Камен ЖОББМ

Түлектерге арналған жадынама

2023-2024 оқу жылы

Қорықпа! Уақыттың қатаң шектеулігі сенің жауаптарыңның сапасына әсер етпеу керек. Сұрақты екі рет оқып, сенен нені сұрап тұрғанына көзіңді жеткізіп барып жауапты белгіле.

Тек ағымдағы тапсырма туралы ойла! Бір тапсырманы аяқтап, екіншісіне кіріскенде алдыңғысын ұмыт, себебі тест тапсырмалары бір-бірімен байланысты емес.

Екі шеңберді жоспарла! Уақыттың 3 – тен 2 бөлігін сен үшін жеңіл тапсырмаларға арна (1 шеңбер), онда сен максимум ұпайлар жинайсың, екінші шеңберде қиын тастап кеткен тапсырмаларға ораласың.

Сызып таста! Сызу әдісі арқылы жұмыстан! Сұраққа маңдаспайтын жауаптарды бірінен соң бірін сызып отыр.

Таба біл! Егерде жауабыңыздың дұрыстығына күмәндансаң, таңдауға қиналсаң, өзіңнің ішкі сезіміңе (интуицияңа) сен!

Тексер! Өз жұмысыңды тексеруге уақыт қалдыр, ең болмағанда көзбен жүгіріп, бақырайып тұрған қателерді дұрыстайсың.

Ренжіме! Бүкіл тапсырмаларды орындауға тырыс, бірақ практикада бұл мүмкін еместігін есіңнен шығарма. Өйткені тест тапсырмалары шатастыру, ойлану үшін күрделі құрастырылады, ал жақсы бағаға кем дегенде тапсырманың 70% -ын орындау қажет.

Саған сәттілік серік болсын!

Ұлттық бірыңғай тестіге қалай әзірлену керек?

Емтиханға әзірлік

• Бірінші сабаққа әзірлену орныңды жасақта: үстел үстінен артық заттардың барлығын алып таста, оқулықтарды, көмекші құралдарды, тест жинақтарын, қағазды, қаламды, қарындашты ретімен орналастыр.

• Бөлме интерьеріне 00сары және сия көк түсті заттарды қосуға болады, себебі бұл түстер интеллектуалды белсенділікті арттырады.

• Әзірлік жоспарын жасақта. Бірінші өзіңді кім екеніңді ( «боз торғай», не «жапалақ») анықтап ал , соған орай таңғы, ертеңгілік, не кешкі, түнгілік уақыттарды барынша пайдалан. Әр күнге әзірлік жоспарын жаса, сол күні нені оқитының нақты белгілі болу қажет.

• Ең қиынынан баста, яғни өзің нашар білетін пәнді қолға ал. Бірақ саған бірден ұғыну қиын болса, өзіңе қызықты және жағымды пәннен және сол пәннің ең ұнамды тарауынан баста. Мүмкін біртіндеп жұмыс ритміне еніп, жұмысың алға басар.

• Әзірлік пен демалысты араластыр, 40 минут оқысаң, 10 минут үзіліс жаса. Үзіліс уақытында ыдыс жууға, гүл суаруға, жаттығу жасауға, душқа түсуге болады.

• Оқулықты түгел оқуға және жаттап алуға тырыспа. Жоспар, сызба арқылы материал құрылымын жасақтаған жөн. Жоспар қайталаған уақытта пайдалы.

• Осы пән бойынша жарияланған әртүрлі тестілерді орында. Бұл жаттығу тесттік тапсырмалардың құрылымымен таныстырады.

• Қолыңа секундомер алып жаттық. (1 тесттік тапсырмаға қанша уақыт кетеді).

Емтихан таяғанда

• Көпшілік түлектер емтиханға толық әзірлену үшін тек бір күн уақыт, не бір түн жетпейді деп ойлайды. Бұл дұрыс емес. Сен шаршадың және саған қалжыраудың қажеті жоқ. Керісінше, кештен бастан әзірлікті тоқтат, душ қабылда, серуенде. Сергек, күшті, сақадай сай көңіл – күйде болу үшін барынша ұйқыңды қандыр. Емтихан – күрес секілді, онда сен өзіңді, өз мүмкіндіктеріңді және қабілетіңді көрсетуің қажет.

• Тест тапсыру орталығына кешікпей, жарты сағат бұрын барғаның жақсы. Өзіңмен бірге жеке куәлігің, рұқсатнамаң және бірнеше қаламың болу керек.

• Емтиханға қалай киінетінің туралы ойла: тест өтетін аудитория салқын, не ыстық болуы мүмкін, емтихан 3 сағат болады.

• Емтиханға әзірлік уақытында сәтті орындай алмай қаламын деп ойлама, керісінше сәттілікті ойла.

ҰБТ уақытында өзіңді қалай ұстау керек?

Мұқият бол! ҰБТ басталмас бұрын саған барлық ақпаратты береді (бланкты қалай толтыру керек, қандай әріптермен жазу қажет, мектеп кодын және т.б.). Айтылған ережелерді мұқият есіңе сақта, себебі жауаптарыңның дұрыстығы оған тәуелді!