Балаларға тұсау кесу дәстүрі туралы мәлімет беру, ұлттық ойындарды таныстыру; Наурыз мейрамы туралы білімдерді қалыптастыру. Балаларға ойын барысында өз орнын тауып, әлеуметтік қарым-қатынас жасауды үйрету, тілін, есту, еске сақтау қабілетін, танымдық қызығушылықтарын дамыту. Қазақ халқының салт-дәстүрлеріне қызығушылықты қалыптастыру, бір-бірімен тату ойнауға тәрбиелеу.

Балаларды «Бір бидай – бес қап» ертегісінің мазмұнымен таныстыру, адамның жақсы қасиеттері туралы мағлұмат беру, адам еңбегінің маңыздылығы туралы негізігі түсініктерді қалыптастыру. Балалардың мәтінді тыңдау арқылы қысқаша ой түйіндеу қабілетін қалыптастыру, елестету, еске сақтау мүмкіндіктерін, байланыстыра сөйлеу қабілетін, танымдық қызығушылықтарын дамыту. Адамның еңбегіне, жануарлардың тіршілігіне қызығушылықтарын қалыптастыру; шыдамдылыққа, ұқыптылыққа тәрбиелеу.

Балаларға заттардың кеңістікте орналасу орындарына және заттардың көлеміне қатысты қасиеттері туралы түсініктерін нақтылау; ойын-сауық әлемі туралы түсініктер аясын кеңейту. Белгілі бір кеңістікте орналасқан заттарды көру арқылы сөзбен атау қабілетін қалыптастыру; ұзындығы мен ені әртүрлі және бірдей заттарды бір-бірінің тұсына қою, бір-біріне беттестіру; өздігінен салыстыру дағдыларын жетілдіру; ой-өрісін, еске сақтау қабілетін дамыту. Ойын әлеміне, қоршаған табиғат объектілеріне қызығушылықтарын ояту; ізденімпаздыққа, шығармашылыққа тәрбиелеу.

Балаларды ауаның қасиеттерімен таныстыра отырып, оның бар екенін шар көлемінің өсуін немесе азаюын көзбен көрсету арқылы түсінік беру; ауаның адам өмірінде алатын маңызы жөнінде білімдерін кеңейту. Балалардың байқағыштығын, қабілеті мен танымын, тілін, эмоциялық сезімі мен түйсіктерін дамыту.

Балаларға таза ауада ойналатын қимылды ойындарды таныстыру; таза ауада түрлі қимылды ойындарды ұйымдастыра отырып, қуанышты, көңілді көңіл-күй қалыптастыру; төзімділікті, жылдамдықты, ептілікті дамыту; таза ауада ойналатын алаң ойындарына деген қызығушылықтарын арттыру, ойын ережелерін бұзбай орындауға тәрбиелеу.