(Фанфар)

Ерасыл . Жайна, жасап, құлпыра бер, далам-ау, 
Соны көріп, таң-тамаша қалам-ау! 
Мүмкін емес сондықтан да өзіңді 
Азияның барысына баламау! 
 - демекші, құрметті ұстаздар мен ата-аналар, оқушылар мен қонақтар, «Ел жүрегі- Астана!» айдарымен өтіп жақтан мектеп бітірушілеріне аттестат табыстау мерекесіне қош келдіңіздер!(бірге)

Үміт. Ардақты ағайын!
Құрметті (достар) қонақтар!
Қадірлі отандастарым!
Мемлекетіміздің символы, асқақ абыройымыздың айғағы болған Астанамыздың 20 жылдық тойы, Қазақстан халқының мерейлі мерекесі құтты болсын.

Үміт. Бүгінгі жиналған ата - ана, ұстаз,
Салтанатсыз өмірдің мәні болмас.
Арамыздан талпынып қанат қақты,
Он бір жылда оң - солын таныған жас.
Ерасыл . Нұрлы үмітін арқалаған арқаға

Жан сәулесін тарататын баршаға

Шын пейілмен құрметімізді көрсетіп

Түлектерді шақырайық ортаға / бір –бірден шығып қатарға тұрады.

(Фондық музыка)2018 жылғы түлектер11 «А» Сыныбы, Сыныпта 11 оқушы,

Үміт.Алғыр, зерек, талапты көркем сөздің шебері

алдына жан салмайтын қошеметтеп қанекей

қарсы алайық қызымыз Жанеркені

Ерасыл.Бойында үлкен намыс бар

Әрқашан алға ұмтылған

Сегіз сырлы, бір қырлы

Көкпаршы Ерасылды танып ал

Үміт. Биология пәніне қызығушылықпен қараған

Тіршіліктін парағын Ай мен Күнге балаған

Біздің сынып басшысы Асылзат болар қараңыз

Өткір , өр мінезіне бағынамыз бәріміз

Ерасыл.Шежірелі тарихтың сырына ол үңіледі

Аяулым жас қаламгер көп үміт күттіреді.

Үміт.Волейболист Мирас жанкүйері спорттың

Ойын десе жанып түсер жанашыры топтың.

Ерасыл. Ойы ұшқыр Қалима , бар жағынан танылған

шебер суретші, суреті көптеп тараған

Дизайнер мамандығын таңдап алған

Тілектеспіз орындалсын ақ арман
Үміт .Намысшыл жігіт Әділ спорттан бар талабы

Волейболисі мектептің Әділ біздің болады.
Ерасыл . Қолы өнерлі қыздардың біреуі Айжан деген

Тамақтың қадірін ерте ұғып білген

Тәтті дәмдінің Айжан қас шебері

Сыныптастар оны жақсы біледі

Үміт. Аспаздық шеберлікті бойына дарытқан

Айгерім тағамның маманы болған
Еңбек берер әрқашан өз жемісін

Ол да болсын өмірдегі жеңісің.

Ерасыл.Бағыты айқын , өмірдегі жолы айқын

Айсұлудың мұң шалмайды қабағын

Биік талап қоя білген адамға

Өмірдің бір сыйы болар ғаламда

Үміт Ақжарқын жан өмірде ,жақсылықтың жаршысы

Мейірімді жан кім десең,тұйықтау бала Жанкелді

Ерасыл Аяулы түлектер! Бүгінгі аттестат алу кешіне қош келдіңіздер. Арғымақ аттай тулаған уақытта шек бар ма? Қызығы мен қуанышы араласқан он бір жыл он бір күндей өте шыққаны қандай өкінішті. Мектептің алаңсыз күндерін сағынар сәт те алыс емес.

Үміт Қараңыздаршы кешегі осы мектеп қабырғасына тарыдай болып аттаған кішкене бүлдіршіндер, міне бүгін бір-бір шоқ жұлдызшадай болып , өз алдарыңызда жарқырап тұр, ал егер бәрін қоссақ жарық жұлдызға айналады.Олай болса , бұл кешімізді болашағымыздың осы жарық та жарқын жұлдыздарына арнаймыз.

Ерасыл.Бүгін қандай шаттық толы кеш еді,
Көңіл шіркін, тасып – толып өседі.
Ұл кешегі жігіт болып қалыпты – ау,
Бойжетіпті бантикті қыз кешегі.
Үміт.Жүздеріңнен көрем шаттық арайын,
Болсын солай әрбір күнің, әр айың.
Тойларыңыз құтты болсын ата - ана,
Тойларыңыз құтты болсын ағайын!- деп аттестат алу кешін ашуға рұқсат етіңіздер!
(«ҚР Мемлекеттік Гимні» орындалады

Бүгінгі «Ел жүрегі –Астана» атты жұлдызды мерекелік кешке келіп отырған қонақтармен таныстырып өтейік.

Ерасыл Ұлан ауданының жұмыспен қамту және әлеуметтік бағдарламалар бөлімінің басшысы Калиева Гульмайра Набиевна
Үміт. Аблакет ауылдық округінің әкімі: Агланбеков Арслан Орынбасарұлы
Ерасыл. Ардагерлер кеңесінің төрағасы Оразаев Әлімхан Рахымбекұлы
қатысып отыр. Қош келдіңіздер!

Үміт: Бүгін Қазақстанымыздың түкпір түкпірінде өздеріңдей түлектерге аттестаттарын салтанатты түрде табыстау рәсімі өтіп жатыр. Осы салтанатты кеште бүгінгі күннің қуанышын бөлісуге келген Калиева Гульмайра Набиқызы бізде қонақта. Алғашқы құттықтау сөзді құрметті қонағымызға береміз.

Ерасыл: Жұлдыздарымызға ақ жол тілеп, құттықтау үшін сөз кезегі Аблакет ауылдық округінің әкімі: Агланбеков Арслан Орынбасарұлына беріледі.

Ерасыл.11 жыл оқып,өстіңдер міне жайқала
Аттестат алғалы тұрсың мектеп деген ордада.
Аттестат деген – азаматтық куәсі,
Аттестат деген - өмірге берген жолдама -
дей келе көптен күткен қуанышты кезең, 11 жылғы төккен теріңнің жемісі,11 жыл бойы алған біліміңнің белгісі Аттестат алу рәсімі де келіп жетті.

Аттестат тапсыру құрметі мектеп директоры Абраимова Еркежн Мураткановна мен оқу ісінің орынбасары Дуанова Алмагул Кашкеновнаға тапсырылады./4 топқа бөліп шақыру
(Салтанатты түрде куәлік , мақтау қағаздарын қоса тапсыру)

Үміт: Бұлақ көрсең көзін аш дейді, қазақ.Бұлақ бұл су, яғни суды қорған етер топтың жұлдыздары:Шаян, Саршаян, Балық. Алдарыңызда тұрған су атасының балалары :

Кайыржанова Аяулым, Тоқтасынов Әділ,Баянгали Жанкелді, Қамзина Айжан/алдыға шығады.

Ерасыл Су жұлдыздар өмірде өте нәзік келеді, сезімтал болып келеді. Шаяндар: өздерін әлеуметтік жұмыста, ұстаздық салада көрсетеді.

Сарышаяндар тез және шапшаң шешім қабылдауға бейім. Балықтар - Ең тамаша талапты да талантты жандар болады

Үміт ендеше өздеріңді бұл өмірде суда жүзген балықтай сезініңдер. «Жасыл табиғатты қорғайық»қайырымдылық акциясына болашақта атсалысады деп сенеміз.

Жер балаларын шақырайық: Бикеш, Торпақ, Тауешкі жұлдыздары

Уалиолла Калима , Авилсейт Айсұлу

Ерасыл Жер ананы қорған қылар топтың азаматтары өмірге өте бейім, аяғымен нық тұруға дайын. Бикештер ұшқыр ойлары мен зеректіктігі басым, ал тауешкілері өздерінің бірбеткейлігі мен қоса тамаша басшылықта көріне біледі.

Уалиолла Калима , Авилсейт Айсұлу

Үміт Өмірге ғашық болып жүріңдер,туған жерлеріңе жақын болыңдар. Әрбір адам өмірге келгеннен кейін, артында із қалдыруды мақсат тұтады. Оған қоса, Отан, туған жер алдындағы парыз барын естен шығармау керек. Осы орайда 2009 жылы ШҚО басшылығымен «Туған жерге тағзым» акциясы қолға алынды. Акция аясында ауылдардағы мектептердің бұрынғы түлектерімен, кәсіпкерлерімен, осы өңірде туып-өсіп, қазір басқа жақтарда жүрген іскер азаматтармен қарым-қатынас орнатылып, олар өз кезегінде ауылдардың өркендеуіне, соның ішінде әлеуметтік нысандардың материалдық базасын нығайтуға демеушілік етіп, көмектесіп жүр. Ондай азаматтар біздің арамызда да бар, Сүйеніш Бердіхан, Қуаныш Күнболат тағы басқаларды үлгі тұтып, мақтанышпен айта аламыз.

Ерасыл Арман қуған нәзік жандар, арманды қолға алғандар, Ауа қорғауындағы жұлдыздар. Олар:Егіздер, таразы, суқұйғыштар. Суқұйғыштар әр жаңалықты дамытып немесе тың жобалар табуға, жаңа идеялар туғызуға шебер жандар.Ауа қорғауындағы Қалымбеков Мирасты ортаға шақырайық/аттестатты беру.

Биіктен көрініп, жолың даңғыл болсын

Үміт.Міне ең соңғы жұлдыздар шоғырын шақырамыз.

От-адамзат баласының қорғаушысы.Бұл адамдар шексіз жігерлі, шығармашыл болып келеді. Оттың қорғауындағы жұлдыздар Тоқты,Арыстан, Мерген арасында музыкаға бейімдер көп болады. Ал,мергендер музыкаға бейім болғанмен, көп еліктеп кетеді, дегенмен бұл азаматтардың барлығы сөзсіз эстрада жұлдыздары бола алады деп ой түюге болады. Орынбекова Асылзат, Сайлаубек Ерасыл, Октябрь Жанерке, Тлеуқабыл Айгерім

Ерасыл Ешқашан сөнбеңдер,тағдырдың сыйға берген лаулаған отын өмірдің жақсы сәттерінде қолдана біліңдер.

Үміт Түлектердің атынан құттықтау сөз кезегі жас түлек Орынбекова Асылзатқа беріледі.

/ «Мектепке кітаптар сыйла!» өңірлік акцияға қатысамыз,түлектердің атынан оқушыларға біздің сүйіп оқитын кітаптарды табыстаймыз./

Мұғалімдердің құрметіне Ескелді Рамазанның орындауында«Ұстазым» әнін қабыл алыңыздар.

Ерасыл.

Ұстаз ана - болашақтың анасы,

Ұстаз ана - ақыл-білім панасы,

Жүзіндегі пәк мейіріміді көргенде

Әр шәкірттің оянады санасы

Сөз кезегін сынып жетекшісі Куниязова Н.Ч.береміз

Ерасыл:Құтты болсын ата - ана қуанышың
Жасқа толды кәмелет жұбанышың
Қанат қомдап ұядан ұшқалы тұр
Бір биікке күні ертең шығары шын – дей отырып сөз кезегі ардагерлер кеңесінің төрағасы Оразаев Әлімхан атаға және жас түлектердің ата - аналары атынан Жақып Октябрь ағамызға беріледі.

Үміт Ән: «Қош бол мектебім» орындайтын: -Ержанова Аяужан-

Ерасыл.Құрметті түлектер сіздерге Сәт - сапар және ақ жол тілейміз.Сіздер жердегі жұлдыз болсаңдар, аспандағы жұлдыздарыңыз өздеріңізге серік болып алысқа жетелесін. Жолдарыңыз болсын, түлектер! Ата-аналар мектеппен байланысын үзбесін «Мектепте үйірме аш», «Ұлың және достары үшін» тәрбие сағатын өткіз акциясына қатысуға ата-аналарды шақырамыз.
Үміт.Ардақты қонақтар, ұстаздар және ата - аналар салтанатты жиынымыз осымен аяқталды. Жүздескенше сау саламатты болыңыздар!