"11 сынып оқушыларын ҰБТ-ге психологиялық тұрғыдан дайындау тренингі" 11 сынып

«11 сынып оқушыларын ҰБТ-ге психологиялық тұрғыдан дайындау »тренингі.

Мақсаты: Әрбір жеке тұлғаның ойлау қабілетін,ҰБТ-ге деген сенімділігін, көтеріңкі көңіл-күй сезімдерін психологиялық тұрғысында дамыту.

Көрнекі-құралдар: табиғат көрінісінің слайдтары, алма талының суреті, алмалар.

-Құрметті оқушылар, әуелі орындарыңыздан тұруларыңызды сұраймын. Енді денелеріңізді, ішкі дүниедегі жағымсыз нәрселерді сыртқа шығарып тастаңыздар!

Мен сіздерге бірнеше сөз айтамын,соны қайталаңыздар.

Әлемдегі барлық адамдарға жақсылық тілеймін!

Әлемде мені бәрі жақсы көреді!

Мен бақытты оқушымын!

Мен білімді оқушымын!

Мен жаңа ғасырдың оқушысымын!

Мен алдағы ҰБТ-ны жақсы нәтижемен тапсырамын!

Рахмет,орындарыңызға жайғасып отырыңыздар!

Медиатация:Ал,енді көздеріңізді жұмыңыздар,көз алдарыңызға елестетіңіздер!

Әсем бір шебер бағбанның баптап өсірген алма бағында қыдырып жүрсіздер.Осы сәтте әркім өзінің ең бақытты шақтарын елестетсін. Жүрек түбіндегі арман мақсаттарыңызды қиялдаңыздар.Мен алдағы ҰБТ-ны жақсы нәтижемен тапсырамын, менде бәрі жақсы болады, менің өзіме деген сенімділігім мол, мен үшін бәрі оңай және түсінікті болады.

-Па, шіркін қайран алмалардың иісін-ай, танауларыңызды керіп,демдеріңізді ашып,рахат бір дүние ішінде жүрсіздер, терең демалыңыздар!Ал енді жайлап көздеріңізді ашыңыздар.

Құрметті оқушылар,ендігі мақсат мынау! Шебер бағбанның бағында өскен алманы сіздерге таратамын. Осы алмаға әркім өзінің жүрек түбіндегі жатқан арман мүдделерін,тілектерін жазсын.(3 минут уақыт беріледі.) Алмаларды жинаймыз.Мына алдарыңызда тұрған «Ғажайып арман алма талы» сіздердің жүрек түбінде жатқан арман тілектеріңіз орындалды деп есептеңіздер.

Рефлексия:

-Бүгінгі аутотренинг сіздерге ұнады ма?

-Қандай сезімде болдыңыздар?

-Тренингтен алған әсеріңіз қандай?

Қорытынды: Құрметті мектеп түлектері алдарыңда үлкен сын, намысты дода сол сынға әрқашан сеніммен барыңдар. Бақыт -ол бақытты секундтан, бақытты минуттан, бақытты сәттерден тұрады, біз сол бақытты сәтті сезіне білу арқылы бақытты боламыз. Сәттілік тілеймін!