Жас балалардың да бұл жұмысты дұрыс ұйымдастырған жағдайда өз даму деңгейіне сәйкес ойы шыңдалып, белгілі бір жетістіктерге жетері сөзсіз. Аталмыш бағдарламаның ішкі құрылымында ерекшелік бар. Бұл құрылым 3 деңгейден тұратын оқыту мен үйретудің моделі. Білімнің болашақта пайдаға асуы, қажетке жарауын қалыптастырады. Көп ақпаратты талдай, жинақтай отырып, ішінен қажеттісін алуға үйретеді. Сын тұрғысынан ойлау бағдарламасы қызығушылықты ояту, мағынаны тану, ой тол ғаныс кезеңдерінен түзіледі. Жоба 60-қа жуық стратегиялардан тұрады.

13 слайд
СТО технологиясының кейбір стратегиялары: Джиксо– ұжымдық оқыту әдісі Венн диаграммас ы Ассоцациям ен жұмыс «Пікір алысу» стратегиясы Кубизм стратегиясы

14 слайд
Интерактивті әдістер: Эвристикалық әңгіме – бұл әдіс бойынша әр түрлі сұрақтар мен мысалдар арқылы оқушының өз бетінше дұрыс жауап беруіне мүмкіншілік туғызады. Дискуссия – бұл арнайы жоспарланған еркін сұхбат, ол арқылы теориялық сұрақтарды талқылайды. Дискуссия – сөз әрекетінің диалогты түрі. Бұл әдіс арқылы әңгіме барасында туындаған әр түрлі ойлар алмасып, пікірлер ортаға салынады. «Миға шабуыл» - бұл әдіс күрделі мәселенің жауабын миға келетін қайсыбір ойлардың, ұйғарымдардың, кездейсоқ ұқсастықтардың, сонымен қатар күтпегенде пайда болатын қажет және қажет емес ассоциациялар арқылы табу. Миға шабуылдың алтын ережесі – талқылауға қатысушылардың бірде бір сөзіне қарсы келмей, керісінше өз ойын ашық, қысылмай же Іскерлік ойындар , тренингтер.

15 слайд
Әдіс-тәсілдер : «Step by Step» инновациялық технологиясы; Денсаулық сақтау технологиялары: «нүктелі массаж» (жаңғақтармен); «көз гимнастикасы» (аралармен)қолдану, түсіндіру, көрнекілік, сұрақ- жауап, әңгімелесу. Дидактикалық ойын: Сандар тақтасы . Мақсаты:сандарды ретімен қою, дыбысты ести отырып санау, оң қол сол қолды ажырата білу, қарапайым есептер шығару. − Сандарды ретімен қойыңдар? − Қайсысы көп, қайсысы аз? Қарапайым есеп шығару. Балалар тапсырманы орындайды.

16 слайд
Д/ойын «Тиін және жаңғақтар». Тәрбиеші: Сендердің алдарыңдағы карточкада бөрене көрсетілген. Мен сендерге айтып отырамын, ал сендер орындайсыңдар. Тапсырманы ашыңдар. Балалар, бөрененің жоғары жағына бір тиін қойыңдар, ал төменгі жағына 3 жаңғақ қойып шығыңдар. Назерке жаңғақ нешеу,санай ғой? Не көп тиін бе,әлде жаңғақ па? Екеуі тең болуы үшін не істеу керек? Эльдар,тиін ағаштың үстінде ме, астында ма? Тағы да орманнан 2 тиін келді. Нешеу болды? Тиін көп пе, жаңғақ көп пе? Бірдей болуы үшін не істейміз? Өте жақсы бұл тапсырманы дұрыс орындадыңдар! -Тиін, сенің азығың енді мол болды. Қысқа дайынсың. - Тиін: Ой, рахмет. Тәрбиеші: Қонаққа келген үшінші аңды табыңдаршы ? Иә, ол кірпі екен. (Конвертті ашып оқу ). Балалар, кірпі пішіндер туралы білгісі келеді. Сендер қандай пішіндер білесіңдер? Оларды бір сөзбен қалай атайды? Орыс тілінде қалай айтылады? Олай болса, пішіндермен ойнайық.

17 слайд
Логикалық ойын «Математикалық кілемше» Мақсаты:геометриялық пішіндерді ажырату, заттарды түсіне және пішініне сай торкөздерге орналастыру. Тәрбиеші: Балалар, кірпі қысқы ұйқыға кетеді. Ол ұйықтар алдында ертегі тыңдағанды ұнатады. Келіңдер, бізде кірпіге ертегі айтып берейік. Воскобович шаршыларымен ойын. Аулада үлкен шатырлы үй тұр.(Шатырлы үй жасайды) Балалар күзгі орманннан көрмеге жапырақ теріп әкелу үшін үйден шығып қайыққа отырады.(қайық жасайды) Қайықтан түсіп ормандағы жапырақтарды, гүлдерді тере бастайды.(гүл, жапырақ жасайды) Балалар жапырақ, гүлдерді теріп алып, кері қайыққа отырады. (Қайық жасайды )Қайықтан түсіп, үлкен шатырлы үйге келеді.(үй жасайды) Аналары оларды қуанып, қарсы алады. Оларға тәтті кәмпит үлестіреді.(кәмпит жасайды) Тәрбиеші: Жарайсыңдар, кірпіге ертегі ұнаган сияқты.Балалар, тыңдаңдаршы бізге аралар ұшып келді? (Саусақтарына араның бейнесін киіп алады) Аралармен ойнайықшы.

18 слайд
«Аралар»көз гимнастикасы Аралар гүлден – гүлге қонып ұшып жүр. Аралар жоғары ұшты, төмен ұшты, оңға ұшты, солға ұшты.Аралар гүлге қонды Аралар гүлге қонды. (1-2 рет көз гимнастикасын жасайды) Тәрбиеші: Балалар аралар гүлден не жинайды? Дұрыс. Бал. Ал балды не жақсы көреді. Аю. Бізге қонаққа аю да келіпті. Ол нешінші болып келді. Жарайсыңдар, дұрыс аю төртінші болып келді. Келіңдер, араларға бал жинау үшін, қанша гүл керек болды екен. Санап көрейікші. Ойын «Ара мен гүлдер». Мақсаты: сандардың құрамын білу. Ойын барысы: Балалардың алдарында омарта бейнеленген фланеграфта сандар жазылған. Балалар омартадағы көрсетілген санға сәйкес, қызыл, көк түсті гүлдерді таңдап алып алулары керек. Сұрақтар қою арқылы тапсырманы орындату. Тәрбиеші: Балалар бізге қонаққа қандай аңдар келді? Оларға не үйреттік? Қандай ойындар өте қызықты болды. Қайсысы қиын.

19 слайд
Ассоциация әдісі – сол тыңдаған ертегі жайлы мәлімет Мысалы: Суретте «Бауырсақ» ертегісіндегі бауырсақ ортасында тармақтарына кемпір, шал, қоян, үй, қасқыр, аю, түлкіні балалар жапсырады көп қиынды суреттердің ішінен. Ой қозғау әдісі : Балаларға ертегілерге берілген жұмбақтарды жасыру; Жалпақ тұмсық көріп пе ең, Жер қазатын тінткілеп. Ілмек дерсің құйрығын, Кебіс дерсің тұяғын, Білсең енді таба ғой, Қай кейіпкер екенін? (Үш торай) Әжей жақсы көретін осы қызға, Телпек тарту етіпті қызыл түсті. Ұнатқаны соншама бұл сыйлықты, Немересі есімін ұмытыпты, Ал, айтшы сен, бұл есімді? (Қызыл телпек) Сұрақтар арқылы ой салу: Сен бұларды неліктен ертегілер деп ойлайсың? Халық ертегілері мен авторлық ертегілерді ата, олардың айырмашылығы неде? «Қызыл телпек» ертегісінің авторы кім? Сен Қызыл телпектің орнында болсаң не істер едің? СТО - ның элементтерінің бірі – Венн диаграмманы пайдалану (екі ертегіні салыстыру, ортақ белгісін табу, қорытындылау, нақтылау).

20 слайд
Қорыта келгенде, аталған педагогикалық технологиялар мен инновациялық құралдар балабақшада  балалардың жас ерекшеліктерін ескеріп, әр сатыға балалардың қабылдау мүмкіндіктеріне сай пайдалануға болады. Мектепке дейінгі балалардың есте сақтау қабілеті әлсіз, қабылдау процестері тұрақсыз келеді. Сондықтан олар затты қолмен ұстап, көзімен көргенді ұнатады. Осыған сәйкес, мектепке дейінгі балалардың оқу іс-әрекеттеріне көрнекілік, ойын технологиясын кеңінен қолданған жөн деп санаймын.