11 сынып вариативтік сабақ

Түсінік хат

Білім беру сапасын жаңа деңгейге көтеру бүгінгі күнде қазақстандық білім беру жүйесінің негізгі мақсаты болып табылады.Орта мектеп бағдарлам асындағы негізгі пәндердің бірі – математика. «Функциялар және олардың қолданылуы» факультативтік курсы оқушыларға негізгі мектептің математика пәні бойынша қорытынды мемлекеттік емтиханға дайындау барысында оқушылардың осы пәнге деген қызығушылығын арттыру, логикалық ойлауын дамыту, теориялық білімін тәжірибеде қолдана білу дағдысын қалыптастыру, есептер шешімін өз бетінше табуын жетілдіру . Бұл бағдарлама математикада негізінен жалпы білім беретін мектеп бағдарламасымен қарастырылған тригонометриялық функциялар, теңсіздіктер және теңдеулер, алғашқы функция, логарифм, т.с.с., мәселе есептерді қарастыруға тіреледі.

Математикаға қабілетті оқушылардың ынтасын арттыруда ой орісін кеңейтуде курстың берері мол. Оқушыларды өз бетімен жұмыс істеуіне,теориялық материалды талдап, түсінуіне көмектеседі, негізгі бағдарламалық материалдарды жоғары дәрежеде меңгеруді көздейді. Функцияларды зерттеудің толық жүйесімен танысып,әр функцияның алғашқы функциясы мен туындысын табуды меңгереді.

Курс аптасына 1 сағаттан, барлығы – 34 сағат.

Мақсаты:

Оқушыларды функцияны талдай білуге, функция графиктерін сала білуге, алған білімдерін әрі қарай жетілдіруге дағдыландыру. Оқушының бейімдігін ескере отырып, оны дамыта түсудің нәтижелі жолдарын қарастыру, ізденуге, шығармашылық әрекетке ұмтылдыру.

Міндеттері:

1. Бағдарламадағы әрбір тақырыпты толық меңгерту.

2. Бағдарламалық тақырыптарға негізделген есептерді шығара білу.

3. Оқыған тақырыпқа қатысты өзіндік ойлай білу.

4. Бүгінгі оқушы – ертеңгі жаңа заман талабына сай, қоғам қажеттілігін өтейтін маман екендігін түсіну.

5. Математикалық дағды математиканы әрі қарай меңгеруіне, оны өмірде кәсіпте қолдануға тәрбиелеу.

Қазіргі заман өзектілігі:

Қазіргі педагогтар алдында тұрған мақсат – еліміздегі білім беруді халықаралық деңгейге көтеру және білім сапасын көтеру.

Математиканың қолданбалы бағытын көтеру оқушылардың көзқарасын қалыптастырады. Математика сабағында теориялық материал мен есеп шығару материалын тығыз байланыстырып, оқушының нақты да жүйелі математикалық бейімділік дағдысын қалыптастырады. Себебі бұл дағды математиканы әрі қарай меңгеруіне, оны өмірде, кәсіпте қолдануға қажет болады. Оқушылар жаңа теорияның, материалдың қажеттігіне, өмірдегі пайдасына сенуі керек.

Математикалық анализдің элементтерін оқып-біле отырып, оқушылар оның қолданбалы мүмкіндігін бағалап және меңгеру дағдысын ашады.Оқушыларға терең және тиянақты білім беру, оқу пәндерін өзара байланыстыру, ойлау, пікірлесу, қабіліттерін дамытуға қатысты материалдарды ұштастыра оқыту арқылы оқушылардың білімдері мен икемділіктерін, өз ойларын жеткізе алу дағдыларын жетілдірудің мәні ерекше.

Бағдарламаны меңгеруде оқушыларға қойылатын талаптар:

Оқушы не білу керек ?

1. Мектеп курсындағы математикалық анықтама мен заңдылықтарды;

2. Мектеп курсындағы анықтама мен заңдылықтарды;

3. Мектеп курсындағы формулаларды.

Оқушы нені меңгеру керек?

1. Мектеп курсында қарастырылмайтын ұғымдар мен олардың заңдылықтарын;

2. Функцияның ұтымды формулаларын;

3. Функцияның графиктерін сала білу.

Күтілетін нәтиже:

1. Алған білімдерін практикада дұрыс қолдана білу;

2. Өзіндік ойлау дағдыларын жетілдіру;

3. Есептеулердің тиімді әдістерін шапшаң таба білу.

Білім беруде курстың алатын орны:

Оқушыларды білімдерін кеңейтуде курстың алатын орны зор. Курстың толық курсын оқып, меңгерген оқушы көптеген мектеп курстарында оқытылмайтын тақырыптармен танысып,өз білімдерін нығайта алады. Сонымен қатар белгілі математикалық жарыстарда оқып, үйренгендерін пайдалана алады.

Курсты жүргізу әдістері мен тексеру түрлері:

1. Есептер шығару.

2. Тест жұмыстары.

Курстың мазмұны мен құрылымы:(аптасына 1 сағаттан, барлығы – 34 сағат)

Тригонометриялық функциялар.Бұл тарауда тригонометриялық функциялар туралы жалпы түсінік, сонымен қатар тригонометриялық функциялардың туындысы, интегралы және графиктік сызбалары, теңдеулерді шешу жолдары кең ауқымда қамтылып оқытылады.

Иррационал теңдеулер. Бұл тарауда иррационал теңдеулермен теңсіздіктерді олардың жүйесін шешу, түрлендіру жолдары қарастырылады.

Көрсеткіштік және логарифмдік функциялар.Бұл тарауда көрсеткіштік және логарифмдік функциялардың қасиеті, графигін салу, туындысын табу, теңдеулер мен теңсіздіктерді, олардың жүйелерін табу үйретіледі.

Элементарлық функциялар. Бұл тарауда функция жайлы кең тұрғыда түсінік беріледі. Мәселен, элементарлық функциялар, ерекше қасиеті бар функциялар, кері, күрделі функциялар, олардың анықталу, мәндер облысы, графиктері оқытылып, алғашқы функциясы мен туындысын табу үйретіледі.

«Функциялар және олардың қолданылуы»

Пайдаланылған әдебиеттер:

1. «Факультативный курс по математике», Шарыгин И.Ф., Голубев В.И. Москва. «Просвещение».1991 г.

2-3. С.Қаниев «Математикадан таңдамалы есептер» І, ІІ кітап А., «Рауан», 1993

4. Электронды тест 5+ есептері

5. «Талапкер» тесттер жинағы.

6. ҰБТ арналған байқау тест кітапшалары 2011, 2012, 2013, 2014 жылдар

7-8. Исмаил Акйол Математика-1, Математика -2, Жоғары оқу орнына түсушілерге арналған оқулық-тест А.: Шың-кітап, 2007

9. «Математика,информатика,физика», «Математика»,«Алгорифм», «Математика және физика» журналдары

10. «Электрондыоқулықтар»

11. Интернет материалдары

12. Pisa, Timssхалықаралық зерттеу материалдары

13-14. «Достық» Қазақстандық білім беру орталығы Математика жұмыс дәптерлері №1,2 Алматы 2013

15. М.У. Ахтаров Математикалық тестер жинағының шешімі, Қиындатылған есептер шешімі, А.:2011

№ « » тамыз 2017 Бекітемін: С.С.Калдыгулова Келісілді: Е.Тлепов

Педкеңесте қаралды Қараой мектеп-балабақшасының директоры Ойыл аудандық білім бөлімінің басшысы

Тақырыбы:

«Функциялар және олардың қолданылуы»

(мектеп компоненті)

Сыныбы: 11

Орындады: І.Б.Омарова

Математика пәнінің мұғалімі

Ә/Б отырысында қаралды:____________І.Б.Омарова

(Ә/Б жетекшісі)

Тексерілді: __________________ Г.С.Жарбакиева МДОІЖО